Daniel 7:4 - Bible in Tzeltal de Oxchuc y Tenejapa

⁴ Te jcojt'e pajal soc león-choj yilel, pero ay xic'. Te xiq'ue xic' águila yilel. C'alal yacon ta yilel a, la yich' bulel te xiq'ue. La yich' jachel ta lum, la yich' tejc'anel ta yacan, jich tejc'aj te bit'il ya xtejc'aj te winique. Te xchinam c'atp'uj ta xchinam winic.

Bible in Tzeltal Bachajón

⁴ Te jcohte pajal soc choj, soc ay xic' yu'un jxic. C'alal yacon ta yilel a la yich' bulbeyel te xiq'ue, la yich' hahchel ta lum, la yich' tehc'anel ta yoc hich te bin ut'il winic, soc la yich' a'beyel yo'tan winic.

Daniel 7:4 ပူးပေါင်းရင်းမြစ်များ

2 Samuel 1:23

“Saúl soc Jonatán, te c'uxic ta o'tanil soc te mulanbil, ma ba la spit sbaic te c'alal cuxul, ni ja'uc la spit sbaic te c'alal lajiquix a. C'ax jich beenic a te bit'il swilel águilaetic, c'ax jich yipic te bit'il león-chojetique.

Job 25:6

Ja'uc to balix a te winic, te pajal soc yalja stuquele —xi' te Bildad.

Salmos 9:20

Cajwal, ac'beya xiwel ta yo'tanic, ac'beya sna'ic te ch'ich'-baq'uet naxe.

Jeremías 25:38

Jich loc' tel te bit'il león-choj ta bay xch'en; te slumalic c'atp'uj jilel ta jinem ts'ajq'uetic. Yu'un til jichuc c'ajc' te yilimba Cajwaltic, jich la sticun tel guerra te xiweltic nax sbae.

Jeremías 4:13

Ilawilic te contro yacalic ta noptsajel tel jichuc tocal, te scarretaic yu'un guerra, pajal soc yilel te mero tulan iq'ue, te caballoetic yu'unique, c'ax to jich ya xbeenic yu'un a te bit'il águilae. Obal jbatic, jo'otic te ch'ayemotique.

Jeremías 4:7

Te león-choj loq'uix tel ta xch'en, te mach'a ya sjin te nacionetic yaquix tel ta beel; loq'uix tel ta slumal, swenta yu'un ya sjinbat te alumale, swenta yu'un jochol ya yijq'uitaybat jilel. Jc'axel ma'yuc stuul ya xjil te lumetic awu'une.

Jeremías 48:40

Te Cajwaltic ya yal: —Te scontro Moab yacal ta wilel tel ta stojol, jichuc muc'ul águila yilel te slich'oj xiq'ue.

Jeremías 49:19

Talon meix a te ya awile, jich bit'il león-choj ya xloc' tel ta pimil ja'mal ta ti'ti'ja' Jordán, te ya yantay bael ta bay unin aquiltic. Tey me ya cac' x'anic loq'uel a te mach'atic ay ta Edom, ya me cac' xmandalaj ta ajwalil tey a te mach'a ya sc'an co'tan ya jtsae. Melel ¿mach'a ya spajon te jo'one? ¿Mach'a ya xju' ya stsalon? ¿Mach'a jcanan-chij c'oem te ya xju' scontroinone?

Lamentaciones 4:19

C'ax jich ya x'animajic te bit'il áquila ta ch'ulchan te jnutswanej cu'untique; ya snutsotic ta witstiquil, ya yac'botic yaquiltic ta bay jochol taquin q'uinal.

Ezequiel 17:3

Jich xawalbey: “Jich la yal te Cajwaltique: ‘Ay jcojt' muc'ul águila c'ot ta Líbano, mero muq'uic te xiq'ue, muc' ya smac, potsol ta sc'uc'umal, mero bayal sbonil te sc'uc'umale. La stsac ta sni' te sni'il te cedro,

Ezequiel 28:2

—Ja'at winic, c'opona te muc' ajwalil yu'un Tiro, jich xawalbey: “Te Cajwaltic jich ya yalbat: ‘Te ja'ate noj toybail ta awo'tan, la acuy aba ta Dios; nacalat ta smuc'ul nactijib diosetic la awaiy, soc joytaybilat yu'un mar. Pero ma diosucat, winicat nax. Ya acuy aba te awich'ojbey sp'ijil yo'tan te Diose.

Ezequiel 28:9

¿Ya to bal acuy aba ta dios a te c'alal ayatix ta stojol te acontrotaque? Ya me xchicnaj te tojol winicat c'alal ayat ta sc'ab te mach'atic ya smilate.

Daniel 2:38

la yac'bat awu'unin ta spisil q'uinaletic te ay mach'atic nainemic tey ae, soc te ay chambalametic, mutetic. Ja' stuquel la yac'bat awu'unin spisil, ja'at me sjolat te oroe, muc' ajwalil.

Daniel 4:36

“Ja' nix ta yorail a cha'lecub xan q'uinal la caiy. Te smuc'ul yutsil te banti ayon ta ajwalil, te yutsil jc'oplal, soc smuc'ul jc'oplale, cha'sujt' xan tel ta jtojol. Te jtojteswanejetic, jtac'uywanejetic soc te mach'atic yich'oj tulan yat'elic te banti ayon ta ajwalile, tal sleonic. Jich cha'ochon xan ta cat'el ta ajwalil ta stojol te nación cu'une. C'axem to xan jich muc'ub cat'el a te bit'il cat'el ta neelal toe.

Daniel 7:12

Ja' nix jich te yantic muc'ul chambalametic, la yich'ic pojbeyel te yipique. Pero ma ba la yich'ic milel stuquelic, jilic to ja' to teme c'ot yorailique.

Daniel 7:5

“Te xchebale pajal yilel soc oso, ts'eel yac ta beel ta jun yacan soc ta jun sc'ab. Te muc'ul chambalam scats'oj ta ye oxch'ix sbaquel moch yilel. La caiy jich albot: ‘Baan, ti'a te baq'uet te bay c'alal ya xju' awu'un sti'ele’, xi' sc'oplal.

San Mateo 24:28

Te banti chawal sbaq'uetal te bila lajeme, tey ya stsob sbaic tel a te xulemetique.

Deuteronomio 28:49

Te nación mero c'ubul ay ta atojol, ya me sticunbat tel ta atojol te Cajwaltique. Jich me ya xtal ta ora te bit'il tulan ya xwil tel te águilae, jun nación te ma x'ana'bey sc'ope.

Apocalipsis 13:2

Te muc'ul chambalam te xi'bantic sbae pajal yilel soc te leopardo-choje. Te yacane jich yilel te bit'il yacan te osoe. Te yee jich yilel te bit'il ye te león-choje. Te muc'ul chan te xi'bantic sbae la yac'bey yu'el soc la yac'bey snactijibin te smuc'ul nactijibe soc la yac'bey yich' tulan yat'el.