Daniel 4:7 - Bible in Tzeltal de Oxchuc y Tenejapa

⁷ Tal spisilic te j'ac'-chameletic, soc te mach'atic ya sna'ic syoljoltayele, soc te mach'atic bayal bila sna'ojique, soc te mach'atic ay bila sna'ojic ta swenta te c'aal, u, eq'uetic. C'alal julic ta jtojol, la calbey yaiyic te jwaiche, pero ma ba ju' yu'unic sna'el, jich ma ba la yalbonic caiy te bila swentaile.

Bible in Tzeltal Bachajón

⁷ Talic te jpas-señahetic, jmonawetic, caldeohetic soc jna'ojeletic, la jcalbe ya'iyic te jwayich, pero ma ba hu' yu'unic te ya yalbonic te sc'oblale.

Daniel 4:7 ပူးပေါင်းရင်းမြစ်များ

Génesis 41:24

Te jucchex te nojelic ta site, lajinotic yu'un te jucchex te ma'yuc site. Ja'uc me to, la calbeyix yaiyic te mach'atic p'ij yo'tanique, pero ma'yuc mach'a la sna'bey swentail —xi'.

Génesis 41:8

Ja'uc me to, te c'alal sacub q'uinal, bayal la smel yo'tan yu'un te swaiche. La sticun ta iq'uel spisilic te mach'atic ay bila ya sna'ic yalel soc te mach'atic ay sp'ijilic ta spamal Egipto. La xcholbey yaiyic bit'il ay te swaiche; ja'uc me to, ma'yuc mach'a la sna'bey swentail.

Salmos 37:35

Ay quiloj te mach'a amen yo'tane, mero bayal stoyoj sba, jich scuyoj sba te bit'il muc'ul te' te bayal sc'ab soc te bayal yabenale;

Isaías 44:25

Ma xcac' te ya xc'ot ta pasel te bila la yalbey sc'oplal te lotil j'alwanejetique; jo'on ya cac' jowejuc sjolic te mach'atic ay bila ya xtal ta yo'tanique. Jo'on ya cac' ya scontroin sbaic ta c'op te mach'atic p'ijique; soc te bitic ya sna'ic, puro jowil c'op me ya xc'ot ta loq'uel.

Ezequiel 31:3

Pajalat soc cedro yu'un Líbano, buen t'ujbil sc'abc'ab te ya yac'bey yaxinal te ja'maletique, soc mero toyol te sni'il asta ya sta c'oel te tocaletique.

Daniel 1:4

t'ujbil queremetic te ma'yuc sfaltaic ta sbaq'uetalique, te ay sp'ijil sjolic soc ay sp'ijil yo'tanique, te mero bayal bitic snopojic ta bayuque, soc te chapalic yu'un at'el ta palacio yu'un ajwalil, ya me awic' tel. Ja'ic me ya yich'ic ac'beyel snopic te jc'optic soc te libroetic cu'untic jo'otic te caldeootic —la yut.

Daniel 2:10

La sjaq'uic te mach'atic bayal bila sna'ojique, jich la yalic: —Ma'yuc mach'a ay ta balumilal te ya xju' ya yac'bat sujt'ib te bila ya ajojc'oe, muc' ajwalil cu'untic. Soc ma'yuc ni jtuluc muc' ajwalil te ya sc'an te bi ya ac'ane, ma'yuc, manchuc me mero muc' o mero bayal yip.

Daniel 2:27

La sjac' te Daniel, jich la yal: —Ma'yuc ni jtuluc te mach'a ay bila sna'oj, soc ni ayuc mach'a ya sna' syoljoltayel soc j'ac'-chamel, ni ja'uc te mach'a ay bila ya sna' ta swenta te c'aal, u, eq'uetic te ya xju' yu'un sna'beyel swentail te bila wocol ta na'el te ya ac'an ya ana'bey swentaile, muc' ajwalil.

Daniel 2:7

Te mach'atic bayal bila sna'ojique, la sjojc'oyic swenta xchebal buelta: —Albotic caiytic te bila la awaichine, muc' ajwalil cu'untic, ya me caltic awaiy te bila swentail te awaiche —xiic.

Daniel 3:8

Pero ay caldeoetic tey ayic a. La slebeyic smul ta stojol muc' ajwalil Nabucodonosor te judioetique,

Daniel 4:18

“Jo'on muc' ajwalilon te Nabucodonosor te la jwaichin in to. Jich la cal: ‘Yo'tic, Beltsasar, albon me caiy te bila swentail te jwaiche. Melel te banti ayon ta ajwalile, ma'yuc jtuluc te mach'a ay bila sna'oj te ya xju' yu'un sna'beyel swentaile. Pero te ja'ate ya xju' awu'un sna'beyel swentail, melel te ja'ate, awich'ojbey te espíritu yu'un te ch'ul Diose’, xoon.

Daniel 5:7

Ora jajch' ta aw, ja' la yic' tel te mach'atic ay bila ya sna'ic syoljoltayele soc te mach'atic bayal bila sna'ojic, soc te mach'atic ay bila sna'ojic ta swenta c'aal, u, eq'uetic te ayic ta Babilonia, jich la yalbey: —Te mach'a ya sna' yilel te bila ts'ibubil ta pajq'ue, soc teme ya yalbon caiy te bila ya sc'an ya yale, ya me yich' ac'beyel slap púrpura c'u'il soc ya yich' ac'beyel yuan ta snuc' cadena pasbil ta oro, ja' me ya xc'ot ta yoxebal ajwalil ta banti yacon ta mandalteswaneje —xi'.

Daniel 5:8

Ta spisilic te mach'atic ay bila sna'ojic te ayic ta swenta te muc' ajwalile, ochic bael ta yutil na, pero ma'yuc mach'a ju' yu'un sna'beyel swentail te bila ts'ibubil. Jich ma'yuc mach'a cholbot yaiy yu'un te muc' ajwalile.