Daniel 3:6 - Bible in Tzeltal de Oxchuc y Tenejapa

⁶ Spisil te mach'atic ma ba ya sc'an ya squejan sbaic ta xch'uunel te loc'ombae, ora me ya yich'ic ch'ojel ochel ta horno yu'un c'ajc' te yaquix ta tilele —xi'.

Bible in Tzeltal Bachajón

⁶ Te mach'atic ma ba ya squejan sbahic soc ya sch'uhuntayic, ora ya yich'ic ch'ojel ochel ta horno yu'un c'ahc' te yac ta tihlel, xchi.

Daniel 3:6 ပူးပေါင်းရင်းမြစ်များ

Génesis 19:28

La yil te lum Sodoma soc te lum Gomorra soc te stenlej xatal q'uinale. Xtomomet nax xch'ailel la yil jich bit'il xch'ailel yawil c'ajc'.

Éxodo 20:5

Ma me xaquejan aba ta stojolic, ma me xach'uunic. Melel jo'on Ajwalilon te Dioson awu'une. Jo'on Dioson te jc'axel ma jmulan teme ya ale yantic diosetic awu'un. Ya cac'bey castigo yu'un smulic te me'il-tatiletic ya yilayonique, soc te snich'nabic ta yoxcajal soc ta xchancajal.

Isaías 44:17

Yan te sobrail te te' ya spasbey sloc'omba te dios yu'une, ya squejan sba ta stojol ta xch'uunel, soc ya yalbey wocol: “Coltayawon, melel ja'at diosat cu'un”, xi' ta yalel.

Jeremías 29:22

Jich te mach'atic ic'otic loq'uel ta Judá, te ic'otic bael ta mosoil ta Babilonia, teme ya sc'anic te ya sbolc'optayic yan, ya me staic ta alel: ‘Te Cajwaltic ac'a spasbat ta atojol, jich bit'il la spasbey te Sedequías soc te Acab, ja' te mach'atic la swo ta c'ajc' te muc' ajwalil yu'un Babilonia’, xiuc me ta yutel.

Daniel 2:5

Te muc' ajwalil jich la yal: —Te bila jnopoj ya jpase jich ay: Teme ma ba ya awalbonic te bila a te la jwaichine, soc teme ma ba la awalbonic te bila swentaile, ya me awich'ic milel, te anaic ya me yich' jinel soc ya yich' busanel sts'ubil.

Daniel 3:11

Te mach'a ma ba ya spase, ya me yich' ch'ojel ochel ta horno te banti tulan yac ta tilel te c'ajq'ue.

Daniel 3:15

¿Jun bal awo'tanic ya atinan abaic ta stojol, soc ya ach'uunic te loc'omba te jo'on cac'oj ta pasele, te c'alal ya awaiyic te ya xc'opoj te at'ejibaletic yu'un música? Melel teme ma x'ac'an ya awich'ic ta muq'ue, yo'tic nix ya awich'ic ch'ojel ochel ta horno te banti tulan yac ta tilel te c'ajq'ue. Teme jich c'ote, ¿mach'a diosil ya xju' ya scoltayex? —xi'.

Daniel 3:21

Ta yoxebal te queremetic ja' to slapojic a te sc'u'ic swenta tulan yat'elique, la yich'ic c'olel, soc la yich'ic ch'ojel ochel ta horno te banti yac ta tilel te c'ajq'ue.

Daniel 3:7

Jich nix la spasic a, te c'alal la yaiyic ta spisilic te mach'atic stsoboj sbaic te c'opojix te at'ejibaletic yu'un música, la squejan sbaic, la xch'uunic te loc'omba pasbil ta oro.

Daniel 5:19

Ta swenta te yip ac'bot yu'un te Diose, ich'ot ta muc' yu'un spisil ants-winiquetic ta spisil lumetic soc nacionetic soc c'opiletic. Ya xtal nijq'uel yu'un xiwel ta yo'tanic ta stojol. Ya xju' ya smil te mach'a ya sc'an ya smile, soc ma ba ya smil te mach'a ma ba ya sc'an ya smile. Ay yantic la yac' toyuc sc'oplal soc ay yantic la yac' pejc'ajuc sc'oplalic.

Daniel 6:7

—Ta jpisiltic te ya jwentaintic te nacione, la jpastic tsoblej te banti la yich' chapel te ya yich' puquel ta alel chajbanbil c'op ta awenta, ja'at muc' ajwalil, te banti ya yal mandal te lajuneb xcha'winic (30) c'aal, ma'yuc mach'a ya yalbey wocol ni junuc dios, ni jtuluc winic, ja'at nax atuquel ya yich' alel wocol ta atojol. Te mach'a ma ba ya xch'uune, ya me yich' ch'ojel ochel ta xch'en león-chojetic.

San Mateo 13:42

Ya me xch'ojic ochel ta bay yawil c'ajc' te yac ta tilele. Tey me ya xc'o yoq'uetay sbaic a, soc tey ya sjets'ulay yeic a.

San Mateo 13:50

Te mach'atic ma lecuque ya me yich'ic ch'ojel ochel ta bay yawil c'ajc' te muc' yac ta tilele. Tey me ya xc'o yoq'uetay sbaic a, soc tey ya sjets'ulay yeic a —xi' te Jesuse.

San Mateo 4:9

Soc la yalbey: —Teme ya aquejan aba ta jtojol soc teme ya awich'on ta muq'ue, ya me cac'bat spisil in to —xi' te pucuje.

San Marcos 6:27

Jich yu'un te muc' ajwalile ora la sticun bael jtul soldado. La yalbey mandal te ya yich'bey tel sjol te Juane.

Apocalipsis 14:11

Te xch'ailel te swocolique, xtomomet nax ya xmo sbajt'el q'uinal. C'aal ajc'ubal ma'yuc banti ya yich'ic lewa yu'un castigo spisil mach'atic te ya slajin sbaic ta stojol te muc'ul chambalam te xi'bantic sba soc ta stojol te sloc'ombae soc te yich'ojbeyic smarca ta stibaique o ta sc'abique”, xi' ta aw la caiy.

Apocalipsis 9:2

Jich la sjambey sti' te xaabe. Tey mo loq'uel tel ch'ail te jich yilel te bit'il xch'ailel te muc'ul hornoe. Te xch'ailele ijc'ub yu'un te c'aale, soc ijc'maxantic nax a bajt' te q'uinale.