Daniel 2:4 - Bible in Tzeltal de Oxchuc y Tenejapa

⁴ Te mach'atic bayal bi sna'ojique, c'opojic, jich la yalbeyic te muc' ajwalile: —¡Muc' ajwalil, sbajt'el q'uinal cuxulat! Ala caiytic te awaiche, jo'otic te abatotic awu'une, ya me caltic awaiy te bi swentaile —xiic.

Bible in Tzeltal Bachajón

⁴ Ha yu'un te mach'atic ay sp'ijilic hich la yalbeyic te ajwalil ta arameo: ¡Ajwalil, te yacuc xcuxajat sbahtel q'uinal! Halbeya te a'batetic awu'un te awayiche, hich ya calbatcotic te bin ya sc'an ya yal, xchihic.

Daniel 2:4 ပူးပေါင်းရင်းမြစ်များ

Génesis 31:47

Te Labán la slebey sbiil: Jegar Sahaduta sbiil c'ot yu'un. Te Jacob, Galaad sbiil c'ot yu'un.

Génesis 41:8

Ja'uc me to, te c'alal sacub q'uinal, bayal la smel yo'tan yu'un te swaiche. La sticun ta iq'uel spisilic te mach'atic ay bila ya sna'ic yalel soc te mach'atic ay sp'ijilic ta spamal Egipto. La xcholbey yaiyic bit'il ay te swaiche; ja'uc me to, ma'yuc mach'a la sna'bey swentail.

1 Reyes 1:25

Melel te naxe co bael, la smiliquix toroetic, ch'in toroetic soc bayal chijetic, soc la yiq'uix ta we'el te anich'nabe, te capitanetic yu'un soldadoetic awu'un, soc te sacerdote Abiatar. Tey yacalic ta we'el-uch'el soc a, soc jich yacalic ta yalel ta aw: “¡Viva muc' ajwalil Adonías!” xiic.

1 Reyes 1:31

Te Betsabé la stinan sba coel c'alal ta lum ta stojol te muc' ajwalile, jich la yal: —Sbajt'el q'uinal cuxinan, ja'at muc' ajwalil David —xi'.

2 Reyes 18:26

Te Eliaquim, Sebna soc Joa la sjac'beyic te sc'op te mach'a yich'oj yat'el yu'un ta Asiria: —Wocoluc, c'oponawotic ta arameo-c'op, melel ya caiytic. Ma xac'oponotic ta hebreo, melel spisilic te mach'atic ayic ta ba ts'ajq'ue yacalic ta yaiyel —la yut.

Esdras 4:7

Ta yorail te Artajerjes, muc' ajwalil ta Persia, te Bislam, Mitrídates, Tabeel soc te yantic sjo'taque la sticunbey jun te Artajerjes. Te carta yich'oj ts'ibuyel ta arameo-c'op, soc yich'oj c'asesel ta sc'opic.

Nehemías 2:3

Jich la calbey te muc' ajwalile: —¡Stalel cuxul te awat'el, muc' ajwalil! ¿Pero bit'il ma ba ya jmel co'tan? Melel jinemix te lum te banti muculic te jme'-jtate, soc lajem ta chiq'uel te spuertaile —la cut.

Isaías 36:11

Te Eliaquim, Sebná soc te Joa la sjac'beyic sc'op te asiria-winic te ay yat'ele: —Wocoluc, c'oponawotic ta arameo-c'op, yu'un jo'otic ja' ya caiytic stojol te arameo-c'ope. Ma xac'oponotic ta hebreo, melel spisil winiquetic ta sba ts'ajc' yacalic ta yaiyel stojol —xiic.

Isaías 44:25

Ma xcac' te ya xc'ot ta pasel te bila la yalbey sc'oplal te lotil j'alwanejetique; jo'on ya cac' jowejuc sjolic te mach'atic ay bila ya xtal ta yo'tanique. Jo'on ya cac' ya scontroin sbaic ta c'op te mach'atic p'ijique; soc te bitic ya sna'ic, puro jowil c'op me ya xc'ot ta loq'uel.

Daniel 1:4

t'ujbil queremetic te ma'yuc sfaltaic ta sbaq'uetalique, te ay sp'ijil sjolic soc ay sp'ijil yo'tanique, te mero bayal bitic snopojic ta bayuque, soc te chapalic yu'un at'el ta palacio yu'un ajwalil, ya me awic' tel. Ja'ic me ya yich'ic ac'beyel snopic te jc'optic soc te libroetic cu'untic jo'otic te caldeootic —la yut.

Daniel 2:7

Te mach'atic bayal bila sna'ojique, la sjojc'oyic swenta xchebal buelta: —Albotic caiytic te bila la awaichine, muc' ajwalil cu'untic, ya me caltic awaiy te bila swentail te awaiche —xiic.

Daniel 3:9

jich c'o yalic: —¡Muc' ajwalil, sbajt'el q'uinal cuxulat! Soc spisiluc me ora ay ta na'el te abiile.

Daniel 4:19

“Jich te Daniel, te Beltsasar yan sbiile, caj ta snopel soc ta sna'el ta yo'tan, melel xiw yo'tan yu'un te bila tal ta sjole. Pero jo'on te muc' ajwalilone, jich la calbey: ‘Beltsasar, ma me xamel awo'tan yu'un te jwaiche soc te bi swentaile’, la cut. La sjac' te Beltsasar: ‘¡Ay, spisil te bila swentailuc te awaiche, ja' me ac'a c'otuc ta stojol te acontroe!

Daniel 4:7

Tal spisilic te j'ac'-chameletic, soc te mach'atic ya sna'ic syoljoltayele, soc te mach'atic bayal bila sna'ojique, soc te mach'atic ay bila sna'ojic ta swenta te c'aal, u, eq'uetic. C'alal julic ta jtojol, la calbey yaiyic te jwaiche, pero ma ba ju' yu'unic sna'el, jich ma ba la yalbonic caiy te bila swentaile.

Daniel 4:9

‘Beltsasar, jwentainwanej yu'un te mach'atic ay bila ya sna'ic syoljoltayele, jna'oj te ja' swentainejat te espíritu yu'un te ch'ul Diose, soc te ana'oj spisil te bitic wocol ta na'ele. Aiybon me awaiy jiche te bila la quil ta jwaiche, soc ya me awalbon caiy te bila swentaile’, xoon.

Daniel 5:10

Pero te sme' te muc' ajwalile, ta scaj te awun te yale soc te yantic mach'atic muc' sc'oplalic ic'bilique, och bael ta yut na te banti yacalic ta we'el-uch'el. Jich c'o yal: —¡Muc' ajwalil, sbajt'el q'uinal cuxulat! Ma xamel awo'tan soc ma me xch'ay ach'ich'el yu'un.

Daniel 5:8

Ta spisilic te mach'atic ay bila sna'ojic te ayic ta swenta te muc' ajwalile, ochic bael ta yutil na, pero ma'yuc mach'a ju' yu'un sna'beyel swentail te bila ts'ibubil. Jich ma'yuc mach'a cholbot yaiy yu'un te muc' ajwalile.

Daniel 6:21

Jac'bot yu'un te Daniel: —¡Muc' ajwalil, sbajt'el q'uinal cuxulat!

Daniel 6:6

Ja' yu'un te j'il-at'eletic soc te ajwaliletic la xchapic te ya xba sc'oponic te muc' ajwalil Darío. Te c'alal c'otic ta stojol, jich c'o yalbeyic: —¡Muc' ajwalil, sbajt'el q'uinal cuxulat! —xiic c'oel ta stojol.

Daniel 6:7

—Ta jpisiltic te ya jwentaintic te nacione, la jpastic tsoblej te banti la yich' chapel te ya yich' puquel ta alel chajbanbil c'op ta awenta, ja'at muc' ajwalil, te banti ya yal mandal te lajuneb xcha'winic (30) c'aal, ma'yuc mach'a ya yalbey wocol ni junuc dios, ni jtuluc winic, ja'at nax atuquel ya yich' alel wocol ta atojol. Te mach'a ma ba ya xch'uune, ya me yich' ch'ojel ochel ta xch'en león-chojetic.

San Mateo 21:9

Te ants-winiquetique te neel yacalic ta beel soc te patil ayique, la yawtayic: —¡Jelawen yutsil te sts'umbal David! ¡Bin nax yutsil te mach'a talem ta swenta te Cajwaltique! ¡Jelawen yutsil te Mach'a ay ta ch'ulchane! —xiic ta aw.

1 Samuel 10:24

Jich la yal te Samuel: —¿La bal awilic te mach'a la stsa te Cajwaltic te ya x'och ta ajwalile? Ma'yuc jtuluc yan israel te ya xpajot yu'un —xi'. —¡Viva muc' ajwalil cu'untic! —xiic ta aw te israeletique.