Daniel 7:1 - Bible in Tzeltal de Oxchuc y Tenejapa

¹ Ta sbabial ja'wil yat'el ta mandalteswanej a te Belsasar ta Babilonia, ta jun ajc'ubal ay bitic la yil la yaiy ta swaich te Daniel. Te c'alal wijc' sit ta wayele, la sts'ibuy te bitic tulan sc'oplal la yil ta swaiche. Ja' la sts'ibuy in to:

Bible in Tzeltal Bachajón

¹ Ta shahchibal ha'bil ay ta ajwalil a te Belsasar ajwalil yu'un Babilonia, la ya'iy wayich te Daniel soc nahalsitiletic te c'ax ta spensar c'alal ay ta swayib; patil la sts'ihbay te swayich soc la yal te bintic tulan sc'oblal tey a.

Daniel 7:1 ပူးပေါင်းရင်းမြစ်များ

Génesis 15:1

Patil te Abram c'oponot yu'un Dios te chicnaj ta sit yilel, jich albot: —Ma xiwat, Abram, jo'on jcanantaywanejon awu'un, muc' me amajt'an ta bay nax c'alal —xi' sc'oplal.

Génesis 46:2

Ta swaich c'oponot yu'un Dios ta ajc'ubal te mamal Israel, jich albot yu'un: —Jacob, Jacob —xi'. La sjac' te mamal Israel: —Li' ayon to —xi'.

Job 4:13

Ta ajc'ubal, te c'alal wayalic a te ants-winiquetique, tal waichejel ta jtojol.

Isaías 30:8

La' me yo'tic, ts'ibuya ta jpejch' ch'ujte', soc ac'a ta jun, ac'a ainuc tey a ta swenta sna'jibal bael, yu'un ya me yac' ta na'el sbajt'el q'uinal.

Isaías 8:1

Te Cajwaltic la yalbon: —Lea junuc ch'ujte', ts'ibuya tey a in biilil to: “Maher-salal-hasbaz”, te xie, ta letraetic te ya xju' ta ilele.

Jeremías 23:28

Teme ay jtul j'alwanej ay swaich, ac'a yal te ay swaiche; teme yu'unix yaiyojbon te jc'ope, jich toj ta alel yu'un. Ma pajaluc soc taquin ac te trigoe. Te jc'ope jich bit'il c'ajc', soc jich bit'il martillo te ya swuy te tone. Jo'on Ajwalilon, jich ya cal.

Jeremías 27:7

Spisil te nacionetic ya me yac' sbaic ta abatinel yu'un, soc ta stojol te snich'an, soc nix ta stojol te smame, ja' to me c'alal ya xc'ot sc'aalelal ya x'och ta c'abal yu'un niwactic nacionetic soc tulanil ajwaliletic uuc.

Jeremías 36:32

Jich yu'un te Jeremías la stsac yan balbil jun, la yac'bey Baruc te secretario yu'une; te ja' la sts'ibuy spisil te bila la yal Jeremiase. La yac' ta ts'ibuyel spisil nix te bila ts'ibubil ta balbil jun te la xchic' te muc' ajwalil Joacime, soc bayal to xan la yac' ochel yantic aiyejetic te pajal sc'oplal soque.

Jeremías 36:4

Te Jeremías la yic' tel te Baruc te snich'an Nerías, la yac'bey sts'ibuy spisil te bila yaloj te Cajwaltique te yac ta yalel loq'uel ta ye te Jeremiase. Jich yu'un te Baruc la sts'ibuy te balbil june.

Ezequiel 1:1

Jo'on te sacerdote Ezequiel te snich'anon Buzi. Ay jun c'aal te ayon ta sti'il muc'ja' Quebar a, te ay ta sq'uinal Babilonia, soc ja' nix joy te yantic te ic'oton ta mosoil soque. Ja' yorail a la sjam sba te ch'ulchane, ac'boton quil te Diose. Yo'ebal c'aal a te xchanebal u, te slajunebal xcha'winic (30) ja'wile, jo'eb ja'wil sbael a te ic'ot bael ta chuquel te muc' ajwalil cu'untic Joaquín. Te Cajwaltic la yac' tel yu'el ta jtojol.

Daniel 1:17

Ta xchanebalic te queremetique, Dios ac'bot sp'ijil yo'tanic yu'un, soc ac'bot sna'ic ta lec te bit'il ay sc'oplal spisil ta jchajp libroetic soc spisil p'ijililetic. Te Daniel ya sna' yalbeyel sc'oplal spisil ta jchajp waichiletic soc te bitic ya x'ac'bot yil ya yaiye.

Daniel 2:1

Xchebal ja'wil yochel ta ajwalil a te Nabucodonosor, bayal buelta waichej. Ta scaj te swaichiletic, jajch' snopilay ta yo'tan, asta ma ba och swayel yu'un sna'ulayel.

Daniel 2:26

Te muc' ajwalile, jich la yalbey te Daniel, ja' te Beltsasar yan sbiil yu'unique: —¿Ya bal xju' awu'un ya awalbon te bila la jwaichine, soc ya bal xju' awu'un sna'el te bila swentail te jwaiche? —la yut.

Daniel 4:13

“Ora nax la quil la caiy jtul ch'ul abat j'il-q'uinal, yac ta coel tel ta ch'ulchan,

Daniel 4:5

Pero ay jun ajc'ubal, te c'alal wayalonix ae, waichejon. Te jwaiche, bayal tal xiwel ta co'tan yu'un. Bayal bila la jnop ta jol, soc ay bila yacon ta yilel la caiy ta co'tan te mero xiweltic sbae.

Daniel 5:1

Belsasar, muc' ajwalil yu'un Babilonia, la stsob ta we'el swenta pas-q'uin jmil ta jtul te mach'atic muc' sc'oplalic ta nación. Te muc' ajwalil soc te ic'bilic yu'une, te c'alal yacalic ta we'el a, la yuch'ic bayal vino.

Daniel 5:22

Yo'tic muc' ajwalil Belsasar, te ja' snich'anat te winique, soc te ana'oj te bi c'ot ta swenta, la sc'an te la apejc'an aba te jichuque.

Daniel 5:30

Ja' nix ta yorail ta yijc'ubel q'uinal a, laj ta milel te Belsasar, ja' te muc' ajwalil yu'un caldeoetique.

Daniel 7:13

“Tey yacon ta yilel a te bitic la quil ta ajc'ubale. Ora nax la quil ay mach'a tal ta tocal, pajal soc te Nich'anile, toj bael ta banti ay te Mamale. Te Mamal la yac' noptsajuc bael ta sts'eel.

Daniel 7:15

“Jo'on Danielon, la caiy la yu'uninon te xiwele, melel mero tulan sc'oplal ta co'tan la caiy ta spisil te bitic la quile.

Daniel 7:7

“Te xchanebal muc'ul chambalam la quile, mero ilaybil sba soc xiweltic sba, soc mero bayal yip ta jyalel. Ay buen muq'uic sbaquel ye, taq'uin te yee. Spisil la sbic' soc la sjin, soc la spech' ta teq'uel te sobraile. Te chambalam, ma pajaluc soc te yantic la quil ta jwaiche, melel ay lajunch'ix xulub ta sjol.

Daniel 8:1

Ta yoxebal ja'wil yich'bel yat'el ta ajwalil a te Belsasar, jo'on Danielon ay bi yan la quil, ma ja'uc nax te bila la quil ta neelal toe.

Joel 2:28

Jich ya yal te Cajwaltic: —C'alal ya xc'ax ta spisil te bitic la cale, spisil te ants-winiquetic ya me jmalbey ta stojolic te espíritu cu'une. Te aquerem-nich'nabic, te awantsil-nich'nabic ay me bi ya yalic ta jwenta, te mamaletic ay me bila ya swaichinic, te queremetic ay bitic ya x'ac'bot yilic ya yaiyic.

Amós 3:7

Ma'yuc bila ya spas Cajwaltic teme ma neeluc ya yac'bey sna'ic te j'alwanejetic yu'une.

Habacuc 2:2

Te Cajwaltic la sujt'esbon te jc'ope: —Ts'ibuya ta lejch'el ladrillo te bila ya cac'bat awile, swenta yu'un ya me xju' ya yich' ilel ta ora nax.

Números 12:6

te Cajwaltic, soc jich albotic yu'un: —Aiya awaiyic stojol te bila ya calbeyex: Te c'alal ay jtul j'alwanej cu'un ta awolilic ja'ex, ya jc'opon ta swenta bitic ya cac'bey yil, soc ya jc'opon ta swaich.

Romanos 15:4

Spisil te bila la yal te Sjun Diose, ja' la yich' ts'ibuyel yu'un te ya sp'ijubtesotique. Swenta yu'un ya xchicnaj ta ilel te ayix smuc'ul q'uinal ya caiytic ta swenta, jich jun co'tantic ya jmaliytic.

2 Corintios 12:1

Ma snujp'in te toyol q'uinal ya caiy yu'un te bit'il ayon ta q'uinale. Pero ya xtal ta co'tan te bila ac'boton quil ta jtelemal yilel yu'un te Cajwaltique, soc te bila ac'boton jna' yu'une.

Apocalipsis 1:19

Jich yu'un ts'ibuya spisil te bila la awilixe, soc te bila ay ta ora to, soc te bila ya xc'ot ta pasel ta patile.

Apocalipsis 10:4

Te c'alal laj yo'tanic ta c'op te juqueb chawuque, c'an jts'ibuy te bila la yalique. Ja'uc me to, ay mach'a c'opoj tel ta ch'ulchan la caiy te jich la yalbone: —Muca me ta awo'tan te bila la yalic te juqueb chawuque. Ma me xats'ibuy ta jun —la yuton.