Daniel 11:2 - Bible in Tzeltal de Oxchuc y Tenejapa

² Yo'tic ya cac'bat ana'bey sba te bila smelelile: “Ya to me x'at'ejic ta muc' ajwalil oxeb winiquetic ta Persia. C'alal ya xlaj yat'elic, ya me yich' yat'el swenta xchanebal muc' ajwalil jtul winic te c'axem jich sc'ulejal a te bit'il oxtul yantique. Te c'alal ya sta yip ta swenta sc'ulejal, ya xchajban sba ta sjajch'el c'op ta stojol te nación Grecia.

Bible in Tzeltal Bachajón

² Yo'tic ya ca'bat ana' te bin smelelil. Ya to xchicnaj oxeb ajwaliletic ta Persia, te schanebal c'ax hich jc'ulej ya xc'oht a te bin ut'il spisil te yantique. Te c'alal ya sta yip ta scuenta sc'ulejal, ya shachbe yo'tan spisilic ta scontrahinel te nación Grecia.

Daniel 11:2 ပူးပေါင်းရင်းမြစ်များ

Esdras 4:24

Jich quejch'aj ta cha'pasel xan te templo yu'un Dios ta Jerusalén, ja' to ta xchebal ja'wil yat'el ta muc' ajwalil Darío ta Persia.

Esdras 4:7

Ta yorail te Artajerjes, muc' ajwalil ta Persia, te Bislam, Mitrídates, Tabeel soc te yantic sjo'taque la sticunbey jun te Artajerjes. Te carta yich'oj ts'ibuyel ta arameo-c'op, soc yich'oj c'asesel ta sc'opic.

Ester 1:1

Ja' te c'op in to, ja' c'ot ta pasel te c'alal ay ta muc' ajwalil a te Asuero, ja' te la swentain juqueb sjucwinic (127) ta jpam q'uinal te jajch' ta India c'alal ta Etiopía.

Proverbios 22:21

swenta yu'un jich ya awich' aq'uel anop a te bila smelelile, soc swenta yu'un jich mero toj ya acholbey yaiy a te mach'a ya sjojc'obate.

Daniel 10:1

Ta yoxebal ja'wil yat'el ta muc' ajwalil yu'un Persia te Ciroe, te Daniel, te Beltsasar yan sbiile, ay bila ac'bot yil ta mero melel, pero chujc'ul ta na'beyel swentail. Te Daniel la yac' yo'tan ta sna'el, jich ju' yu'un sna'beyel swentail te bila ac'bot yile.

Daniel 11:25

“Ta scaj te ay bila ya xju' yu'un ya yile, soc te ma sna' xiwele, ya me yac'bey guerra te muc' ajwalil ta sur, yu'un ja' smuc'ul yo'tan te bayal soldadoetic yu'une. Te muc' ajwalil ta sur ya me scoltay sba ta spisil yo'tan, ya me x'och ta guerra soc tsobol soldadoetic, soc bayal me yip ya yaq'uic guerra. Pero ay me ja' nix ya sujt'es sba ta stojol te sjoye, jich ma ba ya xju' yu'un te guerra ya x'ac'bot yu'un te scontro-soldadoetique.

Daniel 7:5

“Te xchebale pajal yilel soc oso, ts'eel yac ta beel ta jun yacan soc ta jun sc'ab. Te muc'ul chambalam scats'oj ta ye oxch'ix sbaquel moch yilel. La caiy jich albot: ‘Baan, ti'a te baq'uet te bay c'alal ya xju' awu'un sti'ele’, xi' sc'oplal.

Daniel 8:21

Te tentsun, ja' me sc'oplal te muc' ajwalil ta Grecia, te smuc'ul xulub ay ta yolil site, ja' te sbabial muc' ajwalile.

Daniel 8:26

“Te bila la awil la awaiye, te smalel c'aal soc sloq'uel tel c'aale, la awich' ac'beyel ana'bey sc'oplal, soc mero melel me. Pero muca me ta awo'tan. Ya me xc'ot ta pasel te c'alal c'axix bayal c'aal a —xi'.

Daniel 8:4

La quil te chije, la sluch ta xulub ta stojol smalib c'aal, ta norte soc ta sur. Ma'yuc ni jcojt'uc yan chambalam ya xju' ya yac' sba ta stojol, soc te ya xju' ya xcol ta yip te xulube; ja' nax chican yo'tan bila la smulan spasel, soc mero muc' ya yac' sba stuquel.

Amós 3:7

Ma'yuc bila ya spas Cajwaltic teme ma neeluc ya yac'bey sna'ic te j'alwanejetic yu'une.

San Juan 10:35

Jich yu'un Dios la yal te ja' diosetic te mach'atic ac'bot ta swentaic te sc'op Diose. Jpisiltic jna'ojtic stojol te ma xju' ta ch'ayel te bi ya yal te Sjun Diose.

Apocalipsis 21:5

Soc jich la yal te mach'a nacal ta muc'ul nactijibale: “Ila me awilic, ya jpasix ta yach'il spisil te bitic aye”, xi' la caiy. Soc jich la yalbon: —Ts'ibuya ta jun te bila la cale. Ja' in to, ja' te smelelil c'op te ya xju' ya xch'uun awo'tane —la yuton.