Cantares 7:5 - Bible in Tzeltal de Oxchuc y Tenejapa

⁵ Te ajol te ay ta sba te abaq'uetale, pajal yilel soc wits Carmelo; púrpura hilera yilel te stsotsil ajole; jtul muc' ajwalil chucul c'oem ta sjalbenal.

Bible in Tzeltal Bachajón

⁵ Te ajol, ha scoronahinejat hich te bin ut'il wits Carmelo; chi'in-yaxal hilera yilel te stsotsel ajol; te ajwalil chucul c'ohem yu'un stehnil ajol.

Cantares 7:5 ပူးပေါင်းရင်းမြစ်များ

Génesis 32:26

Jich la yal te winique: —Coltayawon bael, yu'un yaquix ta sacubel tel te q'uinale —xi'. Ja'uc me to, la yal te Jacob: —Ma jcoltayat bael ja' to teme ya awac'bon bendición —la yut.

Salmos 68:24

Ja'at Dios, Diosat cu'un, Muc' Ajwalilat cu'un, ta ch'ul awilal awu'un ya xchicnaj ta ilel te mach'atic xchapoj sbaic ta beel yu'un awich'el ta muq'ue.

Salmos 87:2

Te Cajwaltic c'ux ta yo'tan te ti'nailetic yu'un Sión; c'axem jich c'ux ta yo'tan a te bit'il spisil nanatic yu'un Jacob.

Proverbios 5:19

jich bit'il ch'in antsil chij te buen jc'uxtaywaneje. Spisiluc me ora ya yutsinat, spisiluc me ora ya spotsat ta xc'uxul yo'tan.

Cantares 1:17

Cedroetic te sts'amte'al te jnatique, te c'antajetic ja' smujq'uil, ja' te smujq'uil te ya yaxintesotique.

Cantares 4:1

Mero buen t'ujbilat, ja'at te bayal ya jmulanate. Mero buen t'ujbilat ya quil. Te asite, pajal soc cheb stsumutetic te ja' nac'bil yu'un te areboso; te stsotsil ajole, pajal soc ch'in tentsunetic te ya xtajinic ta animal ta witstiquil Galaad.

Cantares 4:4

Te anuc', pajal soc balal ts'ajc' yu'un David te yich'oj pasel yu'un yawil at'ejibal yu'un guerra; jmil majq'uilaletic ya yich' jojc'anel a, smajq'uil soldadoetic te ma xiwic ta guerra.

Cantares 5:11

Puro oro yilel te sjole; morots'tic te stsotsil sjole, soc buen ijc' jichuc yijc'al joj.

Isaías 35:2

Ac'a me yac' bayal snich, jich bit'il t'ujbil nichimetic ta aquiltic; ac'a me nojuc smuc'ul yo'tan soc sbujts' yo'tan. Dios ya spasbey bayal yutsil, jich bit'il Líbano; buen utstesbil me, jich bit'il te Carmelo soc jich bit'il te spamlej Sarón. Spisilic ya me yilbeyic yutsilal xojobil te Cajwaltique, te smuc'ul yat'el te Dios cu'untique.

Miqueas 7:14

Cajwal, canantaya te lum awu'une, ja' te chijetic te awu'unineje, te pijt'em stuquelic ta ja'maltique, te joytaybilic yu'un te buen lequil q'uinale. Jich me x'awic'tilay bael ta aquiltic ta Basán soc ta Galaad, jich te bit'il la apas ta nameye.

Números 21:26

Te Hesbón ja' te lum bay nainem Sehón te muc' ajwalil yu'un te amorreoetique. Te Sehón ay la yac'beyix guerra te yan muc' ajwalil yu'un Moab, la spojbey tel spisil te sq'uinal ja' to ta muc'ja' Arnón.

San Mateo 18:20

Melel te banti stsoboj sbaic cha'oxtul ta swenta te jbiile, tey ayon a ta bay yolilic —xi' te Jesuse.

San Mateo 28:20

P'ijubtesaic te ya yat'elinic spasel spisil te jmandal calojbeyexe. Ma me xch'ay ta awo'tanic te joinejex spisil ora ja' to c'alal ta slajibal te balumilale —xi' te Jesuse. Jichuc.

Efesios 1:22

La yac'bey scajtijibin yacan Cristo spisil te bitic aye. Soc nix te Cristo ja' jolol c'ot yu'un spisil te jch'uunjeletique.

Colosenses 1:18

Te Cristoe ja' jolol yu'un te jch'uunjeletique te ja' sbaq'uetal c'oeme. Ja' xjajch'ibal ay stuquel. Ja' sbabial te cha'cux tel ta bay te animaetique, swenta yu'un jich me c'ax jich ich'bil ta muc' ya xc'ot yu'un spisil te bitic aye.

Colosenses 2:19

Ma junuc ay soc te Cristoe, te ja' jolol cu'untique. Ja' ya yac' te ya xmuc'ub spisil te sbaq'uetale, ta swenta bit'il jun ayotic ta mac'linel yu'un soc te jun nax ya yac' te ya snit sbaic te juju-jchajbe, jich te bit'il chapal yu'un stuquel te Diose.

Apocalipsis 1:14

Te sjole soc te stsotsil sjole mero sac jich bit'il buen sac te stsotsil chije soc jich bit'il buen sac te bate. In te site jich yac ta tilel te bit'il yat c'ajc'.