Daniel 2:8 - Bible in Tzeltal de Oxchuc y Tenejapa

⁸ La yal te muc' ajwalil: —Ya jna' te ja' nax ya aleic te bit'il ya xc'ax te orae, yu'un awaiyojic te bila chapalix cu'une.

Bible in Tzeltal Bachajón

⁸ La sjac' te ajwalil: Ya jna' ta lec te yac ac'anic te ya xnahtij xan te tiempohe, como yac ana'ic bin jnopoj te ya jpase.

Daniel 2:8 ပူးပေါင်းရင်းမြစ်များ

Daniel 2:7

Te mach'atic bayal bila sna'ojique, la sjojc'oyic swenta xchebal buelta: —Albotic caiytic te bila la awaichine, muc' ajwalil cu'untic, ya me caltic awaiy te bila swentail te awaiche —xiic.

Daniel 2:9

Ja' yu'un, teme ma ba ya awalbonic te bila la jwaichine, ta apisilic pajal ya xc'ot ta awentaic te lajele, melel te ja'exe achapojiquix te ya awac'bonic lotil sujt'ib te jc'ope ta swenta lo'laywanej, yu'un ya acuyic te jich ya xyanaj sc'oplal a te bila chapalixe. Albonic caiy jiche te bila la jwaichine, jich me ya jna' a te ya xju' awu'unic te ya awalbonic caiy te bila swentaile —xi'.

Efesios 5:16

Na'aic me stuuntesel te jujun c'aale, te melel ay amen ya xc'ax te jujun c'aale.

Colosenses 4:5

Ya sc'an te ayuc sp'ijil awo'tanic te ya x'ainex ta yolil te mach'atic ma ba xch'uunejic te Diose. Ayuc me swentail te ya xc'ax c'aal awu'unic spisil ora.