Cantares 7:1 - Bible in Tzeltal de Oxchuc y Tenejapa

¹ Mero buen t'ujbil awacan soc te atep, yantsil-nich'an ajwalil. Soc te seplejal te acube, pajal soc ch'alil oro te buen t'ujbil te pasbil ta sc'ab mach'a ay sp'ijil.

Bible in Tzeltal Bachajón

¹ ¡C'ax t'ujbil awoc ta atep, yantsil-nich'anat príncipe! Te seplejal acub pajal soc ch'albil oro, ha ya'tel te mach'a ya sna' spasel.

Cantares 7:1 ပူးပေါင်းရင်းမြစ်များ

Génesis 32:3

Te Jacob la sneeltes bael abatetic yu'un ta bay sq'uinal Seir sbiil, te Edom yan sbiile, swenta yu'un ya xba yutsil-c'oponbeyic te sbanquile, ja' te Esaú.

Salmos 45:13

Yac meix ta ochel te yantsil-nich'an ajwalile, buen xch'aloj me sba. Te sc'u'e capal ta jalel soc oro.

Éxodo 28:15

“Te bolsa ay ta stan te muc' sacerdote, ta bay ochem te bitic ya xtuun ta na'el a te sc'anjel yo'tan te Diose, jich nix me xapas te bit'il efod, ja' te bit'il buen ya yich' ch'alel ta ts'isele. Ya me yich' pasel ta hilera pasbil ta oro, ta stsotsil chij bonbil ta morada, púrpura soc tsaj, soc ta ts'otbil lino.

Éxodo 28:42

Pasbeya scomol wexic ta lino, ja' me smajq'uil sbaq'uetalic ya xc'ot.

Éxodo 35:35

Nojesbil ta yo'tanic sna'el spasel biluc at'elil ta swaluyel; soc ta snopel; soc te ya xch'al ta ts'isel soc naubil stsotsil chij te bonbil ta morada, púrpura soc tsaj, soc ta t'ujbil lino; soc ya sna' sjalel biluc paq'uil te yich'oj te bila t'ujbil ta ilel soque.

Cantares 7:2

Te amuxuc', pajal soc jun sepel vaso te banti spisil ora ay vino tey a. Te ach'ujt', pajal soc jbus trigo te joytaybil ta rosa-nichime.

Daniel 2:32

Te sjol te loc'omba, puro oro yich'oj pasel a. Te stan soc te sc'abe, pasbil ta plata. Te xch'ujt' soc te ya'e, pasbil ta bronce.

San Lucas 15:22

“Ja'uc me to, te state la yalbey mandal ta ora te abatetic yu'une: “Ich'bonic tel ta ora te lequil c'u'ule. Ac'bonic slap a. Ac'bonic xch'ocow ta sc'ab, soc ac'bonic xanab slap.

2 Corintios 6:18

Jo'on me Atatonic ya xc'oon, te ja'exe cal-jnich'nab ya xc'oex, xi' te Cajwaltic te Spisil ya xju' yu'une”, te xie.

Efesios 6:15

Lapaic me te axanabique, ja' te chapalex yu'un xcholel te lec yach'il c'op te ya xlamaj q'uinal yu'une.

Filipenses 1:27

Ja' bayal sc'oplal te toj ya x'ainex ta q'uinal, jich bit'il te ya yac'botic jnoptic te lec yach'il c'op yu'un te Cristoe. Chican ts'iin teme ya xtal quilexe, o teme q'uejel ayone, ja'uc me to, jich me ya caiy stojol te bit'il jc'axel jun awo'tan abaic soc jun awo'tan awac'ojic puersa ta xch'uunel te lec yach'il c'ope.

Colosenses 2:19

Ma junuc ay soc te Cristoe, te ja' jolol cu'untique. Ja' ya yac' te ya xmuc'ub spisil te sbaq'uetale, ta swenta bit'il jun ayotic ta mac'linel yu'un soc te jun nax ya yac' te ya snit sbaic te juju-jchajbe, jich te bit'il chapal yu'un stuquel te Diose.