Daniel 4:34 - Bible in Tzeltal de Oxchuc y Tenejapa

³⁴ La yal xan te Nabucodonosore: “C'alal ts'acaj te castigo ta jtojole, jo'on te Nabucodonosor la quil moel te ch'ulchane. Te c'alal la quil moele, la caiy te lecubon te bit'il boloben te jole. Jich la calbey yutsil sc'oplal te Dios mero toyole, jich la calbey ta xch'ul-tojol te Mach'a cuxul ta swenta sbajt'el q'uinale: ‘Sbajt'el q'uinal ay yip te yu'ele; sbajt'el q'uinal ay ta ajwalinel yu'un spisil ta cajalcaj mach'atic ya xc'axic ta q'uinal.

Bible in Tzeltal Bachajón

³⁴ C'alal ts'acay te yorahil, ho'on Nabucodonosor, la jquil mohel ta ch'ulchan, la jna' xan q'uinal. La jcalbe wocol te Mach'a mero toyol ay, la jcalbe yutsil sc'oblal soc la jquich' ta muc' te Mach'a cuxul scuenta sbahtel q'uinal, hich la jcal: Sbahtel q'uinal ay te cuentahinel yu'un, ay ta ajwalinel ta cajalcaj ts'umbalil.

Daniel 4:34 ပူးပေါင်းရင်းမြစ်များ

2 Samuel 22:31

“Jelawen yutsil te be yu'un te Diose; ya smuc'ulin co'tantic te bila ya yal te Cajwaltique. Dios ya scanantay te mach'atic ja' smuc'ulinej yo'tanique.

1 Crónicas 29:10

Jich yu'un te David la yalbey yutsil sc'oplal te Cajwaltic ta stojol spisil te tsoblej, jich la yal: —Bin nax awutsil atuquel sbajt'el q'uinal, Cajwal, ja'at te Diosat yu'un te antiguo jtat Israel.

1 Crónicas 29:13

Jich yu'un, Dios cu'un, ya caltic wocol ta atojol yo'tic, soc ya caltic te bin nax yutsil te ac'oplale.

Job 1:21

Jich la yal: —T'analon a julon ta balumilal yu'un te jme'e, t'anal ya xsujt'on bael. Ja' nix la yac'bon spisil te Cajwaltic, ja' nix la yich'bon sujt'el. Jelawen yutsil xch'ul-biil stuquel te Cajwaltique —xi'.

Salmos 10:16

Te Cajwaltique Muc' Ajwalil sbajt'el q'uinal; te mach'atic ma'yuc ta stojol Dios, ya xch'ayic bael ta stojol.

Salmos 102:24

Jich yu'un la calbey: “Dios cu'un, ma me oliluc to nax ay jcuxlejal a te ya awic'on baele”, xoon ta stojol. Te ja'wiletic awu'un ma'yuc slajibal.

Salmos 107:15

Albeyaic wocol te Cajwaltique. Albeyaic wocol yu'un te xc'uxul yo'tan te Cajwaltic, ja' te bila lec ya spas ta stojol te ants-winiquetique.

Salmos 107:22

Ac'beyaic milbil smajt'an swenta yalel wocol; bayaluc me yutsil awo'tanic xawalbeyic yutsil yat'el te Cajwaltique.

Salmos 107:31

Albeyaic wocol te Cajwaltic. Albeyaic wocol yu'un te xc'uxul yo'tan te Cajwaltique, ja' te bila ya spas ta stojol te ants-winiquetique.

Salmos 107:8

Albeyaic wocol te Cajwaltique. Albeyaic wocol yu'un te xc'uxul yo'tan te Cajwaltique, ja' te bila lec ya spas ta stojol te ants-winiquetique.

Salmos 111:7

Te bila ya spase, toj stuquel soc smelelil; ja' smuc'ul co'tantic te mandaliletic yu'une.

Salmos 121:1

C'alal ya jtoy moel jsit ta witstiquil, ya cal ta co'tan: “¿Banti ya xtal te coltayel cu'une?” xoon.

Salmos 123:1

Ya jtoy moel jsit ta atojol, Cajwal, te ja'at Ajwalilat te nacalat ta ch'ulchane.

Salmos 145:13

Te awat'el ta ajwalil sbajt'el q'uinal ay; te wentainel awu'un sbajt'el q'uinal stuquel.

Salmos 146:10

Ja'at lum Sión, te Cajwaltic ja' me muc' ajwalil sbajt'el q'uinal; te Dios awu'un ya me xmandalaj ta stojol cajalcaj bael te alnich'anetic awu'une. ¡Bin nax yutsil te Cajwaltique!

Salmos 50:14

Ja'uc me jmajt'an awu'un te ya awalbon wocol ta jtojol; ac'a me c'otuc ta pasel awu'un te bila awaloj ta jtojol jo'on te mero Toyolone.

Salmos 66:7

Ta swenta yu'el ja' me ya xpasawan ta mandal sbajt'el q'uinal; ja' me j'il-q'uinal yu'un yilel te nacionetique, swenta yu'un te mach'atic toybaetic ma ba ya sjach sbaic ta scontroinel te Diose.

Salmos 7:17

Ya me calbey yutsil sc'oplal te Cajwale, melel toj yo'tan stuquel. Ya me jc'ajintaybey sbiil te Cajwale, ja' te Mach'a mero Toyole.

Salmos 9:2

Mero Toyolat ta jyalel atuquel, ya me x'awunon ta scaj te nojel sbujts' co'tan ya caiye; ya jc'an jc'ajintaybat abiil ta c'ayoj.

Salmos 92:1

Cajwal, te mero Toyolat, lec ya caiy te ya x'albotat awutsilal, soc te ya yich' c'ajintayel c'ayoj ta swenta awich'el ta muq'ue.

Isaías 13:11

Te Cajwaltic ya yal: —Ya cac'bey castigo te mach'atic ayic ta spamal balumilal ta scaj te bitic amen spasojique, ja' te mach'atic amenic ta jyalel yu'un te smulique. Ya jlajinbey sc'oplal te stoybail te mach'atic cajal nax yac'oj sbaique, ya jpejc'an te mach'atic toybaetic soc te ya x'ixta-c'opojique.

Isaías 2:11

Te jtoybaetic ya me stinan sbaic ta stojol; te jtoyba-o'tanetic ya me yich'ic pejc'anel. Te bi c'aalil ya xc'ot ta pasele, ja' nax me stuquel te Cajwaltic te ya yac' ta ilel te smuc'ule.

Isaías 24:15

Jich nix ta bay sloq'uib c'aal soc te lumetic ta sti'il mar, ya me yalbeyic yutsil sc'oplal te Cajwaltic Dios yu'un Israel.

Jeremías 10:10

Te Cajwaltique, ja' te Dios ta melele, Cuxul Dios stuquel, Muc' Ajwalil sbajt'el q'uinal. Te c'alal ya x'iline, ya xnijc' yu'un te lumq'uinale; te nacionetique ma xcujch' yu'un te yilimbae.

Lamentaciones 3:38

Te bila leque, soc te bila ma lecuque, pajal ya xtalic, yu'un jich ya yal mandal te Mach'a Toyole.

Daniel 12:7

Te winic sc'u'inej lino-pac', la stoy moel sc'ab ta stojol ch'ulchan, ay bila jc'axel la yal ta jamal ta stojol te cuxul Diose, jich la yal: —C'alal to ta oxeb soc olil, ja' te c'alal ya sta yorail ya xquejch'aj ta lajinbeyel yip te lum yu'un Dios, ja' to me ya sta yorail slajibal spisil te bitic jchajp xanix sc'oplal ae —xi'.

Daniel 2:44

Te c'alal ay yat'elic ta muc' ajwalil ae, te Dios ta ch'ulchan ya me yac' ochel jtul jmandalteswanej te sbajt'el q'uinal ma ba ya xlaje, soc te ma'yuc bi ora ya x'u'uninot yu'un yan nación. Ja' me ya slajin ta jyalel te yantic ajwaliletique, ja' nax me muc' ajwalil ya xjil ta sbajt'el q'uinal stuquel.

Daniel 4:2

Ya jc'an te yacuc ana'ic te bitic mero muc' sc'oplal spasojbon ta jtojol te Dios mero toyole.

Daniel 4:26

Te mandal la awaiye, te ya yich' ijq'uitayel ta lum te xchumante'el soc te yisime, ja' ya yac' ta na'el te ya to xcha'ochat xan ta muc' ajwalile. Pero ja' to teme la ana' te ja' nax te Dios te ay yip yu'ele.

Daniel 4:3

Mero c'ax yan yilel a te smuc'ul yat'el te yu'ele. Sbajt'el me q'uinal ma xloc' yat'el ta Ajwalil. Te yip yu'ele, ya me xc'ax ta stojol spisil ta caj mach'atic ya xc'axic ta q'uinal.

Daniel 4:32

Ya me awich' loq'uesel ta yolil te ants-winiquetic, ya me xbaat ta nainel soc chambalametic. Ya me alo' wamal jichuc wacax. Jich me ya x'ainat juqueb ja'wil tey a, ja' to me teme c'ot ta awo'tan te ay yip yu'el ta stojol spisil nacionetic ta balumilal te Dios mero toyole, soc te ja' stuquel te ya yac'bey yat'el ta ajwalil te mach'a ya sc'an ya yac' ochele —xi'.

Daniel 4:36

“Ja' nix ta yorail a cha'lecub xan q'uinal la caiy. Te smuc'ul yutsil te banti ayon ta ajwalil, te yutsil jc'oplal, soc smuc'ul jc'oplale, cha'sujt' xan tel ta jtojol. Te jtojteswanejetic, jtac'uywanejetic soc te mach'atic yich'oj tulan yat'elic te banti ayon ta ajwalile, tal sleonic. Jich cha'ochon xan ta cat'el ta ajwalil ta stojol te nación cu'une. C'axem to xan jich muc'ub cat'el a te bit'il cat'el ta neelal toe.

Daniel 5:18

“Te Dios mero toyole la yac'bey ta swenta te at'el ta muc' ajwalil te Nabucodonosor, ja' te atate, soc la yac'bey yutsil sc'oplal soc la yac' ta ich'el ta muc'.

Daniel 5:21

La yich' loq'uesel ta stojol te ants-winiquetique, la yich' c'atp'unel, pajal soc chambalam c'ot. Ja' la sjoin ta nainel te ja'mal burroetique. La slo' wamal jichuc wacaxetic, ajts'esot yu'un ts'ujul ta scojt'ol te sbaq'uetale, ja' to te la sna' te ja' nax te Dios mero toyol te ay yu'el ta stojol ta spisil te ajwaliletic ta balumilal, soc te ja' ya stojtes te mach'a ajwalil ya sc'an yo'tan ya stojtese.

Daniel 6:26

Yo'tic ya cal tulan mandal ta stojol ta spisil te bay c'alal ayic ta jwenta, te ya me yich'ic ta muc' soc ac'a xch'uunic te Dios yu'un Daniel. Melel ja' mero cuxul Dios stuquel, soc sbajt'el q'uinal ay. Te mandalteswanej yu'une, ma'yuc bi ora ya xlaj, soc ma'yuc slajibal te yu'ele.

Daniel 7:14

Ac'bot yu'el, ac'bot yutsilal, soc ac'bot yich' yat'el ta muc' ajwalil; la yac' sbaic ta abatinel yu'un ants-winiquetic ta spisil nacionetic soc ta spisil ta jchajp c'opiletic. Stalel ay sbajt'el q'uinal te yu'ele, ma sna' xyanaj, sbajt'el q'uinal ma xlaj yat'el ta mandalteswanej.

Daniel 7:27

Te mandalteswanej, te yip soc te yutsilal ta spisil te jmandalteswanejetic ta balumilale, ya me yich' ac'beyel te lum yu'un Dios te mero toyole. Sbajt'el me q'uinal te mandalteswanej yu'une, ta spisil te lumetic ta balumilal ya me yac' sbaic ta abatinel yu'un, soc ya me xch'uunbeyic smandal’, xi'.

Daniel 9:14

Ja' yu'un Cajwal, la achajban te bila amene, la awac' tel ta jtojoltic. Melel te ja'at Cajwal, Dios cu'untic, stojil ay stuquel spisil te bitic ya apase, pero jo'otic ma ba la jc'an caiytic te amandale.

Jonás 1:14

Jich jajch' sc'oponic te Cajwaltique, jich la yalic: —Cajwaltic, ma xawac' lajucotic ta swenta smul te winique. O teme ma'yuc smule, ma me xawac' jmulintic te bit'il ya xlaje. Melel te ja'at Cajwaltic, ja' chican bi ya smulan awo'tan ya apas —xiic.

San Lucas 1:33

Sbajt'el me q'uinal ay ta ajwalinel yu'un te lum Israele. Ma'yuc bi ora ya xlaj yat'el ta muc' ajwalil —xi' te ch'ul abate.

San Lucas 18:13

“Yan te jc'an-patane, q'uejel to la stejc'an sba jilel stuquel. La stinan sba ta stojol Dios. Ma la sc'an stoy moel te site. La smajulay yo'tan. Jich la yal: “Dios cu'un, pasbon perdón te bit'il jmulawilon ta atojol”, xi'.

San Juan 5:26

Melel te Tatil cuxul ta stuquel, soc ja' nix jich yac'ojbey ta swenta te Snich'anile, jich nix cuxul ta stuquel uuc.

Deuteronomio 32:4

Ja' Jcanantaywanej cu'untic, mero lec yat'el stuquel, mero toj spisil te bitic ya spase. Ja' Dios te jun yo'tan ta jtojoltic, ma'yuc lo'laywanej ta yo'tan; ¡mero stojil ya x'at'ej, mero lec stuquel!

1 Timoteo 1:17

Jich yu'un, ac'a ich'otuc ta muc' te muc' Ajwalil sbajt'el q'uinal, te stalel cuxul stuquel, te ma chicanuc ta ilel, te ja' nax Dios stuquel, soc te ay yutsilal ta sbajt'el q'uinal stuquel. Jichuc.

1 Timoteo 6:16

Ja' te mach'a stalel ma xlaj stuquel, te cuxul ta bay te xojobal q'uinal, te jtul ma'yuc mach'a ya xju' ya xnoptsaj tey a. Jtul ma'yuc mach'a la yilix, soc ma'yuc mach'a ya xju' yu'un yilel. Ja' me ac'a ich'otuc ta muc', soc ja' ac'a yich' ajwalinel sbajt'el q'uinal stuquel. Jichuc.

Apocalipsis 10:6

Jich la yac' ta testigo te Mach'a stalel cuxul sbajt'el q'uinal te la spas te ch'ulchane soc spisil te bitic tey ae, te balumilale soc spisil te bitic tey ae, te mare soc spisil te bitic ay tey ae, jich la yal: “Ma ba jalix c'aal.

Apocalipsis 11:15

Te sjuquebal ch'ul abat la yoq'uesin te oq'uese. Ay mach'atic tulan c'opojic ta ch'ulchan la caiy te jich la yalique: “Spisil te muc' ajwaliletic ta balumilal soc te bila ay ta swentaique, ayix ta swenta stuquel te Cajwaltique soc te Cristo yu'une. Ja' me ay ta ajwalinel sbajt'el q'uinal stuquel”, xiic la caiy.

Apocalipsis 4:10

Te chaneb xcha'winic (24) mamaletique ya squejan sbaic ta stojol te mach'a nacal ta smuc'ul nactijib te stalel cuxul sbajt'el q'uinale. Ya scojt'es scoronaic ta stojol te muc'ul nactijibale soc jich ya yalic:

Apocalipsis 4:9

Te bitic cuxajtique, spisil ora ya yalbeyic yutsilal, ya yich'ic ta muc', soc ya yalbeyic wocol te mach'a nacal ta muc'ul nactijibale, ja' te mach'a stalel cuxul sbajt'el q'uinale.