Daniel 5:2 - Bible in Tzeltal de Oxchuc y Tenejapa

^2-3 Te c'alal yacubenix yu'un a te vino te muc' ajwalil Belsasar, la sticun ta ich'el tel te vasoetic soc muc'ul tazaetic pasbil ta oro soc plata, te la yich' tel ta templo ta Jerusalén te Nabucodonosor, ja' te state. Te vasoetic soc te muc'ul tazaetic c'ot ta ich'el tel. Te muc' ajwalil, spisil te yinam soc te yantic antsetic yu'une, soc ta spisil te mach'atic ic'bilic ta we'ele, uch'bajic a te biluquetic yu'un templo.

Bible in Tzeltal Bachajón

² C'alal u'untayot yu'un te vino, te Belsasar la sticon ta ich'el tal te vasohetic pasbilic ta oro soc ta plata te ich'otic talel ta templo ta Jerusalén yu'un te Nabucodonosor te stat, yu'un ya yuch'ic vino a te ajwalil soc te príncipaletic, te antsetic yu'un soc te yan antsetic yu'une.

Daniel 5:2 ပူးပေါင်းရင်းမြစ်များ

2 Samuel 9:7

Te David jich la yal: —Ma me xiwat, melel ya me jc'uxtayat swenta sna'ojibal te atat Jonatán. Ya me cac' sujt'uc ta awenta spisil te sq'uinal te amam Saúl, soc spisil me ora ya xwe'at ta jmesa —xi'.

2 Reyes 24:13

Patil te Nabucodonosor la sloq'ues spisil tey a te c'ulejalil ta templo yu'un Cajwaltic, soc te ay ta sna te muc' ajwalile. Jich nix te bit'il la yal te Cajwaltic, la stop' spisil te biluquetic pasbilic ta oro yu'un te Salomón muc' ajwalil yu'un Israel ta namey, te la spas te tuun yu'un ta templo.

2 Reyes 25:15

Soc ja' nix jich te comandante swentainej jcanantaywanejetic yu'un te muc' ajwalil, la yich' bael spisil te bitic ya xtuun ta templo te pasbilic ta oro soc ta plata: ja' te yawil ac'aletic soc te muc'ul tazaetique.

2 Crónicas 11:20

Ta patil nujbin soc Maaca, te yantsil-nich'an Absalón. Te alnich'anetic yu'unic, ja'ic te Abiam, Atai, Ziza soc Selomit.

2 Crónicas 15:16

Te muc' ajwalil Asa la sloq'uesbey yajcanan te yinam smam, ja' te Maaca, yu'un te Maaca la yac' ta pasel sloc'omba Asera. Te Asa la sjinbey te yajcanan, la swuybey ta jc'axel, soc ba xchic'bey ta beja' Cedrón.

2 Crónicas 36:10

Ta yorail ya xjajch' ta najt'ubel te c'aal yu'un a te ja'wile, te muc' ajwalil Nabucodonosor la sticun ta iq'uel bael ta Babilonia, soc te biluquetic te mero bayal sc'oplalic ta templo yu'un Cajwaltic, soc la yac' sjelolin xan jilel ta muc' ajwalil ta Judá soc ta Jerusalén te Sedequías, ja' stajun te Joaquín.

2 Crónicas 36:18

Spisil te sbiluquil te templo yu'un Dios, te bitic muq'uique soc te bitic tsailique, soc te sc'ulejal te templo, te sc'ulejal te muc' ajwalil soc te sjo'tac ta ajwalile, spisil la yich' bael te muc' ajwalil yu'un te caldeoetic ta Babilonia.

Esdras 5:14

“Soc la yalbotic xan, te ja' muc' ajwalil Ciro te la sloq'ues ta templo ta Babilonia te biluquetic pasbil ta oro soc ta plata, soc ja' la yac'bey ta sc'ab te jtul winic Sesbasar sbiile, te ja' nix te la yac'bey yat'el ta ajwalile. Melel te muc' ajwalil Nabucodonosor la yich' loq'uel ta templo ta Jerusalén ta namey, la yich' bael ta templo ta Babilonia.

Jeremías 27:7

Spisil te nacionetic ya me yac' sbaic ta abatinel yu'un, soc ta stojol te snich'an, soc nix ta stojol te smame, ja' to me c'alal ya xc'ot sc'aalelal ya x'och ta c'abal yu'un niwactic nacionetic soc tulanil ajwaliletic uuc.

Jeremías 50:35

Te Cajwaltic jich ya yal: —Ay me guerra ta stojol Babilonia soc te yajwale, ta stojol te jtsobwanejetic soc te p'ijil winiquetic yu'une.

Jeremías 52:19

Te comandante yu'un te jcanantaywanejetic, ja' nix la yich' bael te bitic pasbil ta oro soc ta plata, jich bit'il te spojquil c'abal, te yawil ac'al, te muc'ul tazaetic, te scajtijib c'ajq'uetic, te muc'ul cucharaetic soc te vasoetic ta swenta te majt'anil vino.

Daniel 1:2

Te Cajwaltic ma ba la scoltay te Joacim, jich tsacot yu'un te Nabucodonosor, soc la yac' ochuc ta sc'ab bayal te biluquetic yu'un templo yu'un te Diose. Te Nabucodonosor la yic' bael ta Babilonia te jchuqueletique. Te ch'ul biluquetic la yac' ta yawil sc'ulejal ta templo yu'un te diosetic yu'une.

Daniel 5:11

Li' nix ta banti yacat ta pasaw ta mandal ay jtul winic te wentainbil ta espíritu yu'un te ch'ul Diose. Te c'alal ja' ay ta muc' ajwalil a te atate, te winic ya calbate la yac' ta ilel sp'ijil sjol, buen lec snopjibal yu'un soc buen lec sp'ijil yo'tan jichuc diosetic. Ja' yu'un te atate, te muc' ajwalil Nabucodonosor, la yac'bey yat'el te winique ta swentainel te mach'atic ay sp'ijilic, soc te mach'atic ya sna'ic syoljoltayel, soc te mach'atic spisil ay bila sna'ojic, soc te mach'atic snopojic bitic ayic ta ch'ulchan ta spamal nación.

Daniel 5:13

Jich bajt' ta iq'uel ta stojol muc' ajwalil te Daniel, jojc'obot yu'un: —¿Ja'at bal te Danielate, te ja' ajoy te judioetic ic'otic loq'uel tel ta Judea yu'un te anima muc' ajwalil Nabucodonosor, ja' te jtate?

Daniel 5:18

“Te Dios mero toyole la yac'bey ta swenta te at'el ta muc' ajwalil te Nabucodonosor, ja' te atate, soc la yac'bey yutsil sc'oplal soc la yac' ta ich'el ta muc'.

Daniel 5:23

Pero ma jichuc la apas. Ja'at te muc' ajwalilate, la alaban te Cajwaltic te ay ta ch'ulchane, melel la aticun ta ich'el tel ta amesa te vasoetic soc te muc'ul tazaetic yu'un templo ta Jerusalén. Ja'at soc te mach'atic ic'bil awu'une la awuch'ic vino a, soc la awalbey yutsil sc'oplal diosetic a te pasbil ta oro, ta plata, ta bronce, ta hierro, ta te' soc ta ton, ja'ic te ma xyilic q'uinal, te ma xyaiyic c'op, soc te ma'yuc bi ya sna'ique. Yan te Dios yich'ojbat ta sc'ab acuxlejal te ja'at te muc' ajwalilate, soc te ja' nax ta swenta stuquel te ay bila ya xju' awu'un spasele, ma ba ya awalbey yutsil sc'oplal stuquel.

Daniel 5:30

Ja' nix ta yorail ta yijc'ubel q'uinal a, laj ta milel te Belsasar, ja' te muc' ajwalil yu'un caldeoetique.

Daniel 5:4

Ta spisilic la yuch'ic vino soc tey la yalbeyic wocol te loc'ombaetic yu'unique. Te loc'ombaetique, pasbil ta oro, ta plata, ta bronce, ta hierro, ta te' soc ta ton.

Números 7:79

Jich nix la yac' te bit'il te yantique.