Daniel 2:9 - Bible in Tzeltal de Oxchuc y Tenejapa

⁹ Ja' yu'un, teme ma ba ya awalbonic te bila la jwaichine, ta apisilic pajal ya xc'ot ta awentaic te lajele, melel te ja'exe achapojiquix te ya awac'bonic lotil sujt'ib te jc'ope ta swenta lo'laywanej, yu'un ya acuyic te jich ya xyanaj sc'oplal a te bila chapalixe. Albonic caiy jiche te bila la jwaichine, jich me ya jna' a te ya xju' awu'unic te ya awalbonic caiy te bila swentaile —xi'.

Bible in Tzeltal Bachajón

⁹ Teme ma ba yac awalbonic te bin la jwayichtay, junax te bin ya xc'oht ta atojolic. Achapojic te yac awa'bonic lotil suhtib soc bintic chopol, yu'un hich ya xc'ax yorahil a. Halbonic te wayichil, hich ya jna' a te ya xhu' awu'unic te yac awalbonic te bin ya sc'an ya yal, xchi.

Daniel 2:9 ပူးပေါင်းရင်းမြစ်များ

1 Reyes 22:22

Te espíritu la yal te ya yac'bey yalic lot ta yeic spisilic te j'alwanejetic yu'un te muc' ajwalile. Te Cajwaltic la yal te jich ya xju' ya slo'laye, ac'a ba spas.

1 Reyes 22:6

Te muc' ajwalil yu'un Israel la stsob j'alwanejetic te jteb ma sta jbajc' ta jtule. La sjojc'obey ta spisilic: —¿Ya bal xju' ya cac'bey guerra te lum Ramot-ta-Galaad, o ma xju'? —xi'. La sjaq'uic: —Ac'beya guerra, te Cajwaltic ya me yac'bat ta ac'ab —xiic.

Ester 4:11

Jich la yal: “Ta spisil te mach'atic ayic ta abatinel yu'un te muc' ajwalil, soc nix te yajwal te juju-jpam q'uinal swentaineje, sna'ojic te ay jun ley te ya yac' ta lajel spisil antsetic o winiquetic te ya x'ochic bael ta yamaq'uil ta yutil te spalacio te muc' ajwalile, swenta yu'un ya xba yil te muc' ajwalil, teme ma ja'uc la sticun ta iq'uele. Ja' teme ma ba ya stuch ta ilel te sbastón pasbil ta oro ta stojol te mach'a ya x'och swenta seña te lec ta o'tanil, soc te ya spasbot perdón, te ma ba ya x'ac'ot ta lajele. Yan te jo'one, ayix lajuneb xcha'winic (30) c'aal te ma ba yic'ojon te muc' ajwalile”, xi' te sujt'ibe.

Proverbios 12:19

Te mach'a melel ya xc'opoje, stalel ya x'ain sbajt'el q'uinal; yan te mach'a ma meleluc ya xc'opoje, ajc' nax ay ta q'uinal stuquel.

Isaías 41:23

Albotic caiytic te bitic ya xc'ot ta pasel ta patilale, ac'botic quiltic teme diosex ta melele. Pasaic ta bay ya xju' awu'unique, chican teme lec o amen, te ya xnoj xiwel ta co'tantic yu'un soc te ya xnijc' co'tantic yu'une.

Isaías 44:25

Ma xcac' te ya xc'ot ta pasel te bila la yalbey sc'oplal te lotil j'alwanejetique; jo'on ya cac' jowejuc sjolic te mach'atic ay bila ya xtal ta yo'tanique. Jo'on ya cac' ya scontroin sbaic ta c'op te mach'atic p'ijique; soc te bitic ya sna'ic, puro jowil c'op me ya xc'ot ta loq'uel.

Ezequiel 13:17

Te Cajwaltic la yalbon: —Yo'tic, winic, albeya sc'oplal te antsetic ta alumal, ja' te antsetic te ya xc'opojic ta jwenta ta sc'opic, te ma meleluque. Ja'ic nix ya xc'opojic ta stuquel-o'tanic.

Ezequiel 13:19

Ja'ex ta scaj nax cheb oxeb ta jojp cebada, soc jtebuc we'elil, te ya aboltesbonic jbiil ta stojol te lum cu'une. Ja' ya awaq'uic ta lajel te mach'atic ma sc'oplaluc ya xlajique, soc ya awaq'uic cuxinuc te mach'atic sc'oplal ya xlajique. Jich ya alo'laybonic te lum cu'une, ja' te mach'atic ya yich'ic ta muc' te lotil c'opetique.

Ezequiel 13:6

Te bila ya yalic ta swenta te bila la cac'bey yil ta sc'opique, ma meleluc, soc te bila ya yalic sc'oplal ya xc'ot ta pasele, slotic. Ya yalic te jo'on jc'op te ya yalique, pero ma jo'ucon jticunej. Tojol ya smaliyic te ya xc'ot ta pasel te bila ya yalique.

Daniel 2:16

Jich te Daniel bajt' ta stojol te muc' ajwalile, c'o yalbey wocol te yacuc x'ac'bot jtebuc tiempo, swenta yu'un jich me ya xju' yu'un ya yalbey a te bila la swaichine, soc nix te bila swentaile.

Daniel 2:21

Ja' ya sjelbey sc'aalelal, soc yajtalul. Ya xju' yu'un ya sloq'ues ajwaliletic, soc ya yac' ochel ajwaliletic. Ya xju' ya yac'bey sp'ijil yo'tan te mach'a ay sp'ijile; ya xju' ya yac'bey snopjibal yu'un te mach'a ay bila sna'oje.

Daniel 2:8

La yal te muc' ajwalil: —Ya jna' te ja' nax ya aleic te bit'il ya xc'ax te orae, yu'un awaiyojic te bila chapalix cu'une.

Daniel 3:15

¿Jun bal awo'tanic ya atinan abaic ta stojol, soc ya ach'uunic te loc'omba te jo'on cac'oj ta pasele, te c'alal ya awaiyic te ya xc'opoj te at'ejibaletic yu'un música? Melel teme ma x'ac'an ya awich'ic ta muq'ue, yo'tic nix ya awich'ic ch'ojel ochel ta horno te banti tulan yac ta tilel te c'ajq'ue. Teme jich c'ote, ¿mach'a diosil ya xju' ya scoltayex? —xi'.

Daniel 5:28

PARSIN te xie, te bay c'alal awentainej ta muc' ajwalile, la yich'ix xet'el soc ya me yich' ac'beyel medoetic soc persaetic, xi' c'oem —xi' te Daniel.

Daniel 5:31

Te Darío te media-winique la yu'unin te at'el ta muc' ajwalile. Te Darío ay cheb xchanwinic (62) ja'wil ya'wilal a.

Daniel 7:25

Ya me sbolc'optay te Dios mero toyole, soc ya sc'an slajinbey ta jc'axel te lum yu'une. Ya me sc'an ya sjeltay te mandaliletic yu'un Dios soc te q'uinetic yu'une; te lum yu'un Dios ya me x'och ta sc'ab oxeb ja'wil soc olil.

2 Corintios 2:17

Ja'uc me to, te jo'otique ma jichuc ayotic te bit'il yantic te ya scuyic ta sp'olmalic te sc'op Diose. Te jo'otique ja' ya caltic ta jamal spisil te sc'op Diose. Yu'un ja' ticunbilotic yu'un te Diose, soc ayotic ta abatinel yu'un te Cristoe.