Daniel 5:1 - Bible in Tzeltal de Oxchuc y Tenejapa

¹ Belsasar, muc' ajwalil yu'un Babilonia, la stsob ta we'el swenta pas-q'uin jmil ta jtul te mach'atic muc' sc'oplalic ta nación. Te muc' ajwalil soc te ic'bilic yu'une, te c'alal yacalic ta we'el a, la yuch'ic bayal vino.

Bible in Tzeltal Bachajón

¹ Te ajwalil Belsasar la spas muc'ul q'uin yu'un lajunwinic yoxbahc' (1,000) ta tuhl príncipaletic yu'un, soc la yuch' vino ta stojolic.

Daniel 5:1 ပူးပေါင်းရင်းမြစ်များ

Génesis 40:20

Ta oxeb c'aal ta patil te faraón la spas q'uin swenta bit'il loc' ya'wilal. La yic' ta we'el spisil te abatetic yu'une. Jich la sticun ta iq'uel loq'uel tel ta chucjibal te mach'a swentainej te jc'asesel-vasoetique, soc te mach'a swentainej te jpas-we'eliletique.

Ester 1:3

Ta yoxebal ja'wil yich'bel yat'el ta muc' ajwalil a te Asuero, la spasbey sq'uin swenta yich'jibalic ta muc' ta spisilic te mach'atic ay yat'elic te ya xcoltayot ta at'el yu'une, te capitanetic yu'un soldado-persiaetic soc mediaetic, te ajwaliletic, soc jwentainwanejetic ta juju-jpam q'uinal,

Isaías 22:12

Te bi c'aalil ya cale, te Cajwaltic te Spisil ya xju' yu'une, la yiq'uex ta oq'uel soc ta mel-o'tan, te ya ajox loq'uel stsotsil ajolique, soc te ya alapic te ch'ixal paq'uetic.

Isaías 22:14

Te Cajwaltic te Spisil ya xju' yu'un, la yac' sba ta ilel ta jtojol soc jamal la yalbon ta jchiquin: —Ma ba ya jpasbeyex perdón yu'un in mulil to, ja' to c'alal ya xlajex bael te ja'exe —xi' te Cajwaltique. Jich la yal te Cajwaltic te Spisil ya xju' yu'une.

Jeremías 50:35

Te Cajwaltic jich ya yal: —Ay me guerra ta stojol Babilonia soc te yajwale, ta stojol te jtsobwanejetic soc te p'ijil winiquetic yu'une.

Jeremías 51:39

C'alal ya xtoy xq'uixnal ya yaiyic, ay me bi ya cac'bey yuch'ic c'oem, ja' me te uch'balil te ya xyacubic yu'une, soc te ya xch'aybey q'uinal yaiyic yu'une. Jich me ya xch'ayic ta q'uinal yu'un swayelic sbajt'el q'uinal, te ma xwijc' sitic yu'une. Jo'on Ajwalilon, jich ya cal.

Jeremías 51:57

Te Muc' Ajwalil, te Ajwalil Spisil ya xju' yu'une, ya yalbey xan sc'oplal: —Ya me cac' xyacub te jtsobwanejetic yu'un Babilonia, te mach'atic p'ijic yu'un, soc te ajwaliletic, te mach'atic te tulan yat'el yich'ojic, soc te soldadoetique, ya me xyalic ta lum yu'un swayelic sbajt'el q'uinal te ma xwijq'uix sitic yu'une.

Daniel 5:30

Ja' nix ta yorail ta yijc'ubel q'uinal a, laj ta milel te Belsasar, ja' te muc' ajwalil yu'un caldeoetique.

Nahúm 1:10

Melel jichic me te bit'il ch'ixetic te sts'otoj sbae, jich bit'il taquin ac, ya me xc'ajq'uic ta jc'axel.