Cantares 4:3 - Bible in Tzeltal de Oxchuc y Tenejapa

³ Te sti'il awe, buen tsaj, pajal soc tsajal hilera; soc buen t'ujbil ta aiyel ta jchiquin te ac'ope. Te jujun mejch' awelaw pajal soc xet'bil granada te macal ta areboso.

Bible in Tzeltal Bachajón

³ Te sti'il awe pajal soc tsajal hilera; soc t'ujbil ta a'iyel te ac'ope. Te acho te macbil yu'un smahquil pajal soc granada xet'bil ta ohlil.

Cantares 4:3 ပူးပေါင်းရင်းမြစ်များ

Génesis 32:10

Bayal awac'ojbon quil yutsil awo'tan, bayal quich'oj coltayel awu'un, te melel ja' nax quich'oj a te jnabate' te c'alal c'axon bael ta jejch' ja' Jordán, pero cha'chajp loq'uemonix yo'tic a.

Esdras 9:6

jich la cal: —Dios cu'un, Dios cu'un, mero bayal ya xtal q'uexlal ta co'tan ya caiy, soc ma xtojob ya caiy te co'tane, soc ma jna' bi ya cal ta atojol. Melel mero c'axemix ta jyalel te falta cu'untique, c'oemix c'alal ta ch'ulchan te mulile.

Salmos 119:13

Ya me cal ta spisil te bitic la achap te loc' ta alel awu'une.

Salmos 37:30

Te mach'a lec yo'tan, ay me sp'ijil ya xc'opoj stuquel; te mach'a lec yo'tan, mero stojil me ya xc'opoj.

Salmos 45:2

Ja'at c'axem jich at'ujbilal a te bit'il yantic winiquetique; ma ba wocol ya xloc' t'ujbil c'opetic ta awe. Melel spisil ora yac'ojbat bendición te Diose.

Proverbios 10:13

Ay p'ijil c'op ta ye te mach'a ay sp'ijil yo'tane; yan te mach'a ma sna' q'uinale, ya yich' majel ta te'.

Proverbios 31:26

Spisil ora ya xc'opoj ta p'ijil c'op; soc xc'uxul yo'tan ya xp'ijubteswan.

Cantares 1:5

Antsetic ta Jerusalén, ijc'al antson, pero t'ujbilon; ijc'on jichuc campamento yu'un Cedar, buen t'ujbilon jichuc spac'al snailpac' Salomón.

Cantares 4:11

Ja'at te quinamate, ta sti'il awe ya xloc' tel chab yaiyel; chab soc leche ay ta ye'tal awac'. Te sbujts' yic' te ac'u'-apaq'ue, pajal soc sbujts' yic' Líbano.

Cantares 5:13

Te jujun mejch' yelaw, jujun muc'ul nichimaltic c'oem te buen bujts'an yic' snichimale. Te ye, pajal soc rosa-nichim, te banti ya xt'ulaj mirra.

Cantares 5:16

Te ye, mero buen bujts'an xchi'il. Ta scojt'ol stec'lejal mero t'ujbil soc mulantic sba ta ilel. Antsetic ta Jerusalén, jich me ay stuquel te mach'a mero mulanbil cu'une, jich ay te mach'a mero smulanej te co'tane.

Cantares 6:7

Te jujun mejch' awelaw, pajal soc xet'bil granada te macal ta areboso.

Cantares 7:9

te yutil awe, pajal soc buen lequil vino te buen c'un nax soc bayal sbujts' ya caiy ta que.

Ezequiel 16:63

Ya me xtal ta awo'tan, soc ya me xtal bayal q'uexlal ta atojol. Ya me apejc'an aba, soc ma ba ya xc'opojatix te c'alal ya jpasbat perdón spisil te bitic apasoje. Jo'on Ajwalilon te jich caloje”, uta me —xi' te Cajwaltique.

Levítico 14:4

te sacerdote ya me sticun ta iq'uel tel cheb ch'in ja'mal mutetic cuxul soc te lec sc'oplale yu'un te mach'a ya yich' lecubtesel sc'oplale, cuxul me soc lec me sc'oplalic, soc cedro, tsajal pac' soc hisopo.

Levítico 14:6

Ya me stsac te ch'in ja'mal mut cuxule, te cedro, te tsajal pac' soc te hisopo, ya me yajts'es ta xch'ich'el te ch'in ja'mal mut la yich' milel ta sba te ya'lel sloq'uibja'.

Números 19:6

Te sacerdote ya me stsac tel cedro soc ch'in sc'ab hisopo soc tsajal pac', ta spisil ya me xch'oj ochel ta c'ajc' ta bay ya xc'ajc' te me' wacaxe.

Números 4:8

Ta sba spisil ya me smuquic bael ta tsajal pac', soc ta sba ya me smuquic xan bael ta t'ujbil nujc'uletic. Ya me yaq'uic ochel te ste'el sq'uechjibale.

San Mateo 12:35

Te mach'a lec yo'tane, lec ya xc'opoj, yu'un lec te bila nojel ta yo'tane. Yan te mach'a amen yo'tane, ma lecuc ya xc'opoj, yu'un nojel ta yo'tan te bila amene.

San Lucas 4:22

Spisilic lec bajt' sc'oplal yu'unic te Jesuse, soc bayal ayan yo'tanic yu'un te bit'il buen t'ujbil la yaiybeyic te sc'ope. La sjojc'obey sbaic: —¿Ma bal ja'uc snich'an José in winic to? —xiic.

Efesios 4:29

Ma me xawalic bol c'op ta aweic. Ja' nax me xloc' ta aweic te lequil c'ope, swenta yu'un ya xmuc'ubic a soc ya staic bendición a te mach'atic ya yaiybeyex stojol te ac'ope.

Colosenses 4:6

Mach'auc a te ya xc'opojex soque, lecuc me ya yaiybeyex te ac'opique. Ayuc me xchi'il jichuc ats'am te ac'opique, swenta yu'un ya me ana'ic bit'il ya asujt'esbeyic sc'op te juju-jtule.

Hebreos 9:19

Jich te Moisés neel la yal te mandalil ta stojol te lume. Patil la stsac tsajal stsotsil chij soc ch'in sc'ab hisopo-te'. La smul ta xch'ich'el alal wacaxetic soc ta xch'ich'el tat tentsunetic te capbil ta ja'e. La stsijts'an ta ch'ich' te sjunal te mandalile soc la stsijts'an spisil uuc a te lum te stsoboj sbaique.

Josué 2:18

Te c'alal ya x'ochotic tel ta lum, ya me ajojc'an in tsajal lazo to ta bay ventana te banti la acojtesotique. Tsoba ta yutil ana te atat, te ame' soc spisil mach'atic ay yu'un.