Cantares 5:4 - Bible in Tzeltal de Oxchuc y Tenejapa

⁴ Te mach'a bayal ya jmulane, la yac' ochel sc'ab ta banti jutul te ti'nail yu'un sjamjibale. Ja' la stabon c'oel co'tan.

Bible in Tzeltal Bachajón

⁴ Te mach'a c'ux ta co'tan la yotses sc'ab ta ban jamal te puerta, la snihc sba co'tan yu'un.

Cantares 5:4 ပူးပေါင်းရင်းမြစ်များ

Génesis 43:30

C'alal laj yo'tan ta yalel, bayal la smel yo'tan te José te bit'il la yilbeyix sit te yijts'ine. Ma cujch' yu'un te mel-o'tane, jich yu'un loc' bael ta yolilic ta ora. Och bael ta yan tsal sna, ba yoq'uetay sba.

Génesis 7:11

C'alal ay olil xcha'bajc' (600) ya'wilal te Noé, ta sjuclajunebal sc'aalelal te xchebal u, jich ora t'om loq'uel tel ja'etic ta mar, soc jich ora mal coel tel ja'al ta ch'ulchan.

1 Reyes 3:26

Pero te sme' te alalquerem cuxule, bayal la smel yo'tan yu'un te yale. La yalbey wocol te muc' ajwalile: —Wocoluc, muc' ajwalil cu'un. ¡Ma xamil te alal cuxule! Ja' lec ac'beya bael jiche te antse —xi'. Pero te yan ants jich la yal stuquel: —Ja' lec ni ja'ucat ya awic', ni jo'ucon. Ac'a yich' xot'el —xi' stuquel.

Salmos 110:3

Te lum awu'un bin nax yo'tan ya yac' sba ta ac'ab te bi c'aalil ya awaiy tsalawe. Ta sba te ch'ul witstiquil, jich bit'il ts'ujul ya xchicnaj te yac ta sacubel tel te q'uinale, jich me c'oem a te aqueremil te yanyan ta ach'ubel jujun c'aale.

Cantares 1:4

Ic'awon bael ta ora, ic'awon bael ta ana. Muc' ajwalil, ic'awon bael ta banti nainemat. Bin nax me co'tantic ya x'ainotic ta atojol; ya me jna'tic spisil ora te bujts'iyel awu'une, c'ax me jich sbujts' a te bit'il vino. Ja' yu'un ya smulanat te antsetique.

Jeremías 31:20

“Te lum Efraín, ja' te jnich'an te c'ux ta co'tane; ja' te jnich'an te bayal sc'anoj te co'tane. Manchuc me ya cac'bey tulan comel, ma ba ya quijq'uitay ta sna'ulayel; ya stij sba co'tan yu'un, c'ax muc' ya jna'bey yo'bolil sba. Jo'on Ajwalilon, jich ya cal.

Hechos 16:14

Ja'uc me to, ay jtul ants te tey ay a, Lidia te sbiile, te talem ta lum Tiatira. Ja' yat'elinej xchonel te t'ujbil tsaj'aman pac' te bayal stojole. In ants to, ja' yich'oj ta muc' te Diose, jich jambot yo'tan yu'un te Cajwaltique. La yaiy stojol te bila la yal te Pabloe.

2 Corintios 8:16

Ja'uc me to, wocol la yal Dios te bit'il la yac' sna'ex ta yo'tan te Titoe, jich te bit'il bayal ya jna'ex te jo'one.

Filipenses 2:13

Melel yac ta at'el ta awo'tanic te Diose. Ja' me ya yac' ta awo'tanic sna'el te bila lec yo'tan yu'une, soc ya me scoltayex ta spasel.