Cantares 2:9 - Bible in Tzeltal de Oxchuc y Tenejapa

⁹ Te mach'a bayal ya jmulane, jich c'oem ya caiy te bit'il ja'mal chij, soc jich c'oem te bit'il ch'in chije. Li' ayix to, ayix ta spat ti'nail, chicnajix tel ta ventana, yaquix sju'sitaybelon ta bay jamal.

Bible in Tzeltal Bachajón

⁹ Te mach'a c'ux ta co'tan hich c'ohem te bin ut'il gacela-chij, o te bin ut'il jcolel tat chij. Ilawil, ay ta pat ts'ahc, yac ta yilel tal ta ventana, yac shu'sitaybel ta banti jamajtic.

Cantares 2:9 ပူးပေါင်းရင်းမြစ်များ

2 Samuel 2:18

Tey ayic a te oxeb yalatac Sarvia: Joab, Abisai soc Asael. Te Asael, mero ya xju' yanimal, jich ya x'animaj te bit'il chij ta aquiltique.

Proverbios 5:19

jich bit'il ch'in antsil chij te buen jc'uxtaywaneje. Spisiluc me ora ya yutsinat, spisiluc me ora ya spotsat ta xc'uxul yo'tan.

Proverbios 6:5

coltaya me aba, jich te bit'il ya x'an chij ta stojol jnutsojele; anan me, jich bit'il ya x'an ta xi'el pejts' te ja'mal mute.

Proverbios 7:6

Ay jun c'aal yacon ta yilel ta sventanaul jna,

Cantares 1:16

Buen t'ujbil winicat, buen ya jmulanat ya caiy, mero buen t'ujbilat ya quil. Yaxal ja'mal te jwayibtique.

Cantares 2:17

Ma to ba staoj te sc'aalelale, soc te ya x'an bael te axinale, ja'at te bayal c'uxat ta co'tane, la', sujt'an tel. Jich me xtalat te bit'il ja'mal chije, jich me xtalat te bit'il ch'in chij ta sba te chujc'ul witstiquile.

Cantares 2:7

Antsetic ta Jerusalén, albonic caiy ta jamal ta swenta te ja'mal chijetic, soc ta swenta te tsajal chijetic ta witstiquile, te ma ba ya atijbeyic swayel te mach'a bayal jmulaneje. Ijq'uitayawotic, ac'a wayucotic ja' to c'alal ya jc'an xjajch'otic.

Cantares 3:5

Antsetic ta Jerusalén, albonic caiy ta jamal ta swenta te ja'mal chijetic soc ta swenta te tsajal chijetic ta witstiquil, te ma ba ya atijbeyic swayel te mach'a bayal jmulaneje. Ijq'uitayawotic, ac'a wayucotic ja' to c'alal ya jc'an xjajch'otic.

Cantares 8:14

Animajan te ja'at te bayal ya jmulanate, animajan jichuc ja'mal chij, animajan jichuc yal tsajal chij, ta sba witstiquil te bayal sbujts'e.

San Lucas 24:35

Jich jajch' yalic uuc te chebic te bila c'ot ta pasel ta be, soc te tey la sna'beyic sba a te c'alal la xet' te waje.

San Juan 12:41

Jich la yal te Isaiase, yu'un yilojbey yutsilal te Jesuse, soc ja' nix te la xcholbey sc'oplale.

San Juan 5:39

Ya anopilayic ta sp'alap'al te bila ts'ibubil jilel ta Sjune, yu'un ya awalic te tey la ataiquix a te bit'il ya xcuxinex sbajt'el q'uinale, soc ja' ya yalbon jc'oplal,

San Juan 5:46

Te yu'unuc ja'uc ach'uunejic te bi la yal te Moisese, ya ach'uunonic te jichuque. Melel te Moisese, ja' nix la sts'ibubon jc'oplal ta jun.

1 Corintios 13:12

Ta ora to yacotic ta yilel ta espejo te ma chicanuc ta ilel ta leque. Ja'uc me to, ta patil ya me quilbeytic sit ta jsitic. Ta ora to olil nax jna'oj stojol, ja'uc me to, ta patil ts'acal me ya jna' stojol spisil, jich te bit'il Dios la sna'bon jbae.

Colosenses 2:17

Spisil in to, squeawil to nax te bila ya xtale, yan te smelelile ja'ix te Cristoe.

Hebreos 10:1

Melel te mandalile squeawil nax te bila lec, te patil chicnaj ta jamale, melel ma ja'uc ta swenta mandalil te ya jtatic te bila leque. Yu'un te mandalile ma xju' ya yutstes ta jc'axel te mach'atic ya xnoptsajic tel ta stojol Dios ta swenta te chambalametic te ya yich' malel xch'ich'el ta stojol Dios ta jujun ja'wile.

Apocalipsis 19:10

La jpajc'an jba ta yacan te ch'ul abate, yu'un c'an jlajin jba ta stojol. Ja'uc me to, jich la yalbon: —Ma me xapas jich. Melel te jo'one, yabaton uuc te Diose, jich te bit'ilate soc spisil awermanotac te jun yo'tanic ta xch'uunel te testigo-c'op la yal te Jesuse. Ja' me x'alajin aba ta stojol te Diose —la yuton. Melel te testigo-c'op la yal te Jesuse, ja'ix te ya x'at'ej ta yo'tanic te mach'atic j'alwanejetic yu'un te Diose.

Jueces 5:28

“Te sme' Sísara, ay ta mel-o'tan, loc' ta yilel ta ventana, jich la yal: ‘¿Bi yu'un ya xjalaj tel te scarreta? ¿Bi yu'un ma xtal ta ora te scarreta yu'un guerra?’ xi'.