Daniel 3:7 - Bible in Tzeltal de Oxchuc y Tenejapa

⁷ Jich nix la spasic a, te c'alal la yaiyic ta spisilic te mach'atic stsoboj sbaic te c'opojix te at'ejibaletic yu'un música, la squejan sbaic, la xch'uunic te loc'omba pasbil ta oro.

Bible in Tzeltal Bachajón

⁷ Ha yu'un te c'alal la ya'iyic te sc'op te corneta, flauta, cítara, lira, salterio, gaita, soc spisil te a'tejibaletic yu'un música, spisil te pueblohetic, nacionetic soc spisil ta chahp c'opiletic la squejan sbahic soc la sch'uhuntayic te loc'omba pasbil ta oro te tehc'ambil yu'un te ajwalil Nabucodonosor.

Daniel 3:7 ပူးပေါင်းရင်းမြစ်များ

Jeremías 51:7

Te Babilonia jich c'oem ta jc'ab bit'il vaso pasbil ta oro te la cac' yacubuc spisil ants-winiquetic a. Te nacionetic la yuch'ic te vino, soc ch'ayic ta q'uinal yu'un.

Daniel 2:46

Te muc' ajwalil Nabucodonosor la squejan sba ta stojol Daniel, la stinan coel sjol c'alal ta lum, soc la yal mandal te ya yac'beyic milbil smajt'ane, soc ya xchic'beyic pom.

Daniel 3:10

Te ja'at muc' ajwalilat cu'untic, la awalix mandal te spisil ants-winiquetic ya squejan sbaic ta xch'uunel te loc'omba pasbil ta oro te c'alal bi ora ya xchicnaj sc'op te at'ejibaletic yu'un música.

Daniel 3:4

Te mach'a ay ta swenta yalel te bi ora ya xjajch' te q'uine, jich la yal ta tulan: —Winiquetic te talemex ta juju-jpam lumetic, ta spisil ta jpam nacionetic soc ta spisil ta jchajp c'opiletic, aiybon awaiyic jc'op:

Daniel 3:5

Te c'alal ya awaiyic te ya x'oq'uesinot te oq'ues, amay, cítara, lira, salterio, gaita, soc ta spisil at'ejibaletic yu'un música, ya me aquejan abaic ta ora ta stojol ta xch'uunel te loc'omba pasbil ta oro, te ja' la yac' ta pasel te muc' ajwalil Nabucodonosor.

Daniel 3:6

Spisil te mach'atic ma ba ya sc'an ya squejan sbaic ta xch'uunel te loc'ombae, ora me ya yich'ic ch'ojel ochel ta horno yu'un c'ajc' te yaquix ta tilele —xi'.

Daniel 3:8

Pero ay caldeoetic tey ayic a. La slebeyic smul ta stojol muc' ajwalil Nabucodonosor te judioetique,

Hechos 14:16

Ta namey tel Dios la yac'bey spasic te jyanlumetic te bila la sc'an yo'tanique.

1 Juan 5:19

Jna'ojtic stojol te yu'unotic te Diose. Yan te balumilale, spisil ay ta sc'ab te pucuje.

Apocalipsis 12:9

Jich la yich' ch'ojel loq'uel ta fuera te muc'ul chan te xi'bantic sbae. Ja' te namey q'uinal muc'ul chan te Pucuj sbiil soc Satanás sbiil te ya slo'lay spisil te mach'atic ainemic ta balumilale. Te Pucuje soc te abatetic yu'une, la yich'ic ch'ojel coel ta balumilal.

Apocalipsis 13:14

Soc ta swenta seña yu'el te ac'bot spas yu'un te sbabial muc'ul chambalam te xi'bantic sbae, la slo'lay te mach'atic nainemic ta balumilal. Jich la yal mandal te ya me spasbeyic sloc'omba te muc'ul chambalam te xi'bantic sba te la yich' ejch'entesel ta puñal te ju' yu'un te cuxine.

Apocalipsis 13:3

Te muc'ul chambalam te xi'bantic sbae ay jun sjol te ay yejch'en te ya xlaj yu'un yilele, ja'uc me to, la yich' poxtayel te yejch'ene. Spisil te mach'atic nainemic ta balumilale bayal ayan yo'tanic yu'un. Jich la yich'ic ta muc' te muc'ul chambalam te xi'bantic sbae.

Apocalipsis 13:8

Spisil te mach'atic nainemic ta balumilale la slajin sbaic ta stojol te muc'ul chambalame, ja' te mach'atic ma nacaluc sbiilic ta lista swenta cuxinel te yich'oj te Alalchij te laje, te la yich' ts'ibuyel c'alal to te bi ora pastaj te ch'ulchan balumilale.

Apocalipsis 17:8

Te muc'ul chambalam te xi'bantic sba te la awile, ja' seña te mach'a ay ta neelale te ma ba chican ta ora to soc te ya to xmo loq'uel tel ta bay te xaabe. Patil ya me xbajt' ta lajel ta jc'axel. Te mach'atic cuxajtic ta balumilal te ma nacaluc sbiilic ta lista swenta cuxinel c'alal to ta xjajch'ibal te balumilale, cham nax me ya yaiyic te c'alal ya yilic te muc'ul chambalam te xi'bantic sba te ay ta neelal te ma ba chican ta ora to soc te ya to xchicnaj xane.

Apocalipsis 19:20

Te muc'ul chambalam te xi'bantic sbae, la yich' tsaquel ta chuquel soc te lotil j'alwanej te la yac' ta ilel seña yu'el ta stojole. Ta swenta te señaetic la yac' ta ilel te lotil j'alwaneje, ju' yu'un slo'layel a spisil te mach'atic la xch'uunic yich'el smarca te chambalam te xi'bantic sbae soc te la slajin sbaic ta stojol te sloc'ombae. Cuxul la yich'ic ch'ojel ochel ta xchebalic ta bay muc' pamal c'ajc' te yac ta tilel soc azufre.