Daniel 5:4 - Bible in Tzeltal de Oxchuc y Tenejapa

⁴ Ta spisilic la yuch'ic vino soc tey la yalbeyic wocol te loc'ombaetic yu'unique. Te loc'ombaetique, pasbil ta oro, ta plata, ta bronce, ta hierro, ta te' soc ta ton.

Bible in Tzeltal Bachajón

⁴ La yuch'ic vino soc la yalbeyic yutsil sc'oblalic te diosetic te pasbilic ta oro, ta plata, ta bronce, ta hierro, ta te' soc ta ton.

Daniel 5:4 ပူးပေါင်းရင်းမြစ်များ

1 Reyes 1:49

Te jayeb ic'bil yu'un Adonías jajch'ic ta nijq'uel. Ora jajch'ic ta spisilic, ta juju-jtul bajt'ic ta snaic.

Isaías 42:17

Te mach'atic ja' smuc'ul yo'tanic te loc'ombaetique, soc teme ay yajcananic ya yalbeyic: “Ja'ex me te diosex cu'untique”, teme xiic ta stojolique, ya me sq'uej sbaic bael yu'un q'uexlal abi.

Isaías 42:8

Jo'on Ajwalilon, ja' me jbiil abi, soc ma me xju' te ya cac' yutsilalin yan te cutsilale; jo'on nax me jtuquel ya x'ich'oton ta muc', ma me ja'uc te loc'ombaetique.

Daniel 1:8

Pero Daniel ma la sc'an te ya sboltes sba yu'un te swe'el soc te vino yu'un te muc' ajwalile. Ja' yu'un la sc'anbey te jwentainwanej yu'un j'at'eletic te manchuc ya sujot ta swe'el-yuch'el te bila ya swe'-yuch' te muc' ajwalile.

Daniel 4:37

“Yo'tic, jo'on te Nabucodonosor, ya calbey wocol, ya quich' ta muc' soc ya jtoyesbey yutsil sc'oplal te Muc' Ajwalil ta ch'ulchane. Melel spisil te bitic ya spase mero melel ya xc'ot, soc mero stojil ya spas. Ya yac'bey spejc'an sbaic te mach'atic bayal sc'oplal ya scuy sbaique”, xi' te Nabucodonosor ta sjun.

Daniel 5:23

Pero ma jichuc la apas. Ja'at te muc' ajwalilate, la alaban te Cajwaltic te ay ta ch'ulchane, melel la aticun ta ich'el tel ta amesa te vasoetic soc te muc'ul tazaetic yu'un templo ta Jerusalén. Ja'at soc te mach'atic ic'bil awu'une la awuch'ic vino a, soc la awalbey yutsil sc'oplal diosetic a te pasbil ta oro, ta plata, ta bronce, ta hierro, ta te' soc ta ton, ja'ic te ma xyilic q'uinal, te ma xyaiyic c'op, soc te ma'yuc bi ya sna'ique. Yan te Dios yich'ojbat ta sc'ab acuxlejal te ja'at te muc' ajwalilate, soc te ja' nax ta swenta stuquel te ay bila ya xju' awu'un spasele, ma ba ya awalbey yutsil sc'oplal stuquel.

Daniel 5:5

Ora nax chicnaj sc'ab winic yilel. Ta xojobil te candiletic och ta ts'ibuyel ta yal sc'ab ta saquil pajc' yu'un yutil na te banti ayique. C'alal la yil te muc' ajwalil te c'abal yac ta ts'ibuyele,

Amós 6:7

Ja'ex me neel ya x'ic'otex loq'uel ta alumalic, soc jich ya xlaj ta jc'axel te q'uinetic awu'une.

Habacuc 2:19

¡Ya me awil awocol ja'at te ya awalbey swic' sit te jun loc'omba-te'e, soc te ya awalbey stejc'an sbae te jp'ij ton uma'e! ¿Ya bal xju' yu'un te ay bila ya yalbotic jtebuque? Ma'yuc, melel ma ba cuxulic, manchuc me potsbilic ta oro soc ta plata.

Hechos 17:29

Jich yu'un teme yal-snich'anotic te Diose, ma me jcuytic ta Dios te bila loc'taybil te pasbil ta oro o ta plata o ton te la spas te ants-winiquetique, chican te bi yilel la sc'an te la snop ta yo'tanique.