Daniel 2:12 - Bible in Tzeltal de Oxchuc y Tenejapa

¹² C'alal la yaiy te muc' ajwalil te jich la yalique, til jajch'el slab yo'tan yu'un. Jich la yal mandal ta milel ta spisilic te mach'atic bayal bitic sna'ojic te ayic ta Babilonia.

Bible in Tzeltal Bachajón

¹² Ha yu'un te ajwalil soc sc'ahc'al yo'tan soc yilimba la yal mandar te ya yich'ic milel spisil te mach'atic ay sp'ijilic ta Babilonia.

Daniel 2:12 ပူးပေါင်းရင်းမြစ်များ

Job 5:2

Teme ya awac' aba a te ilimbae, o teme ya awac' aba a te bic'tal-o'tanile, ta scaj te ma x'ana' q'uinal te ya yac'at bael ta lajele.

Salmos 76:10

Te yilimba winic ya xc'atp'uj ta yutsil ac'oplal; manchuc me mero jxujt' te yilimbae ya xc'atp'uj ta acorona.

Proverbios 16:14

Te yilimba muc' ajwalil, ja' ya yalbey sc'oplal te lajele; pero te mach'a ay sp'ijile, ja' ya yac' puersa ta slamantesbeyel yo'tan.

Proverbios 19:12

Te yilimba te muc' ajwalil, jich bit'il yaw león-choj te ya xiwotic yu'une; yan te yutsil yo'tane, jich te bit'il ts'ujul ta aquiltique.

Proverbios 20:2

Te sc'ajc'al yo'tan te muc' ajwalil, jich c'oem te bit'il león-choj te yac ta aw; te mach'a ya yac' ilinuc, yu'un nix ya xlaj a.

Proverbios 29:22

Te mach'a jteb stael, ora nax ya sjajch'es c'op; te mach'a ora nax ya xc'ajc'ub, ya me sta bayal falta yu'un.

Daniel 2:24

Ta patil, te Daniel ba yil te Arioc, ja' te yich'oj mandal yu'un muc' ajwalil te ya smil te mach'atic bayal bila sna'ojic te ayic ta Babilonia, jich la yalbey: —Ma xamil te mach'atic bayal bila sna'ojique. Ic'awon bael ta stojol te muc' ajwalile, jo'on me ya calbey spisil te bila swentail te swaiche —la yut.

Daniel 2:5

Te muc' ajwalil jich la yal: —Te bila jnopoj ya jpase jich ay: Teme ma ba ya awalbonic te bila a te la jwaichine, soc teme ma ba la awalbonic te bila swentaile, ya me awich'ic milel, te anaic ya me yich' jinel soc ya yich' busanel sts'ubil.

Daniel 3:13

Te Nabucodonosor bayal jajch' slab yo'tan yu'un. La yal mandal te ya x'ic'ot tel ta stojol te Sadrac, Mesac soc Abed-nego. Te c'alal ayiquix ta stojol ae,

Daniel 3:19

Te c'alal la yaiy te Nabucodonosor te bila la yalique, tsajub yelaw yu'un slab yo'tan ta stojol te oxeb queremetique. Ja' yu'un la yal xan tulan mandal te ya yich' xan toyesel juqueb buelta yip te c'ajc' ta hornoe.

Daniel 5:19

Ta swenta te yip ac'bot yu'un te Diose, ich'ot ta muc' yu'un spisil ants-winiquetic ta spisil lumetic soc nacionetic soc c'opiletic. Ya xtal nijq'uel yu'un xiwel ta yo'tanic ta stojol. Ya xju' ya smil te mach'a ya sc'an ya smile, soc ma ba ya smil te mach'a ma ba ya sc'an ya smile. Ay yantic la yac' toyuc sc'oplal soc ay yantic la yac' pejc'ajuc sc'oplalic.

San Mateo 2:16

Te Herodese la sna' ta yo'tan te laj ta lo'layel yu'un te p'ijil winiquetique. C'axem to xan ilin yu'un. La yal mandal te ya xba yich' milel spisil te alalqueremetic te che'cheb ja'wil ya'wilalique soc uuc te ma to xloc' cheb ja'wil yu'unic te ayic ta spamal lum Belén soc ta sjoylejal. Ja' la sna' te bi ora chicnaj te ec' te la yalic te p'ijil winiquetique.

San Mateo 5:22

Ja'uc me to, jo'on ya calbeyex: Spisil mach'a ya yilintay te yermanoe, ay me smul ya xc'ot ta stojol te chajbanwanejetique. Spisil mach'a “Bolat”, ya yut te yermanoe, ay me smul ya xc'ot ta stojol te muc'ul tsobleje. Soc spisil mach'a ya slaban te yermanoe, ya me xch'ojot ochel ta yawil c'ajc' ta bay ma xtup' sbajt'el q'uinal.