Daniel 1:3 - Bible in Tzeltal de Oxchuc y Tenejapa

³ Soc xan, la spas ta mandal te yabate, te Aspenaz sbiile, te ja' jwentainwanej yu'un te j'at'eletic ta spalacio, jich la yalbey: —Ta yolil te israeletic ya me ale te sts'umbal ajwalil soc te sts'umbal te mach'a lec sc'oplale,

Bible in Tzeltal Bachajón

³ Te ajwalil la spas ta mandar te Aspenaz, te jtsobaw yu'un te eunucohetic yu'un, te yacuc yic' tal cha'oxtuhl israeletic te ha sts'umbal ajwalil soc príncipaletic,

Daniel 1:3 ပူးပေါင်းရင်းမြစ်များ

2 Reyes 24:15

Te Nabucodonosor la yic' bael ta chuquel uuc te Joaquín, soc te sme', te antsetic yu'un, te abatetic yu'un, soc te mach'atic ich'bilic ta muc' tey ta nacione. La yic' jajch'el ta chuquel ta Jerusalén, bajt' ta Babilonia.

Isaías 39:6

“Ya me sta sc'aalelal te spisil te bitic ay awu'un ta apalacio, soc spisil te bitic la stsob te antiguo ame'-atat, ja' to c'alal ora yo'tic, ya x'ich'ot bael ta Babilonia. Ma me ayuc bi ya xjil.

Isaías 39:7

Ay me ats'umbal ya x'ic'otic bael ta Babilonia, ya me spas ta capón, ya me x'ac'otic ta mosoil ta spalacio te muc' ajwalile”, xi' me te Cajwaltique —xi' te Isaiase.

Jeremías 41:1

Te Ismael snich'an Netanías, smam Elisamá, te sts'umbalinej sba soc te ajwalile, ta sjuquebal u a bajt' ta Mizpa ta yula'tayel Gedalías, joinbil bael yu'un lajuntul winiquetic. C'alal jun yacalic ta we'el a ta Mizpa,

Deuteronomio 28:41

Ay me aquerem-nich'nab soc awantsil-nich'nab, pero ma ba ya ajoin, melel ya me x'ic'otic bael ta chuquel ta yantic lumq'uinaletic.