Daniel 7:10 - Bible in Tzeltal de Oxchuc y Tenejapa

¹⁰ jun muc'ul c'ajc' yac ta loq'uel tel jichuc ja' tey a. Bayal ta jmil te mach'atic ya yac' sbaic ta abatinel yu'une; bayal ta millón tec'ajtic ta stojol. Te jtsojp jchajbanwanejetic, jajch'ic ta at'el, la yich' jamel te libroetique.

Bible in Tzeltal Bachajón

¹⁰ Ay muc'ul-ha' yu'un c'ahc' yac ta oc loq'uel tal ta stojol; bayel ta mil ta mil ta tuhl ya yac' sbahic ta a'batinel yu'un, soc bayel ta millón ta millón tec'ajtic ta stojol. La shuhcan sba te Jchahpanwanej, soc la yich' jamticlanel te librohetique.

Daniel 7:10 ပူးပေါင်းရင်းမြစ်များ

1 Reyes 22:19

La yal xan te Micaías: —Ja' yu'un te bi la awalixe, aiya me awaiy te sc'op Cajwaltic: La quil te Cajwaltic nacal ta smuc'ul nactijib, soc la quilbey spisil te ch'ul abatetic ta ch'ulchan, tec'ajtic ta sts'eel ta swa'el soc ta xq'uexen.

2 Crónicas 18:18

Te Micaías la yal xan: —Ja' yu'un te bit'il la awalix, aiya awaiyic stojol sc'op te Cajwaltique: La quil te Cajwaltic nacal ta smuc'ul nactijib soc la quilbey spisil te ch'ul abatetic ta ch'ulchan te tec'ajtic ta sts'eel ta swa'el soc ta xq'uexen.

Job 25:3

Mero ma xju' ta ajtayel te ch'ul abatetic yu'une, ya yac'bey tiluc xojobil ta stojol spisilic.

Salmos 103:21

Albeyaic yutsil sc'oplal Cajwaltic apisilic te abatexe, te ayex ta abatinel yu'un soc te ya apasbeyic te sc'anjel yo'tane.

Salmos 18:8

Loc' tel ch'ail ta sni', soc loc' tel c'ajc' ta ye swenta lajinwanej, xbuquet nax ta loq'uel tsajal ac'al ta ye.

Salmos 50:3

Te Dios cu'untic ya me xtal, pero ma me ch'abaluc q'uinal yu'un ya xtal: ay me c'ajc' swenta lajinwanej ta stojol, soc xpumet me tulan ic' ta sjoyobal.

Salmos 68:17

Te Diose ta millonetic ay ta ajtayel te carretaetic ay yu'un swenta guerra; ta wits Sinaí och tel a, jul ta templo yu'un.

Isaías 30:27

Ya me awilic, ya xtal ta c'ubul te Cajwaltique; te sc'ajc'al yo'tan yac ta tilel soc muc'ul pimil ch'ail. Nojel yilimba ta ye, te yaq'ue, jich bit'il c'ajc' te ya xlajinwane.

Isaías 30:33

Ayix bayal c'aal chajbanbil ta swenta Asiria soc ta swenta te muc' ajwalil yu'un, te yawil woclajel, te muc' sjamalul soc najt' coel. Ay tsumbil c'ajc' tey a, te yac ta tilel soc c'axem to xan bayal si'il. Ya me stiles c'ajc' a te ic' ya xloc' ta ye te Cajwaltique, jich me ya xtal te azufre te bit'il snojel ja'.

Daniel 12:1

“Ja' me yorail ya xchicnaj te Miguel, ja' te muc'ul jcanantaywanej ch'ul abat te ya scoltay te lum awu'une. Ja' yorail a te ay me bayal wocol, ma'yuc yan wocol jich c'oem ta pasel a te jayebix c'aal ay te nacionetique. Te c'alal ya sta yorail te jich ya xc'ot ta pasele, ya xcolic spisil te alumale, ja' te ts'ibubil sbiilic ta libro.

Daniel 7:22

ja' to te c'ot te Mamale te la xchajban ta stojil te lum yu'un te Dios mero toyole. Melel c'otix yorail sc'aalelal te ya yu'uninix spasel ta mandal te lum yu'un te Diose.

Daniel 7:26

Pero ya me snajc'an sbaic ta chajbanwanej te jchajbanwanejetic, jc'axel me ya xloq'uesbot yat'el, soc ya me xlajinot ta jc'axel.

Zacarías 14:5

Te ja'ex ya me x'anex bael ta suclej te ya xjil ta olil yu'un te witsetique, ja' te ya xc'ot c'alal ta Azal, ta sjejch'elul baele. Jich me ya x'anex bael te bit'il anic bael ta namey te antiguo ame'-atatic, ja' te anic ta swenta xi'el te nijq'uel, te c'ax te c'alal ay ta muc' ajwalil a te Uzías, ja' te c'alal swentainej a te sq'uinal Judá. Ya me xtal te Cajwaltic te Dios cu'un, sjoinej me ya xtal spisil te mach'atic jun yo'tan la yac' sbaic ta stojole.

San Mateo 25:31

“Te c'alal ya xtal soc yutsilal te Nich'anile, ya me sjoin tel te ch'ul abatetique. Ya xjul snajc'an sba ta bay yutsilal te smuc'ul nactijibe.

Deuteronomio 33:2

jich la yal: —Te Cajwaltic tal ta Sinaí; c'alal to ta Seir yac'ojbotic tel xojobil. La sacubtes tel q'uinal c'alal ta witsetic yu'un Parán, jajch'em tel c'alal ta Meriba-cades, ta swa'el c'ab yich'ojbotic tel te mandaliletic te bayal xojobile.

Hebreos 1:14

Melel te ch'ul abatetique, abat nax yu'un te Diose. Ya xticunotic yu'un Dios ta scanantayel te mach'atic ya yich'ic coltayel yu'une.

Hebreos 12:22

Yan te ja'exe tey noptsajemex bael a ta bay wits Sión soc ta bay te muc'ul lum yu'un te cuxul Diose, ja' bi, ja' te Jerusalén swenta te ch'ulchane, soc ta bay tsobol ta jmil te ch'ul abatetique,

Judas 1:14

Jich nix la yalbey sc'oplal uuc te Enoc te ja' sjuccumul sts'umbal te Adane. Jich la yal: “La quil te Cajwaltique, sjoinej tel bayal ta jmil te ch'ul abatetic yu'une.

Apocalipsis 11:18

Ilinix yo'tanic te nacionetique. Ja'uc me to, c'otix yorail te awilimbae, soc c'otix yorail te ya awilbey yat'elic te mach'atic lajemique, soc te ya awac'bey stojol sc'abic te abatetic awu'un te yacalic ta yaiyel j'alwaneje, soc te jayeb te mach'atic ch'ul lum yu'un te Diose, soc spisil mach'atic yich'oj ta muc' te abiile, chican teme muc' biq'uite, soc c'otix yorail te ya awac' ta lajel te mach'atic ya sboltesic te balumilale”, xiic ta yalel.

Apocalipsis 5:11

La quil soc la caiybey stojol sc'op tsobol ta jtul te ch'ul abatetic te sjoytayejic te muc'ul nactijibale soc uuc te bitic cuxajtique soc uuc te mamaletique. Te yajtalul te ch'ul abatetique bayal ta millón ta millón te ma ju' ta ajtayele.