Daniel 4:1 - Bible in Tzeltal de Oxchuc y Tenejapa

¹ Te muc' ajwalil Nabucodonosor la sts'ibubey jun ta stojolic te ants-winiquetic ta spisil nacionetic soc ta spisil c'opiletic ta q'uinal, jich la yalbey: “Ac'a lamajuc q'uinal awaiyic soc ac'a toyuc xan yutsil awo'tanic.

Bible in Tzeltal Bachajón

¹ Ho'on, ajwalil Nabucodonosor, ta stojol spisil te pueblohetic, nacionetic soc c'opiletic te nahinemic ta spisil te q'uinal: Ayuc me bayel lamal q'uinal yac awa'iyic.

Daniel 4:1 ပူးပေါင်းရင်းမြစ်များ

1 Crónicas 12:18

Jich yu'un te Amasai, te jtsobwanej yu'un te lajuneb xcha'winic (30) ta jtule, ja' u'uninbil yu'un te espíritu, jich la yal: —¡David, lamaluc q'uinal ta atojol, ja'at te snich'anat Isaí! ¡Lamaluc me q'uinal ta atojol! ¡Lamaluc me q'uinal ta atojol soc ta stojol te mach'atic ya scoltayate, melel scoltayejat te Dios awu'une! —xi' ta yalel. Te David la yic' ta stojol, soc la yac'bey yat'elic soc te yantic jtsobwanejetic yu'un te soldadoetique.

Esdras 4:17

Te muc' ajwalil Artajerjes jich sutbotic bael yu'un: “Ya jpatbeyex awo'tanic ja'ex te comandante Rehum, soc te secretario Simsai, soc te yantic jilemic ta jq'uinal te ay ta stojol smalib c'aal yu'un muc'ja' Eufrates: “Te bi la awalbonic

Esdras 5:7

jich ya yal: “Muc' ajwalil Darío, ya jpatic awo'tan te bit'il muc' ajwalilat cu'untique, lamaluc me q'uinal ta atojol. Ya caltic ta atojol te c'o quiltiquix te sq'uinal Judá soc te templo yu'un te mero muc' Diose, te yacalic ta xcha'pasel xan ta niwac walubil tonetic. Yo'tic moemix ste'el, mero sujoj sbaic ta at'el, te yat'elique mero ora yac ta ju'el.

Ester 3:12

Ta yoxlajunebal c'aal a te u swenta xjajch'ibal te ja'wile, la yich'ic iq'uel te secretarioetic yu'un muc' ajwalil. Ja'ic la sts'ibuyic te smandal te Amán, ja' te la sticunbey ta stojolic te ajwaliletic ta juju-jpam q'uinal soc te mach'atic yich'oj yat'elic ta jujun nación swentainej te muc' ajwalile. Te mandaliletic in to la yich' ts'ibuyel ta sletraic nix, soc ta sc'opic nix te juju-jpam q'uinal soc te jujun lume. La yich' pasel ta swenta te muc' ajwalil Asuero, soc la yich' te sello yu'un te muc' ajwalile.

Ester 8:9

Te secretarioetic yu'un te muc' ajwalil ora la yich' iq'uel tel, ta oxeb xcha'winic (23) c'aal a te yoxebal u, o ja' nix te u Siván. Spisil te bila la yal te Mardoqueo, la yich' ts'ibuyel bael ta stojol te judioetique, te ajwaliletic ta juju-jpam q'uinal soc ta juju-jsejp q'uinal, soc te yantic mach'atic yich'oj yat'elic te ayic ta juqueb sjucwinic (127) ta jpam q'uinal te jajch'em tel ta India, c'oem to c'alal ta Etiopía. La yich'ic ts'ibuyel ta sc'opic nix soc ta sletraic nix.

Daniel 3:29

Yo'tic jo'on ya cal mandal, mach'auc a te ya yal amen c'op ta stojol te Dios yu'unic te winiquetic in to, ac'a yich'ic milel ta jyalel. Te snae, jc'axel ac'a yich' busanel ta jinel, ta bayuc lumil talem, bayuc nacionil soc biluc c'opil ya xc'opojic a. Melel, ma'yuc yan dios jich ya xju' yu'un coltaywanej te bit'il te Dios yu'unique —xi'.

Daniel 3:4

Te mach'a ay ta swenta yalel te bi ora ya xjajch' te q'uine, jich la yal ta tulan: —Winiquetic te talemex ta juju-jpam lumetic, ta spisil ta jpam nacionetic soc ta spisil ta jchajp c'opiletic, aiybon awaiyic jc'op:

Daniel 6:25

Jich te muc' ajwalil Darío la sts'ibubey jun ta stojolic te ants-winiquetic ta spisil nacionetic soc ta spisil c'opiletic ta q'uinal, jich la yalbey: “Ac'a lamajuc q'uinal awaiyic soc ac'a toyuc xan yutsil awo'tanic.

Daniel 6:27

Ja' ya xju' ya xcoltaywan, ja' ya xju' ya x'ac'awan ta libre. Ja' te ya spas jchajp señailetic ta ch'ulchan soc ta balumilal. Ja' la scoltayix ta ye león-chojetic te Daniel”, xi'.

Daniel 7:14

Ac'bot yu'el, ac'bot yutsilal, soc ac'bot yich' yat'el ta muc' ajwalil; la yac' sbaic ta abatinel yu'un ants-winiquetic ta spisil nacionetic soc ta spisil ta jchajp c'opiletic. Stalel ay sbajt'el q'uinal te yu'ele, ma sna' xyanaj, sbajt'el q'uinal ma xlaj yat'el ta mandalteswanej.

Zacarías 8:23

Ta yorail, ay me lajuntul jyanlumetic te yantic sc'opic ya me sjijp'an sbaic ta sti'il sc'u' jtul judio, jich me ya yalbeyic: “Ya jc'an ya jt'unticat bael te ja'exe, melel la caiytiquix te ajoinejic te Diose”, xiic me —xi' te Cajwaltique.

Hechos 2:6

Te c'alal la yaiyic stojol te bila tulan c'opoje, la stsob sbaic spisilic. Ch'ay nax q'uinal la yaiyic yu'un, melel juju-jtul la yaiyic stojol ta sc'opic nix te bila albotique.

Romanos 1:7

Ya jpatbeyex awo'tanic ta apisilic te ayex ta lum Roma, te c'ux ya yaiyex ta yo'tan te Diose, soc te ic'bilex swenta ch'ul lum yu'un Dios ya xc'oex. Ayuc me yutsilal soc lamaluc me q'uinal ya awaiyic yu'un ta swenta te Jtatic Diose soc ta swenta te Cajwaltic Jesucristoe.

Efesios 1:2

Ac'a yac'beyex yutsil yo'tan te Jtatic Dios soc te Cajwaltic Jesucristoe. Lamaluc me q'uinal ya awaiyic yu'un spisil ora.

1 Timoteo 1:2

Ya jpatbat awo'tan, Timoteo, ja'at te mero jnich'anat ta swenta xch'uunjel co'tantic. Ac'a me yac'bat bayal yutsil yo'tan te Jtatic Diose soc te Cajwaltic Cristo Jesuse. Ac'a me xc'uxtayat, soc lamaluc me q'uinal ya awaiy yu'un spisil ora.

1 Pedro 1:2

Tsabilex yu'un te Jtatic Diose, yu'un xjajch'ibal to jich xchapoj ta yo'tan, soc te ya xch'ultesbeyex awo'tanic ta swenta te Espiritue. Swenta yu'un jich me ya ach'uunic soc jich me ya awich'ic tsijts'anel ta xch'ich'el te Jesucristoe. C'axem to xan ac'a yac'beyex yutsil yo'tan soc lamaluc me q'uinal ya awaiyic yu'un.