Daniel 4:8 - Bible in Tzeltal de Oxchuc y Tenejapa

⁸ Ta slajibal jul tel ta jtojol uuc te Daniel, te Beltsasar yan sbiil ta swenta yich'el ta muc' te dios cu'une. Te Daniele wentainbil xcuxlejal yu'un te espíritu yu'un te ch'ul Diose. La jcholbey yaiy te jwaiche, jich la calbey:

Bible in Tzeltal Bachajón

⁸ Ta slajibal tal ta jtojol te Daniel, te Beltsasar yan sbihil, te hich sbihil te dios cu'une, ay ta yo'tan te espíritu yu'un te ch'ul diosetic. La jcalbe ya'iy te jwayich, hich la jcal:

Daniel 4:8 ပူးပေါင်းရင်းမြစ်များ

Génesis 41:38

Jich yu'un te faraón la yalbey te abatetic: —¿Banti c'an ba jtatic te mach'a jich yo'tan te bit'il in winic to, te wentainbil yo'tan yu'un te espíritu yu'un te Diose? —xi'.

Isaías 46:1

Te loc'omba Bel ya spajc'an sba, soc te loc'omba Nebo ya xyal ta lum. Te loc'ombaetic cuchbilic bael ta burroetic soc ta yantic chambalametic; bayal yalal te ijc'atsil ya scuchic bael te chambalametic te lubenique.

Isaías 63:11

La sna'ic te bit'il ay te namey q'uinale, ja' te Moisés te la yac' ta libre te slumale. Jich la sjojc'obey sbaic: —¿Banti ay te Dios te la scoltay loq'uel ta muc'ja' Nilo te Moisés, te ja' jcanantaywanej yu'un te chijetique? ¿Banti ay te Dios te la yac'bey ta stojol Moisés te ch'ul espíritu yu'une?

Jeremías 50:2

—Alaic ta bayuc te c'ope, ac'beyaic sna' stojol te nacionetique. Tejc'anbeyaic señail te c'ope; ma me xanaq'uic. Alaic jich bit'il to: “¡Te Babilonia ochix ta c'abal! Te lotil dios Bel la yich'ix tse'luyel; te lotil dios Merodac nojel nax q'uexlal ta stojol. Te loc'ombaetic yu'unic, ja' te diosetic yu'unique, la yich'ic jilel tse'luyel soc nojel q'uexlal ta stojolic”, xaex me.

Ezequiel 17:23

Ja' me ta bay wits te mero toyol yu'un Israel. Ya me yac' sc'abc'ab, ya me yac' sit, soc mero muc'ul t'ujbil cedro me ya xc'ot. Spisil me ta jchajp chambalametic ya x'ainic ta ye'tal, soc te mutetic ta spisilic me ta jchajp ya me spas spechechic ta yaxinal yabenal.

Daniel 1:7

Te queremetic jeltaybot sbiilic yu'un te jwentainwanej yu'un j'at'eletic ta palacio yu'un ajwalil: te Daniel, Beltsasar sbiil c'ot; te Ananías, Sadrac sbiil c'ot; te Misael, Mesac sbiil c'ot; te Azarías, Abed-nego sbiil c'ot.

Daniel 2:11

Mero chujc'ul, ma'yuc mach'a ya xju' yu'un jtuluc te ya yalbate, muc' ajwalil cu'untic, ja' nax stuquel te diosetique, pero te diosetic ma ba sjoinejic te winiquetique —xiic.

Daniel 2:26

Te muc' ajwalile, jich la yalbey te Daniel, ja' te Beltsasar yan sbiil yu'unique: —¿Ya bal xju' awu'un ya awalbon te bila la jwaichine, soc ya bal xju' awu'un sna'el te bila swentail te jwaiche? —la yut.

Daniel 3:14

jich la yalbey: —¿Melel bal te ma x'ac'an ya ach'uunbon te diosetic cu'une, soc ni ma x'ac'an ya ach'uunbonic te loc'omba pasbil ta oro te jo'on la cac' ta pasele?

Daniel 4:18

“Jo'on muc' ajwalilon te Nabucodonosor te la jwaichin in to. Jich la cal: ‘Yo'tic, Beltsasar, albon me caiy te bila swentail te jwaiche. Melel te banti ayon ta ajwalile, ma'yuc jtuluc te mach'a ay bila sna'oj te ya xju' yu'un sna'beyel swentaile. Pero te ja'ate ya xju' awu'un sna'beyel swentail, melel te ja'ate, awich'ojbey te espíritu yu'un te ch'ul Diose’, xoon.

Daniel 4:9

‘Beltsasar, jwentainwanej yu'un te mach'atic ay bila ya sna'ic syoljoltayele, jna'oj te ja' swentainejat te espíritu yu'un te ch'ul Diose, soc te ana'oj spisil te bitic wocol ta na'ele. Aiybon me awaiy jiche te bila la quil ta jwaiche, soc ya me awalbon caiy te bila swentaile’, xoon.

Daniel 5:14

La yalbonic te ay ta awo'tan te espíritu yu'un te Diose, te jamal ta lec ajol, te ay buen lec snopjibal awu'un, soc te bayal bitic ana'oje.