Daniel 10:2 - Bible in Tzeltal de Oxchuc y Tenejapa

² Te c'alal jich c'ot ta pasele, jo'on Danielon oxeb semana yacon ta mel-o'tan yu'un.

Bible in Tzeltal Bachajón

² Ta hich ora, ho'on, Daniel, oxeb semana yacon ta mel-o'tan.

Daniel 10:2 ပူးပေါင်းရင်းမြစ်များ

Nehemías 1:4

C'alal la caiy te c'opetic in to, la jnajc'an jba, ochon ta oq'uel yu'un. Che'oxeb c'aal la jmel co'tan yu'un. La jcom jwe'el soc la jc'opon te Dios ta ch'ulchane.

Salmos 42:9

Ya calbey te Diose, ja' te jcoltaywanej cu'une: “¿Bi yu'un ach'ayojon ta awo'tan? ¿Bi yu'un yacon ta mel-o'tan, soc bi swentail te ay jwocol ta sc'ab te jcontroe?” xoon.

Salmos 43:2

Melel ja'at Diosat cu'un, ya me jta jcanantayel awu'un. ¿Bi yu'un aloq'uesejon ta atojol? ¿Bi yu'un te yacon ta mel-o'tan, soc te c'ux obol jba ta sc'ab te jcontrotaque?

Isaías 66:10

Binuc nax me awo'tanic soc Jerusalén, nojuc me yutsil awo'tanic yu'un, ta apisilic ja'ex te c'ux ya awaiyique; jun nax me ya awac' abaic yu'un te yutsil awo'tanic ta apisilic, ja'ex te ay oq'uemex yu'une.

Jeremías 9:1

Te ja'uc sloq'uibja' te jsite, te jichuque, tulan ya x'oquin te ya'lel jsit, ta swenta yoc'tayel c'aal ajc'ubal te animaetic yu'un te jlumale.

Daniel 10:12

Jich la yalbon: —Ma xiwat, Daniel, melel ta sbabial c'aal te c'alal jajch'at ta sna'el te awo'tanuc ya ana'bey swentail te bitic chujc'ulic ta na'ele, soc la anop ta awo'tan te ya apejc'an aba ta stojol te Dios awu'une, jich la yaiybat te ac'ope. Ja' yu'un talon jo'on.

San Mateo 9:15

La yal te Jesuse: —¿Ya bal xju' ya smel yo'tan te mach'atic ic'bilic ta il-nujbinel teme sjoinej to sbaic soc a te winic ya xnujbine? Ja'uc me to, ya me sta yorail te ya x'ic'ot loq'uel ta yolilic te winic te nujbinixe. Ja' to me ya xjajch' spasic ayuno abi.

Romanos 9:2

Bayal ayon ta mel-o'tan soc spisil ora toyol xc'uxul ya caiy ta co'tan.

Santiago 4:9

Mela awo'tanic soc oq'uetaya abaic. Te atse'ejique ac'a c'atp'ujuc ta oq'uel; te sbujts' awo'tanique ac'a c'atp'ujuc ta mel-o'tan.

Apocalipsis 11:5

Teme ay mach'atic ya sc'an ya x'uts'inotic yu'un te cheb testigoetique, ya xloc' c'ajc' ta yeic te jc'axel ya xlaj ta ora yu'un te yajcontroique. Jich yu'un puersa me ya xlaj teme ay mach'a ya sc'an ya yuts'ine.