Cantares 5:2 - Bible in Tzeltal de Oxchuc y Tenejapa

² Wayon, pero ma ba way stuquel te co'tane. La caiy yac ta ic'aw ta ti'nail te mach'a bayal mulanbil cu'une: “Jama te ti'nail, ja'at te bayal ya jmulanate; jch'ielat, mero ach'ix stsumutat cu'un. Te jole ach'em ta ts'ujul. Te ts'ujul ta ajc'ubale, yac ta oc ta stsotsil jol”, xi' la caiy.

Bible in Tzeltal Bachajón

² Wayon, pero ma ba way stuquel te co'tane. La jca'iy yac ta ic'aw ta puerta te mach'a c'ux ta co'tan: Jama, quihts'inat, jlecolat, stsuhmutat cu'un, te lecat cu'un. Ahch'em jol ta ts'ujul, te stsotsel jol ahch'em ta sts'ujulel ahc'abal, xchi.

Cantares 5:2 ပူးပေါင်းရင်းမြစ်များ

Génesis 29:20

Jich yu'un te Jacob juqueb ja'wil la yac' sba ta abatinel yu'un te Labán swenta yu'un ja' ya yic' a te Raquel. Ma chicanuc c'ax la yaiy te juqueb ja'wile, ta scaj te bayal la smulane.

Salmos 119:1

Bin nax me yutsil te mach'atic mero ma'yuc smulic te yich'oj ta yo'tanic te p'ijubtesel yu'un te Cajwaltique.

Salmos 81:10

Jo'on Ajwalilon, te Dioson awu'une, te la jloq'uesat tel ta sq'uinal Egipto; jama awe, jo'on me ya jnojesbat.

Proverbios 23:26

Jnich'an, ac'a asit ta jtojol, ja' me xanopbon te bila ya jpas ya awile.

Cantares 1:16

Buen t'ujbil winicat, buen ya jmulanat ya caiy, mero buen t'ujbilat ya quil. Yaxal ja'mal te jwayibtique.

Cantares 2:10

Te mach'a ya jmulane jich la yalbon: “Ja'at te bayal ya jmulanate, jajch'an, ya xbootiquix, ja'at te jc'anojate.

Cantares 2:14

“Stsumut cu'un, te ya anac' aba ta muc'ul tontiquile, ta toyol chujc'ul nac'jibaletic, ac'bon quilbat asit-awelaw, ac'bon caiybat ac'op. Mero t'ujbil ya caiy te ya quilate. Ay sbujts' ta aiyel te ac'ope”, xi' ta jtojol.

Cantares 2:8

Talix te mach'a bayal jmulaneje. Chicanix ya caiy te sc'ope. Talix ta wilawetel ta baba witstiquil, Talix ta wilawetel ta sba tseletic.

Cantares 3:1

Ta jujun ajc'ubal la jle ta jwayib te mach'a jmulanej ta co'tane. La jle, pero ma la jta.

Cantares 4:7

Mero c'ax t'ujbilat ya quil, ja'at nax mulanbilat cu'un, mero t'ujbilat ta awacan c'alal ta ajol. Ma'yuc bila ma t'ujbiluc awu'un.

Cantares 4:9

La awu'uninbon te co'tane, ja'at te jch'ielat toe, te quinamate; la awu'uninbon co'tan ta scaj nax te la awilon la quile, ta scaj nax jlijc' awual.

Cantares 5:11

Puro oro yilel te sjole; morots'tic te stsotsil sjole, soc buen ijc' jichuc yijc'al joj.

Cantares 6:9

pero te ch'in ach'ix stsumut cu'un, jun nax stuquel; ma'yuc yan ach'ix mero bayal sc'oplal yu'un sme' te alatayot yu'une. C'alal ilot yu'un te ach'ixetique, albot yutsil sc'oplal yu'unic; te antsil-ajwaliletic soc te yantic antsetic albot yutsil sc'oplal yu'unic.

Cantares 7:9

te yutil awe, pajal soc buen lequil vino te buen c'un nax soc bayal sbujts' ya caiy ta que.

Cantares 8:7

Te mulanel ma xju' ta tup'el ta ja', manchuc me ya xtal spisil ya'lel maretic, pero ma xtup' yu'un; ni ja'uc te muc'ja'etic ya xju' yu'unic stup'ele. Te ayuc mach'a ya yal ya yac' spisil sc'ulejal swenta stael te mulanele, ja' nax labanel ya sta yaiy te jichuque.

Isaías 50:6

Jun co'tan la cac'bey smajbonic te jpate, soc jun co'tan la cac' te ya sbulbonic te quisime. Ma ba la jq'uej bael quelaw ta stojol te mach'atic la yixtac'optayonic soc te la stubtayonic.

Isaías 52:14

Ja'uc me to, bayal xiw yo'tanic yu'un te la yilique; melel te yelawe yanajem ta ilel, ma pajaluquix soc ch'ich'-baq'uet yilel.

Daniel 8:18

Te c'alal yac sc'oponbelon a, laj quip, t'uxajon ta lum, pero la spicon, la yac' tejc'ajucon,

Zacarías 4:1

Cha'sujt' xan tel te ch'ul abat yacon ta c'op soque, la stijon jajch'el, jich te bit'il ay mach'a ya yich' tijel jajch'el te ochem swayele. La sjojc'obon:

San Mateo 7:8

Melel te mach'a ay bila ya sc'anbey te Diose, jich ya x'ac'bot yu'un; soc te mach'a ya sle te bila ya sc'ane, jich me ya sta ta leel; soc te mach'a ya xc'opoj ta ti'naile, jich me ya xjambot.

San Mateo 8:17

Jich c'ot ta pasel te bila ts'ibubil jilel yu'un te j'alwanej yu'un Dios te Isaías sbiil te jich la yale: “Ja' la yich'botic spisil te jchameltique, soc ja' la sts'ic spisil te bila c'ux la caiytique”, te xie.

San Marcos 1:35

Buen sab to soc ijc' to q'uinal a te jajch' te Jesuse. Loc' bael ta lum. Stuquel ba sc'opon Dios ta bay jochol te q'uinale.

San Lucas 22:44

Te bit'il bayal ay ta woclajel te yo'tane, la yac' xan puersa ta sc'oponel te Diose. Te xchiq'ue ja' pajal soc ch'ich' te xt'ulajan coel ta lume.]

San Lucas 6:12

Jich sc'aalelal te ba sc'opon Dios ta wits te Jesús. Sjunal ajc'ubal la sc'opon Dios tey a.

San Lucas 9:32

Te Pedro soc te sjo'taque smasaset nax sitic yu'un swayelic. La swic' sitic yu'un. La yilic te xlemet nax yutsil xojobil te Jesuse soc te cheb winiquetic te sjoinej sba soque.

San Juan 10:4

Te c'alal loq'uemix ta corral spisil te chijetic yu'une, ya xneelaj bael yu'unic. Te chijetique ya sts'aclinic bael, melel ya sna'beyic sba te sc'ope.

Gálatas 2:20

Jich pajal lajemon soc ta cruz te Cristoe. Cuxulon ts'iin, ja'uc me to, ma jo'oconix te cuxulone. Ja' cuxulix ta co'tan te Cristoe. In te bit'il cuxulon to ta q'uinal soc te jbaq'uetale, ja' cuxulon yu'un te xch'uunjel co'tan ta swenta te Snich'an Diose, ja' te mach'a c'ux la yaiyon ta yo'tan soc te la yac' sba ta lajel ta jwentae.

Efesios 5:14

Ja' swentail te jich ay ta alele: “Wic'a asit, ja'at te wayalate, jajch'an tel ta bay te animaetique. Ya yac' tiluc saquil q'uinal ta atojol te Cristoe”, te xie.

Apocalipsis 14:4

Ja'ic te mach'atic ma ba la sboltes sbaic soc te antsetique, melel ju' yu'unic te ma ba nujbinique. Ja'ic nax stuquelic te ya stsac'linic te Alalchije, chican te banti ya xbajt'e, soc ja'ic te coltaybilic loq'uel ta yolil te ants-winiquetique, swenta yu'un ja'ic sba sit c'oem ta stojol te Diose soc te Alalchije.

Apocalipsis 3:20

Aiya me awaiy stojol, teq'uelon ta c'op ta sti' ana. Teme ay mach'a ya yaiybon stojol te jc'ope soc teme ya sjambon te ti'naile, jich ya x'ochon ta sna soc ya me join ta we'el tey a.

Apocalipsis 3:4

Ja'uc me to, ay nax cha'oxtuluc te ay ta bay Sardis te ma ba ts'ilajem te sc'u'-spaq'uique. Ja'ic me te ya sjoinonic ta beel te slapoj saquil sc'u'-spaq'uique, yu'un jich me ya sc'an te bit'il ayique.