Daniel 5:7 - Bible in Tzeltal de Oxchuc y Tenejapa

⁷ Ora jajch' ta aw, ja' la yic' tel te mach'atic ay bila ya sna'ic syoljoltayele soc te mach'atic bayal bila sna'ojic, soc te mach'atic ay bila sna'ojic ta swenta c'aal, u, eq'uetic te ayic ta Babilonia, jich la yalbey: —Te mach'a ya sna' yilel te bila ts'ibubil ta pajq'ue, soc teme ya yalbon caiy te bila ya sc'an ya yale, ya me yich' ac'beyel slap púrpura c'u'il soc ya yich' ac'beyel yuan ta snuc' cadena pasbil ta oro, ja' me ya xc'ot ta yoxebal ajwalil ta banti yacon ta mandalteswaneje —xi'.

Bible in Tzeltal Bachajón

⁷ Tulan awon te ajwalil te ya me yiq'uic tal te jpas-señahetic, caldeohetic soc te jna'ojeletique; te ajwalil hich la yalbe te p'ijil winiquetic yu'un Babilonia: Te mach'a ya yil te bin ts'ihbabil ini soc ya ya'bon jna' te bin sc'oblale, ya x'a'bot slap chi'in-yaxal c'u'ul, ya x'a'bot yuhan cadena pasbil ta oro, soc ha yoxebal ajwalil ya xc'oht ta ban c'alal jcuentahinej, xchi.

Daniel 5:7 ပူးပေါင်းရင်းမြစ်များ

Génesis 41:8

Ja'uc me to, te c'alal sacub q'uinal, bayal la smel yo'tan yu'un te swaiche. La sticun ta iq'uel spisilic te mach'atic ay bila ya sna'ic yalel soc te mach'atic ay sp'ijilic ta spamal Egipto. La xcholbey yaiyic bit'il ay te swaiche; ja'uc me to, ma'yuc mach'a la sna'bey swentail.

Ester 3:1

C'ax c'aal ta patil, te muc' ajwalil Asuero la stoyesbey yat'el te Amán, te snich'an Hamedata, patil alnich'an yu'un Agag. La yac'bey yat'el ta sbabial jwolwanej yu'un te nacione.

Éxodo 7:11

Te faraón la yic' tel te p'ijil winiquetic yu'un te ay bitic ya xju' yu'unic spasele, jich la spasic uuc.

Proverbios 1:9

Melel jich me c'oem ta atojol te bit'il buen t'ujbil ach'alil, jich me te bit'il t'ujbil ualil ta anuc', soc jich me te bit'il corona ta ajol.

Cantares 1:10

Buen t'ujbil te asit-awelawe, buen t'ujbil te xch'alil te achiquine. Buen t'ujbil te anuc', buen t'ujbil c'oem soc te ualil-perlaetique.

Isaías 47:13

Mero ma x'ajtabaj te mach'atic jtojteswanej awu'une, asta lubenatix yu'un. Ac'a taluquic te j'il-eq'uetic awu'une, te mach'atic ay bi ya xtal ta yo'tan ta yilel te eq'uetique, te mach'atic ya yalbey sc'oplal te bi ya xc'ot ta pasel ta jujun u, ac'a me yalic te ya scoltayate.

Jeremías 50:35

Te Cajwaltic jich ya yal: —Ay me guerra ta stojol Babilonia soc te yajwale, ta stojol te jtsobwanejetic soc te p'ijil winiquetic yu'une.

Ezequiel 16:11

La jch'alat ta lec ta xch'alil oro, la cac'bat xch'alil snuc' ac'ab soc ualil ta anuc'.

Daniel 1:20

Ta spisil te bitic ya sc'an p'ijil-o'tanil, soc ya sc'an lec snopjibale, ja'ic te jojc'obotic yu'un te muc' ajwalile. Te muc' ajwalile, lajuneb buelta toyem sp'ijilic la stabey a, te bit'il mach'atic ay sp'ijilic soc te ay bila ya sna'ic syoljoltayel ta banti ay ta ajwalile.

Daniel 1:4

t'ujbil queremetic te ma'yuc sfaltaic ta sbaq'uetalique, te ay sp'ijil sjolic soc ay sp'ijil yo'tanique, te mero bayal bitic snopojic ta bayuque, soc te chapalic yu'un at'el ta palacio yu'un ajwalil, ya me awic' tel. Ja'ic me ya yich'ic ac'beyel snopic te jc'optic soc te libroetic cu'untic jo'otic te caldeootic —la yut.

Daniel 2:2

Jich la sticun ta iq'uel te mach'atic ay sp'ijilic, soc te mach'atic ya sna'ic syoljoltayel, soc j'ac'-chameletic, soc te mach'atic bayal bitic ya sna'ique, swenta yu'un ya me x'albot yu'un te bila swentail te swaiche. Te mach'atic c'otic ta iq'uel tele, c'o stejc'an sbaic ta stojol te muc' ajwalile.

Daniel 2:27

La sjac' te Daniel, jich la yal: —Ma'yuc ni jtuluc te mach'a ay bila sna'oj, soc ni ayuc mach'a ya sna' syoljoltayel soc j'ac'-chamel, ni ja'uc te mach'a ay bila ya sna' ta swenta te c'aal, u, eq'uetic te ya xju' yu'un sna'beyel swentail te bila wocol ta na'el te ya ac'an ya ana'bey swentaile, muc' ajwalil.

Daniel 2:48

Te muc' ajwalil la stoyesbey xan yat'el te Daniel, la yac'bey bayal yutsil smajt'an. Soc la yac'bey yat'el ta ajwalil ta jsejp q'uinal te Babilonia sbiile. Ja' mero muc' jwentainwanej c'ot yu'un spisil te mach'atic bayal bi sna'ojic te tey ayic ta nación yu'unique.

Daniel 2:6

Pero teme ya awalbonic te bila la jwaichine, soc teme ya awalbonic te bila swentaile, ya me cac'beyex amajt'anic, ya me awich'ic c'uxtayel soc muc' me ac'oplalic ya xc'oex. Ja' yu'un albonic me jiche te bila la jwaichine, soc te bila swentaile, ya me awalbonic caiy —xi'.

Daniel 4:14

jich yac ta yalel ta tulan: ‘Ts'etaic te te'e, set'beyaic te sc'abc'abe; tulbeyaic te yabenale, soc pucbeyaic te site. Ac'a anuquic bael te chambalametic te yac ta antayel yaxinal yu'une, soc nix te mutetic ayic ta sc'abc'abe.

Daniel 5:11

Li' nix ta banti yacat ta pasaw ta mandal ay jtul winic te wentainbil ta espíritu yu'un te ch'ul Diose. Te c'alal ja' ay ta muc' ajwalil a te atate, te winic ya calbate la yac' ta ilel sp'ijil sjol, buen lec snopjibal yu'un soc buen lec sp'ijil yo'tan jichuc diosetic. Ja' yu'un te atate, te muc' ajwalil Nabucodonosor, la yac'bey yat'el te winique ta swentainel te mach'atic ay sp'ijilic, soc te mach'atic ya sna'ic syoljoltayel, soc te mach'atic spisil ay bila sna'ojic, soc te mach'atic snopojic bitic ayic ta ch'ulchan ta spamal nación.

Daniel 5:15

Jich te winiquetic bayal sp'ijilic ta spamal nación, xtaluc yiliquix te c'opetic ts'ibubile, yu'un ya yalbonic te bila ya yale, pero jc'axel ma c'ot ta yo'tanic.

Daniel 5:16

La yalboniquix te ja'at ya xju' awu'un yalel te bitic wocol ta na'ele, soc te ya awal ta jamal te bitic chujc'ulic ta na'beyel swentaile. Teme ja'at ya xju' awu'un yalel te c'opetic ts'ibubile, soc teme ya awalbon caiy te bila ya sc'an ya yale, ya me cac'bat alap púrpura c'u'iletic, soc ya me cac'bat awuan cadena pasbil ta oro, soc ya me cac' te ya xc'oat ta yoxebal ajwalil ta banti yacon ta mandalteswaneje —xi'.

Daniel 5:29

Te muc' ajwalil Belsasar la yal mandal ta ora te ya yich' aq'uel slap púrpura c'u'il, soc te ya yich' xojel ta snuc' cadena pasbil ta oro te Daniel, soc la spuc ta alel spisilic te ja' nix yorail a te ya xc'ot ta yoxebal ajwalil te banti yac ta pasaw ta mandal te muc' ajwalile.

Números 22:17

Jo'on ya cac'at ta buen ich'el ta muc'. Ya me jpas ta spisil te bila ya ac'anbone. La' me, wocoluc ya me xtal ac'anbon castigo ta stojol te lume”, xi' tel sc'op —xiic.

Números 22:7

Te mamaletic ich'bilic ta muc' yu'un Moab soc Madián bajt'ic. Yich'ojic bael taq'uin, swenta yu'un ya stojic a te sc'anel castigo ta stojol Israel. C'alal c'otic ta stojol Balaam, la yalbeyic te sc'op yaloj bael te Balac.

Números 24:11

¡Ja' me lec te ya xbaatix ta ana jiche! La calbat ta jamal te bayal ya cac'at ta ich'el ta muq'ue; ja'uc me to, te Awajwal ma la yac'at a —la yut.

1 Samuel 17:25

Jich la yalic: —¿La bal awilic te winic loc' tele? Talem stijbel jajch'el slab co'tantic. Te mach'a ya xju' yu'un stsalel, te muc' ajwalil cu'untic ya laj me yac'bey bayal sc'ulejal, soc ya laj yac'bey yinamin yantsil-nich'an, soc ya laj yal mandal te ma ba ya yac' spatan te mach'atic ay yu'une —xiic ta yalel.