Daniel 4:4 - Bible in Tzeltal de Oxchuc y Tenejapa

⁴ “Jo'on te Nabucodonosor, bin nax co'tan ayon ta jpalacio, soc buen lec co'tan yu'un te bayal bitic ay cu'une.

Bible in Tzeltal Bachajón

⁴ Ho'on, Nabucodonosor, jun co'tan ayon ta jna soc lec co'tan yu'un te bayel bintic ay cu'une.

Daniel 4:4 ပူးပေါင်းရင်းမြစ်များ

Isaías 56:12

Jich ya yalic: —Conic jletic vino soc trago swenta yu'un ya me xyacubotic. Ya me jpastic pajel ta yan buelta, jich nix te bit'il yacotic ta spasel ta ora to, o c'axem to xan ya jpastic a —xiic.

Jeremías 48:11

Moab lamal nax q'uinal la yaiy spisil ora, ma'yuc bay baem ta mosoil ta yan lum. Jich c'oem te bit'il vino te ya sts'ab sba ta yawil, te ma'yuc bay yich'oj aq'uel ta yan yawil, te jich ma xch'ay sbujts', ni ma xch'ay yic'.

Ezequiel 28:17

Ja' la yac'bat atoy aba te at'ujbilale, ja' te axojobil te la yac' ch'ayuc te ap'ijile. Jo'on la jch'ojat coel ta lum; la cac'at ta tse'luyel ta stojol muc' ajwaliletic.

Ezequiel 29:3

Jich me xawalbey: “Jich ya yalbat te Cajwaltique: ‘Faraón, muc' ajwalilat yu'un Egipto, ya calbat ta jamal te jo'on acontroone. Muc'ul lagarto c'oemat, metselat ta muc'ja' awu'un, te jich ya awale: “Jo'on cu'un te muc'ja' Nilo, jo'on jpasoj”, te xaate.

Daniel 2:11

Mero chujc'ul, ma'yuc mach'a ya xju' yu'un jtuluc te ya yalbate, muc' ajwalil cu'untic, ja' nax stuquel te diosetique, pero te diosetic ma ba sjoinejic te winiquetique —xiic.

Daniel 4:19

“Jich te Daniel, te Beltsasar yan sbiile, caj ta snopel soc ta sna'el ta yo'tan, melel xiw yo'tan yu'un te bila tal ta sjole. Pero jo'on te muc' ajwalilone, jich la calbey: ‘Beltsasar, ma me xamel awo'tan yu'un te jwaiche soc te bi swentaile’, la cut. La sjac' te Beltsasar: ‘¡Ay, spisil te bila swentailuc te awaiche, ja' me ac'a c'otuc ta stojol te acontroe!

Daniel 5:8

Ta spisilic te mach'atic ay bila sna'ojic te ayic ta swenta te muc' ajwalile, ochic bael ta yutil na, pero ma'yuc mach'a ju' yu'un sna'beyel swentail te bila ts'ibubil. Jich ma'yuc mach'a cholbot yaiy yu'un te muc' ajwalile.

Sofonías 1:12

“Ja' me yorail te ya jtsac yawil c'ajc', yu'un ya quil spamal a te Jerusalén. Jich me ya cac'bey castigo te ants-winiquetic te lamal q'uinal ya yaiyic ta sc'opique, jich bit'il vino te slamoj sbae, te ya yal ta yo'tanic: “Te Cajwaltic ma'yuc bila ya spas, ni lec ni amen”, te xiique.