Daniel 10:7 - Bible in Tzeltal de Oxchuc y Tenejapa

⁷ Jo'on nax jtuquel la quil te bila ay ta ilel yaiyele. Te yantic winiquetic joineje, ma'yuc bila la yilic stuquelic. Melel mero u'uninotic yu'un te xiwele, jich animal ba snac' sbaic stuquelic.

Bible in Tzeltal Bachajón

⁷ Ho'on nax jtuquel la jquil te nahalsitil. Te yantic winiquetic te sjoquinejonic ma ba la yilic, ha u'untayotic yu'un bayel xiwel, hich ahnimal baht snac' sbahic.

Daniel 10:7 ပူးပေါင်းရင်းမြစ်များ

Génesis 3:10

La sjac' te winique: —La caiy stojol yacat ta beel ta yolil awalts'unubil. Xiwon, yu'un t'analon, jich la jnac' jba —la yut.

Isaías 2:10

Te ants-winiquetic ya me x'ochic ta nailch'en, ta yet'al lumq'uinal; ya me snac' sbaic ta stojol te Cajwaltique, te xiweltic nax sba ta scaj xojobil te yipe.

Jeremías 23:24

¿Mach'a ya xju' ya snac' sba ta jsit? Melel te jo'one ayon ta ch'ulchan soc ta balumilal. Jo'on Ajwalilon, jich ya cal.

Ezequiel 12:18

—Ja'at winic, nijc'an yu'un xiwel te c'alal ya xwe'ate. Jich xapas aba ta ilel te bit'il ayat ta wocol a te c'alal ya xwe'ate.

Hechos 22:9

Te mach'atic sjoinejon ta beele, la yilic te xojobal q'uinale, soc xiwic yu'un. Ja'uc me to, ma la yaiybeyic stojol sc'op te mach'a la sc'oponone.

Hechos 9:7

Te winiquetic te sjoinej ta beele, xiwic yu'un, melel la yaiyic stojol te mach'a c'opoje, ja'uc me to, ma'yuc mach'a la yilic.

Hebreos 12:21

Xiweltic sba te bila chicnaj la yilique, melel jich la yal yu'un te Moisese: “Ya xiwon soc ya xnijc' co'tan yu'un”, te xie.