Cantares 7:4 - Bible in Tzeltal de Oxchuc y Tenejapa

⁴ Te anuc', pajal soc balal ts'ajc' ch'albil ta marfil. Te asite, pajal soc cheb estanque yu'un ja' te ay ta lum Hesbón, te ay ta sts'eel yochibal Bat-rabim. Te ani', pajal soc balal ts'ajc' yu'un Líbano te jich ay bael ta stojol lum Damasco.

Bible in Tzeltal Bachajón

⁴ Te anuc' pajal soc bahlal ts'ahc pasbil ta marfil; te asit pajal soc te estanquehetic yu'un ha' ta Hesbón ta nopol te yochibal Bat-rabim; te ani' pajal soc bahlal ts'ahc yu'un Líbano te yiloj sba soc Damasco.

Cantares 7:4 ပူးပေါင်းရင်းမြစ်များ

Génesis 15:2

Te Abram la yal: —Cajwal Dios, ¿banti ya xtuun cu'un te jmajt'an ya awac'bon te bit'il ana'oj te ma'yuc jnich'ane? Melel ma'yuc awac'ojbon jtuluc jnich'an, jich yu'un ja' ya yich'bon jilel jna jbiluc te mayordomo te Eliezer te damasco-winique —xi'.

2 Samuel 8:6

Ora la yac' soldadoetic ta scanantayel te jich yipal sq'uinal Siria te wentainbil yu'un Damasco. Te siriaetic u'uninot yu'un David, jil ta swentaic stojel spatanic ta stojol. Ta bayuc ya xbajt' te David, puersa ya x'ac'ot ta tsalaw yu'un te Cajwaltique.

1 Reyes 10:18

La yac' ta pasel jun muc'ul nactijibal spisil ch'albil ta marfil soc la yal mandal te ya yich' ch'alel ta oro.

1 Reyes 10:22

scaj te barcoetic yu'un Tarsis te yich'oj te muc' ajwalil. Ya xc'otic jujun buelta ta ox'oxeb ja'wil, ja' nix jun ya xc'ot soc te barcoetic yu'un Hiram. Ya yich'ic tel oro, plata, marfil, maxetic soc pavoreal-mutetic.

1 Reyes 22:39

Te jayeb xan sc'oplal te Acab soc spisil te bitic la spase, soc te sna ch'albil ta marfil, soc te lumetic la sjache, ts'ibubil ta libro yu'un yat'el muc' ajwaliletic ta Israel.

1 Reyes 7:2

Soc la spas te na Bosque-yu'un-Líbano sbiil, ay jo'eb yoxwinic (45) metro snajt'il, cheb xcha'winic (22) metro soc lajuneb yoxwinic (50) centímetro sjamalul, oxlajuneb metro soc lajuneb yoxwinic (50) centímetro stoyolil. Yich'oj yip ta swenta chanchol chajbanbil oyetic yu'un cedro. Cajajtic ta sba ts'amte'etic yu'un cedro.

1 Reyes 9:19

Soc la spas xan spisil te yantic lumetic te banti la stsob te we'elile. Jich nix te yawil te carretaetic yu'un guerra, soc te stsobojibal caballoetic, soc spisil bitic la smulan spasel ta Jerusalén soc ta Líbano, soc ta spisil te q'uinaletic ay ta swenta.

2 Crónicas 8:6

Soc la spas xan te lum Baalat soc te yantic lumetique, ja' ta bay la yac'bey sq'uejibal we'eliletic, soc spisil la spas te lumetic yu'un carretaetic swenta guerra, soc te lumetic yu'un soldadoetic ya xmoic ta caballo, soc spisil te bitic la sc'an yo'tan la spas ta Jerusalén, soc ta sq'uinal Líbano, soc ta spamal te q'uinal ay ta swentae.

Salmos 144:12

Te jquerem-nich'nabtic jichic ya xmuc'ubic te bit'il ya xmuc'ub te ts'unbil nichimetic te banti pasbil slumile; te cantsil-nich'nabtic jichic te bit'il walubil ton oyetic te scuchojbey yalal te templo.

Salmos 45:8

Spisil te ac'u'-apaq'ue yich'oj perfume, mirra, áloe soc canela; soc instrumentoetic yu'un música te ay scuerdail ya yac'bat sbujts' awo'tan ta palacioetic te ch'albil ta marfil.

Cantares 1:10

Buen t'ujbil te asit-awelawe, buen t'ujbil te xch'alil te achiquine. Buen t'ujbil te anuc', buen t'ujbil c'oem soc te ualil-perlaetique.

Cantares 4:1

Mero buen t'ujbilat, ja'at te bayal ya jmulanate. Mero buen t'ujbilat ya quil. Te asite, pajal soc cheb stsumutetic te ja' nac'bil yu'un te areboso; te stsotsil ajole, pajal soc ch'in tentsunetic te ya xtajinic ta animal ta witstiquil Galaad.

Cantares 4:4

Te anuc', pajal soc balal ts'ajc' yu'un David te yich'oj pasel yu'un yawil at'ejibal yu'un guerra; jmil majq'uilaletic ya yich' jojc'anel a, smajq'uil soldadoetic te ma xiwic ta guerra.

Cantares 4:5

Te achu', pajal soc cheb ja'mal chijetic, cheb chijetic c'oemic te yacalic ta we'el ta yolil rosa-nichimetique.

Cantares 6:5

Ma x'awilonix yan buelta, melel la yu'uninbonix co'tan ya caiy te asite. Te stsotsil ajole, pajal soc ch'in tentsunetic te ya xtajinic ta animal ta witstiquil Galaad.

Isaías 54:4

Ma me xiwat, ma me xjilat ta q'uexlal; ma ba ya yixtac'optayex, ma me ayuc bi ya xq'uexawat yu'un. Ya me xch'ay ta awo'tan te bit'il q'uexawat te c'alal ach'ixat to a, soc ma me x'ana' xan te la awich' ilayel yu'un te me'ba antsate,

Hebreos 5:14

Yan te tulan we'elile, ja' ya stuuntesic te mach'atic muc'ul ants-winique. Melel te mach'atic jich c'oemique, p'ijubeniquix ta sna'el te bila leque soc te bila ma lecuque.