Daniel 7:11 - Bible in Tzeltal de Oxchuc y Tenejapa

¹¹ “Te jo'one yacon nax ta yilel. Tey baem co'tan a te bitic puro swenta toybail yacal yalel te ch'in xulubile. Te c'alal yacon ta yilel a, la yich' milel te muc'ul chambalam, la yich' sesenel scojt'ol, la yich' busanel ochel ta c'ajc'.

Bible in Tzeltal Bachajón

¹¹ Yacon ta yilel ta scaj te toyba-c'op te yac yalbel te tut xulubile. Yacon ta yilel a, la yich' milel te chambahlam, la yich' butsticlanel te sbaq'uetal soc la yich' tsobel ochel ta c'ahc'.

Daniel 7:11 ပူးပေါင်းရင်းမြစ်များ

Apocalipsis 19:20

Te muc'ul chambalam te xi'bantic sbae, la yich' tsaquel ta chuquel soc te lotil j'alwanej te la yac' ta ilel seña yu'el ta stojole. Ta swenta te señaetic la yac' ta ilel te lotil j'alwaneje, ju' yu'un slo'layel a spisil te mach'atic la xch'uunic yich'el smarca te chambalam te xi'bantic sbae soc te la slajin sbaic ta stojol te sloc'ombae. Cuxul la yich'ic ch'ojel ochel ta xchebalic ta bay muc' pamal c'ajc' te yac ta tilel soc azufre.

Apocalipsis 20:10

Te pucuj te lo'layotic yu'une, la yich' ch'ojel ochel ta muc' pamal c'ajc' te yac ta tilel soc azufre, ta banti yich'ojix ch'ojel te muc'ul chambalam te xi'bantic sbae soc te lotil j'alwanej yu'une. Tey me ya xc'ax swocolic a ta c'aal ajc'ubal ta sbajt'el q'uinal.

2 Tesalonicenses 2:8

Teme ya yich' loq'uesele, ya me xchicnaj te mach'a mero jmulawil winique. Te Cajwaltic Jesuse ta sjab nax ye ya smil. Tic' ya sjinbey yu'el a te bit'il ya xchicnaj tel soc yip yu'el te Cajwaltique.

Daniel 7:8

“Te c'alal yacon ta yilel a te jayeb xulube, la quil ta yolil, ay loc' xan jch'ix ch'in xulubil. Jich la yich' bulel oxch'ix te xulube, swenta yu'un jich ay yawil te ch'in xulub te patilix loq'ue. Te xulub ay bayal sit, jich sit te bit'il sit ants-winiquetic, ay ye banti ya yal bitic muq'uic sc'oplal.

Apocalipsis 18:8

Ja' swentail te jun nax c'aal ya xtal castigo ta stojole. Ya xtal lajel, oq'uel soc wi'nal, soc ya me yich' chiq'uel ta c'ajc'. Melel ay bayal yip te Cajwaltic Dios te ya yac'bey castigoe”, xi' la caiy.

Daniel 8:25

Ta swenta sp'ijil yo'tan ta lo'laywanej, ya xju' yu'un tsalaw. Ya me xnoj ta yo'tan toybail, bayal me ya smuquen-mil te mach'atic jun yo'tanic ta stojole. Ya me stoy sc'ab ta stojol te Ajwalil yu'un ajwaliletique. Pero jc'axel me ya xlajinot yu'un stuquel.

Apocalipsis 20:12

Soc la quil spisilic te animaetic te muc' biq'uit tec'ajtic tey a ta stojol te Diose. Te libroetique la yich' jamel, soc ay yan libro te la yich' jamel te ja' te lista yu'un cuxinele. Dios la yalbey yat'elic juju-jtul te animaetique chican te bi yilel te bila spasojique. Ja' chican te bila ts'ibubil ta bay te libroetique.

Apocalipsis 20:4

Soc la quil te ay muc'ul nactijibaletique. Te mach'atic nacalic tey ae, yich'oj yat'elic ta chajbanwanej. Soc la quilbey xch'ulelic te mach'atic la yich'ic coq'uel sjolic ta scaj te la yalic ta jamal ta testigo-c'op te Jesuse, soc ma'yuc banti la slajin sbaic ta stojol te muc'ul chambalam te xi'bantic sbae soc ta stojol te sloc'ombae, soc ma la xch'uunic yich'el smarca ta stibaic o ta sc'abic. La quil cha'cuxic spisilic soc la quil te sjoinejic ta ajwalil jmil (1,000) ja'wil te Cristoe.

Judas 1:16

Ja'ic in to, jmuquen-ayantaywanejetic, jc'an-parteetic, te ja' nax baem ta yo'tanic te bila ya smulanique. Nojel ta yeic toybail. Ya sleic bit'il ya slo'laybeyic yo'tan yantic, yu'un ay bila ya sc'an ya staic a.

2 Pedro 2:18

Melel puro toyba c'op sti'inejic te ma'yuc stuul xujt'uque. Ja' ya xlo'laywanic a te sbic'tal yo'tanique soc te bila ya smulan spasel te sbaq'uetalique. Jich ya xchijtesbeyic yo'tanic te mach'atic colelic to loq'uel tey a ta yolil te mach'atic jowejemic ta q'uinale.

Daniel 11:45

Ya me xba spas scampamento ta yolilic te mar soc te ch'ul wits yu'un te T'ujbil Lumq'uinal te xi' sbiile. Pero tey ni me ya staix yorail ya xlajix jilel a, ma me ayuc mach'a ya xcoltayotix yu'un.

Daniel 7:12

Ja' nix jich te yantic muc'ul chambalametic, la yich'ic pojbeyel te yipique. Pero ma ba la yich'ic milel stuquelic, jilic to ja' to teme c'ot yorailique.