Daniel 6:3 - Bible in Tzeltal de Oxchuc y Tenejapa

³ Ora chicnaj yat'el ta stojol te yantic cheb xan mach'atic la yich' yat'elic ta yilel te yat'el yantique, soc ta stojolic te jwentainwanejetic ta juju-jsejp te q'uinale, melel mero bayal sp'ijil yo'tan ta at'el la yilic stuquel. Ja' yu'un te muc' ajwalile, la snop te ya yac'bey swentain te ajwaliletic yu'un te nacione.

Bible in Tzeltal Bachajón

³ Te Daniel lec xan ya'tel te bin ut'il te schebal ajwaliletic soc te gobernadoretic como yich'oj espíritu te c'ax lec xan a, hich te ajwalil la snop te ya ya'be scuentahin spisil ban c'alal scuentahinej.

Daniel 6:3 ပူးပေါင်းရင်းမြစ်များ

Esdras 4:22

Ma me xaquejch'anic ta yilel in c'opetic to, swenta yu'un jich ma x'esmaj xan jwocol ta jtojol a”, xi' te carta yu'un te muc' ajwalile.

Nehemías 7:2

Te quermano Hanani la cac'bey swentain te Jerusalén soc te Hananías, te jwolwanej yu'un te tulan ts'ajq'ue. Melel te winic in to, ya yac' sba ta na'el te jun yo'tane, soc te xi'oj te Diose, c'axem jich xi'oj Dios a te bit'il yantic winiquetique.

Ester 10:3

Te Mardoqueo, te judio-winic, ja' sbabial ac'bil ta mandalteswanej yu'un te muc' ajwalile. Mero muc' c'ot sc'oplal ta stojolic te judioetique, mero c'ux ta o'tanil yu'un te slumale, ja' yu'un te la slebey yutsilal te slumale, la yac' puersa ta sleel yutsilal te sts'umbale.

Proverbios 17:27

Ja' ay sp'ijilic te mach'atic jteb nax ya xc'opojique; soc te mach'atic ya sna'ic q'uinal, ya yac' lamajuc q'uinal.

Proverbios 22:29

Te mach'a ya spas ta lec te yat'ele, ya me x'ic'ot ta at'el ta stojol muc' ajwaliletic; ma ja'uc ya x'at'ej ta stojol te mach'atic peq'uelique.

Eclesiastés 2:13

La quil te ja' mero bayal sc'oplal te p'ijil-o'tanile, ja' ma'yuc sc'oplal te bol-o'tanile, jich te bit'il ja' mero bayal swentail te saquil q'uinal, ja' ma'yuc swentail te ijc' q'uinale.

Daniel 5:12

Melel te Daniel, ja' te Beltsasar yan sbiil la yac'bey te anima muc' ajwalile, ya xju' yu'un sna'beyel swentail ta lec te waichile, soc ya xju' yu'un yalbeyel sc'oplal te bila wocol ta na'ele. Ya xju' yu'un stojtesel spisil chujc'ul c'opetic, melel ay bayal sp'ijil yo'tan soc snopjibal yu'un stuquel. Ticuna ta iq'uel te Daniel, muc' ajwalil, ja' me ya yac'bat ana'bey swentail te bila ts'ibubil ta pajq'ue —xi'.

Daniel 5:14

La yalbonic te ay ta awo'tan te espíritu yu'un te Diose, te jamal ta lec ajol, te ay buen lec snopjibal awu'un, soc te bayal bitic ana'oje.

Daniel 5:7

Ora jajch' ta aw, ja' la yic' tel te mach'atic ay bila ya sna'ic syoljoltayele soc te mach'atic bayal bila sna'ojic, soc te mach'atic ay bila sna'ojic ta swenta c'aal, u, eq'uetic te ayic ta Babilonia, jich la yalbey: —Te mach'a ya sna' yilel te bila ts'ibubil ta pajq'ue, soc teme ya yalbon caiy te bila ya sc'an ya yale, ya me yich' ac'beyel slap púrpura c'u'il soc ya yich' ac'beyel yuan ta snuc' cadena pasbil ta oro, ja' me ya xc'ot ta yoxebal ajwalil ta banti yacon ta mandalteswaneje —xi'.

Daniel 9:23

Te c'alal jajch'at ta sc'oponel te Diose, la sjac'bat te ac'ope. Jo'on talon ta atojol, yu'un tal calbat awaiy sujt'ib te ac'ope, melel te Diose mero bin nax yo'tan ta atojol. Ja' yu'un yo'tic, aiya me awaiy ta lec te bila ya calbate, swenta yu'un ya me ana'bey swentail a te bila la awile.