Cantares 3:2 - Bible in Tzeltal de Oxchuc y Tenejapa

² Jich ora jajch'on, la coclin ta spamal te lume, ja' yacon ta sleel te mach'a jmulaneje. La jle ta calleetic soc ta plazaetic; la jle, pero ma ba la jta.

Bible in Tzeltal Bachajón

² Hich la jcal: Ya xhahchon, ya cocliy ta sjoyobal ta yutil pueblo, ta callehetic soc ta plazahetic; ya jle te mach'a c'ux ta co'tan, xchihon. La jle, pero ma ba la jta.

Cantares 3:2 ပူးပေါင်းရင်းမြစ်များ

Proverbios 8:34

Bin nax me yutsil te ants-winic te ya yaiybon te jc'ope, soc te spisil ora jujun c'aal ya yilon ta sti' te jnae.

Cantares 1:7

Ja'at te jmulanejat ta co'tane, albon caiy, ¿banti ya awac' sle swe'el te chambalametic awu'une? ¿Banti ya awic' bael ta cux-o'tan ta olil c'aal? ¿Bi yu'un ya xbeenon jichuc jmelmonel, ta sts'eel te chambalametic yu'un ajo'tac?

Cantares 3:3

La jojc'obey te jcananetique, te ya sjoyintayic te lume, jich la calbey: “¿Ma bal ayuc la awilbonic te mach'a jmulanej ta co'tane?” la cut.

Cantares 5:5

Jich jajch'on ta sjamel te na yu'un te mach'a bayal jmulaneje. Ta jc'ab soc yalatac jc'ab xt'ulajan coel mirra ta sba sjamjibal ti'nail. C'alal la caiy c'opoj, ya xlajonix la caiy yu'un. La jambey na te mach'a bayal ya jmulane, pero ma ba tey ayix a. La jle, pero ma'yuc banti chican, la cawtay, pero ma ba la sjac'bon.

Isaías 64:7

Ma'yuc mach'a te ya sc'oponate, ma'yuc mach'a ya spas tulan te ya sc'anbat coltayele. Ja' swentail te la anac' aba ta jtojoltic, soc la apijt'esotic ta scaj te bila amen jpasojtique.

Jeremías 5:1

Te Cajwaltic ya yal: —Beenanic ta bay calleetic yu'un Jerusalén, ila me awilic ta lec, leaic ta parqueetic, te ayuc mach'a ya ataic tey a te toj ya x'at'eje, te smelelil ya sc'an yac' sba. Teme ay ya ataique, ya me jpasbey perdón te Jerusalén.

San Juan 1:6

Ay jtul winic te ticunbil tel yu'un te Diose, Juan te sbiile.

Romanos 13:11

Spisil in to ja' me ya apasic, yu'un ana'ojic te bin ja'wil ayotic ta ora to. Ac'a wijc'uquix jsitic yu'un te jwayeltique, melel te jcoleltique nopol ayix tel. Ma jichuquix te bit'il najt' to xan sc'an a te c'alal la jch'uuntic te sc'op Diose.

1 Corintios 15:34

Wiq'uiluc me asitic jiche. Ma me xale amulic. Melel ay cha'oxtulex te ma ba ana'ojbeyic sba te Diose. Jich ya calbeyex swenta yu'un jich me ya xq'uexawex a.

Efesios 5:14

Ja' swentail te jich ay ta alele: “Wic'a asit, ja'at te wayalate, jajch'an tel ta bay te animaetique. Ya yac' tiluc saquil q'uinal ta atojol te Cristoe”, te xie.