Daniel 12:2 - Bible in Tzeltal de Oxchuc y Tenejapa

² Ay me bayalic te mach'atic wayemiquix, te ayic ta muquenal, te ya xcha'cuxic jajch'el. Ay me ya xbajt'ic ta cuxinel sbajt'el q'uinal, ay me ya xbajt'ic ta q'uexlal, tey me ya xbajt'ic sbajt'el q'uinal a, tey ta banti mero ilaybil sbae.

Bible in Tzeltal Bachajón

² Tsobol te mach'atic wayalic ta ts'ubil lum ya xhahchic: ay mach'atic ya yich' scuxlejalic scuenta sbahtel q'uinal, te yantic ya xbahtic ta q'uexlal soc ta p'ajel sbahtel q'uinal.

Daniel 12:2 ပူးပေါင်းရင်းမြစ်များ

Proverbios 12:8

Ay ta alel yutsil sc'oplal te mach'a ay sp'ijil sjole; yan te mach'a bol yo'tane, ilaybil stuquel.

Isaías 26:19

Ja'uc me to, te animaetic awu'une ya xcha'cuxic stuquelic; te sbaq'uetalique ya xcha'cuxic. Te mach'atic wayalic ta lumq'uinal, ya xtijotic jajch'el, soc ya me x'awunic yu'un sbujts' yo'tanic. Melel jich ya aticun tel te luz awu'un ta stojolic, te bit'il ts'ujul ya xyal ta ajc'ubale; jich te animaetic ya me xcha'chicnajic loq'uel ta lum.

Isaías 66:24

“Ya xtalic soc ya yilic te lajem sbaq'uetalic te ants-winiquetic te la stoy sbaic ta jtojole. Te yaljaetic te ya xti'otic yu'une, ma xlajic, soc ma xtup' te c'ajc' te bay ya x'ainique. Ilaybil nax ya xc'ot yu'un spisil te ants-winiquetique —xi' te Cajwaltique.

Jeremías 20:11

Yan te ja'at Cajwal, ajoinejon jich bit'il jtul guerra-winic te ma'yuc ta tsalele. Te mach'atic ya snutsonique, ya me xyalic, jich ma'yucon ta tsalel yu'unic. Ma'yuc bi ya xju' yu'un, ja' nax ya xjilic ta q'uexlal; peq'uel ya xjilic ta jyalel, ma xch'ay ta na'el sbajt'el q'uinal.

Ezequiel 37:12

Jich ay, pero c'opona ta jwenta jo'on, jich xawalbey: “Jich ya yal te Cajwaltique: ‘Lum cu'un, ya me jambeyex te amuquenalic c'oeme. Ya me quiq'uex loq'uel tel tey a, ya me caq'uex xan sujt'el ta slum-sq'uinal Israel.

Oseas 13:14

¿Ya bal cac' ta libre yu'un yu'el te muquenale? ¿Ya bal jcoltay loq'uel yu'un a te lajele? ¿Banti ay awu'el, ja'at lajel, te jinwanejate? ¿Banti ayic, muquenal, te bila amen awu'une? Ma ba ya jna'beyix yo'bolil sba te ants-winiquetique —xi' te Cajwaltique.

San Mateo 25:46

“Jich me ya xbajt'ic ta castigo sbajt'el q'uinal. Yan te mach'atic lec yat'elique ya me xbajt'ic ta cuxinel sbajt'el q'uinal stuquelic —xi' te Jesuse.

Hechos 24:15

Pajal ay smuc'ul co'tan soc in winiquetic to, te melel jmaliyej uuc te ya xcha'cux tel te animaetique, chican teme lec yat'elic o teme amen te yat'elique.

Hechos 7:60

La squejan sba. Tulan awun: —Cajwal, ma me xawich' ta wenta in mulil to —xi'. Te c'alal jich la yal te Estebane, way sbaq'uetal.

Romanos 9:21

Melel te mach'a jpac'jome, ja' chican yo'tan te bila ya spas a te yajch'ale. Ya xju' ya spas te bay t'ujbil ya xtuun yu'une, soc ya xju' ya spas te bay ma t'ujbiluc ya xtuun yu'une.

1 Tesalonicenses 4:14

Melel teme jch'uunejtic te laj Jesús soc te cha'cux tele, jich jch'uunejtic te bit'il Dios ya yic' tel soc Jesús spisil te mach'atic xch'uunejic Jesús te way sbaq'uetalique.

Apocalipsis 20:12

Soc la quil spisilic te animaetic te muc' biq'uit tec'ajtic tey a ta stojol te Diose. Te libroetique la yich' jamel, soc ay yan libro te la yich' jamel te ja' te lista yu'un cuxinele. Dios la yalbey yat'elic juju-jtul te animaetique chican te bi yilel te bila spasojique. Ja' chican te bila ts'ibubil ta bay te libroetique.