Daniel 10:1 - Bible in Tzeltal de Oxchuc y Tenejapa

¹ Ta yoxebal ja'wil yat'el ta muc' ajwalil yu'un Persia te Ciroe, te Daniel, te Beltsasar yan sbiile, ay bila ac'bot yil ta mero melel, pero chujc'ul ta na'beyel swentail. Te Daniel la yac' yo'tan ta sna'el, jich ju' yu'un sna'beyel swentail te bila ac'bot yile.

Bible in Tzeltal Bachajón

¹ Ta yoxebal ha'bil yochel ta ajwalil yu'un Persia a te Ciro, ay bin a'bot sna' te Daniel, te Beltsasar yan sbihile. Melel te bin la yal soc ha sc'oblal muc'ul guerra, pero te Daniel la sna'be scuentahil te c'op soc la sna' bin la yal te nahalsitile.

Daniel 10:1 ပူးပေါင်းရင်းမြစ်များ

Génesis 41:32

Te bit'il cheb buelta waichejat, ja' swentail te bit'il puersa jich ya xc'ot ta pasel yu'un te Diose, soc nopol ya xc'otix ta pasel.

2 Crónicas 36:22

Ta sbabial ja'wil yat'el ta ajwalil Ciro te muc' ajwalil yu'un Persia, swenta yu'un ya xc'ot sc'op te Cajwaltic te la yal te Jeremías, te Cajwaltic la sjachbey yo'tan te Ciro te ya spuc bael ta spamal te smaquen q'uinal ta junetic in mandalil to:

Esdras 3:7

Jajch' yac'beyic taq'uin te albañiletic, soc te carpinteroetic. Soc te winiquetic ta Tiro soc ta Sidón la yac'beyic swe'el yuch'elic soc aceite, swenta yu'un ya me yich'ic jajch'el cedroetic ta Líbano, ya me yich'ic bael ta mar c'alal ta Jope, jich te bit'il ac'botic permiso yu'un Ciro te muc' ajwalil ta Persia.

Esdras 4:3

Pero te Zorobabel, te Josué soc te yantic jwentainwanejetic yu'un juju-jchajp na yu'un israeletic, jich la yalbeyic: —Ma xju' teme ya jointiquex ta xcha'pasel te templo yu'un te Diose. Ta jtuqueltic ya jcha'pastic te templo yu'un Cajwaltic, te Dios yu'un Israel, melel jich la spasotic ta mandal te Ciro te muc' ajwalil yu'un Persia —la yutic.

Esdras 4:5

Soc ay la yac'beyic majt'anil te sjo'tac ta at'el te ajwalile swenta smacjibal yat'el te judioetique. Jich ma ba ju' yu'unic spasel te judioetic te bila chapal yu'unic te jayeb c'aal te ay ta muc' ajwalil ta Persia te Ciro, asta ja' to te c'alal ay ta muc' ajwalil ta Persia te Darío.

Esdras 6:14

Jich te jwentainwanej-judioetique, ju' yu'unic te la spasic xan bael te at'el swenta xcha'pasele, jich te bit'il albotic yu'un te j'alwanejetic yu'un te Diose, ja'ic te Hageo soc te Zacarías snich'an Ido. Te xcha'pasel te templo, ju' ta pasel, ja' la yich' t'unel te mandal la yal te Dios yu'un Israel, soc nix te bila mandalil la yal te Ciro, te Darío soc te Artajerjes, te muc' ajwaliletic yu'un Persia.

Esdras 6:3

“Ta sbabial ja'wil yat'el ta muc' ajwalil a te Ciro, jich la yal ta pasaw ta mandal: Te sc'oplal te templo yu'un Dios ta Jerusalén: Ac'a yich' aq'uel te xjajch'ibal yiptajibe, soc ac'a yich' xan cha'pasel te nae, swenta yu'un ya me yich' aq'uel milbil smajt'an Dios tey a. Ya me yich' aq'uel juqueb xcha'winic (27) metro stoyolil soc juqueb xcha'winic (27) metro sjamalul,

Isaías 44:28

Jo'on ya calbey te Ciro: “Ja'at me jcanan-chijat cu'un ya xc'ot; ya me apas spisil te bila ya sc'an co'tane”, ya me cut. Soc ya calbey te Jerusalén: “Te ja'ate ya me awich' xan pasel”, ya me cut; soc te ja'at templo: “Ya me yich' aq'uel te awiptajibe”, ya me cut —xi' te Cajwaltique.

Daniel 1:17

Ta xchanebalic te queremetique, Dios ac'bot sp'ijil yo'tanic yu'un, soc ac'bot sna'ic ta lec te bit'il ay sc'oplal spisil ta jchajp libroetic soc spisil p'ijililetic. Te Daniel ya sna' yalbeyel sc'oplal spisil ta jchajp waichiletic soc te bitic ya x'ac'bot yil ya yaiye.

Daniel 1:21

Tey jil a te Daniel asta ja' to c'alal ta sbabial ja'wil yat'el ta muc' ajwalil te Ciro.

Daniel 1:7

Te queremetic jeltaybot sbiilic yu'un te jwentainwanej yu'un j'at'eletic ta palacio yu'un ajwalil: te Daniel, Beltsasar sbiil c'ot; te Ananías, Sadrac sbiil c'ot; te Misael, Mesac sbiil c'ot; te Azarías, Abed-nego sbiil c'ot.

Daniel 10:14

Ja' yu'un tal cac'bat ana'bey swentail te bila ya xc'ot ta pasel ta stojol ta patil te alumale, melel te bila la awil la awaiye, ja' ya yac' ta na'el te bila ya xc'ot ta pasele”, xi' te Gabriele.

Daniel 11:2

Yo'tic ya cac'bat ana'bey sba te bila smelelile: “Ya to me x'at'ejic ta muc' ajwalil oxeb winiquetic ta Persia. C'alal ya xlaj yat'elic, ya me yich' yat'el swenta xchanebal muc' ajwalil jtul winic te c'axem jich sc'ulejal a te bit'il oxtul yantique. Te c'alal ya sta yip ta swenta sc'ulejal, ya xchajban sba ta sjajch'el c'op ta stojol te nación Grecia.

Daniel 12:4

“Pero te ja'ate, Daniel, muca me ta awo'tan spisil te bitic la awile; maca, ac'beya selloil te libro, ja' to teme c'ot yorail te slajibale. Ay bayal ants-winiquetic ya xtalic ya xbajt'ic ta bayuc, yacalic me ta sleel te bitic yacuc sna'bey swentaile”, xi' te Gabriele.

Daniel 12:9

La sjac', jich la yal: “Jun awo'tan xbeenat, Daniel, melel spisil in to, muquen me ya x'ain ja' to teme la sta yorail te slajibale.

Daniel 2:21

Ja' ya sjelbey sc'aalelal, soc yajtalul. Ya xju' yu'un ya sloq'ues ajwaliletic, soc ya yac' ochel ajwaliletic. Ya xju' ya yac'bey sp'ijil yo'tan te mach'a ay sp'ijile; ya xju' ya yac'bey snopjibal yu'un te mach'a ay bila sna'oje.

Daniel 4:8

Ta slajibal jul tel ta jtojol uuc te Daniel, te Beltsasar yan sbiil ta swenta yich'el ta muc' te dios cu'une. Te Daniele wentainbil xcuxlejal yu'un te espíritu yu'un te ch'ul Diose. La jcholbey yaiy te jwaiche, jich la calbey:

Daniel 5:12

Melel te Daniel, ja' te Beltsasar yan sbiil la yac'bey te anima muc' ajwalile, ya xju' yu'un sna'beyel swentail ta lec te waichile, soc ya xju' yu'un yalbeyel sc'oplal te bila wocol ta na'ele. Ya xju' yu'un stojtesel spisil chujc'ul c'opetic, melel ay bayal sp'ijil yo'tan soc snopjibal yu'un stuquel. Ticuna ta iq'uel te Daniel, muc' ajwalil, ja' me ya yac'bat ana'bey swentail te bila ts'ibubil ta pajq'ue —xi'.

Daniel 5:17

Jich la yal te Daniel: —Te majt'aniletic ya awale, ich'a jilel muc' ajwalil, ac'beya ta swenta yan. Pero ya calbat te bila ya yal te c'opetic ts'ibubil ta pajq'ue.

Daniel 6:28

Te Daniel stalel jil te bit'il ja' toyol yat'el te banti yac ta mandalteswanej te Darío, soc te c'alal jajch' ta mandalteswanej te Ciro, te ja' muc' ajwalil ta Persia.

Daniel 8:16

Ay la caiy c'op yac ta talel ta stojol muc'ja' Ulai, jich yac yalel: —Gabriel, albeya yaiy sc'oplal te bila chicnaj ta ilel ta aiyel te winic in to —xi'.

Daniel 8:26

“Te bila la awil la awaiye, te smalel c'aal soc sloq'uel tel c'aale, la awich' ac'beyel ana'bey sc'oplal, soc mero melel me. Pero muca me ta awo'tan. Ya me xc'ot ta pasel te c'alal c'axix bayal c'aal a —xi'.

San Lucas 1:20

Te bit'il ma la ach'uun te bila la calbate, jich yu'un ya me xc'atp'ujat ta uma'. Ma xju' xc'opojat ja' to te c'alal ya sta yorail ya xc'ot ta pasel te bila la calixe —xi' te ch'ul abate.

Apocalipsis 19:9

Soc la yalbon te ch'ul abate: —Ts'ibuya ta jun in to: Bin nax me yutsilic te mach'atic ic'bilic ta we'el yu'un te q'uin swenta nujbinel yu'un te Alalchije —la yuton. Soc jich la yalbon xan: —Ja' in to, ja' smelelil sc'op te Diose —xi'.