Cantares 2:1 - Bible in Tzeltal de Oxchuc y Tenejapa

¹ Jo'on snichimalon Sarón, jo'on rosa-nichimalon stenlej xatal q'uinal.

Bible in Tzeltal Bachajón

¹ Ho'on rosa-nichimon yu'un Sarón, lirio-nichim yu'un te spamlejetique.

Cantares 2:1 ပူးပေါင်းရင်းမြစ်များ

1 Crónicas 5:16

Ta spisilic nainic ta sq'uinal Galaad, ta sq'uinal Basán, soc ta ch'in lumetic yu'unic, soc ta bay aquiltic ta bay ya yac' xchamsbalamic ta Sarón, ja' to ta bay sts'acoj sba soc sq'uinal te yane.

Salmos 85:11

Ya xloc' tel ta lumq'uinal c'oem te bila smelelil, soc ya yil coel tel ta ch'ulchan te toj-o'tanile.

Cantares 2:16

Te mach'a mulanbil cu'une, jo'on cu'un, soc ja' yu'unon. Ja' stuquel ya me yac' ta we'el ta spisil te chijetic yu'une, ya me yac' ta yolil rosa-nichimaltic.

Cantares 5:13

Te jujun mejch' yelaw, jujun muc'ul nichimaltic c'oem te buen bujts'an yic' snichimale. Te ye, pajal soc rosa-nichim, te banti ya xt'ulaj mirra.

Cantares 6:2

Te mach'a bayal ya jmulane, baem ta nichimaltic yu'un, ja' te nichimaltic ay sperfumeil. Baem ta yaq'uel swe'el chijetic yu'un, soc baem ta stulel rosa-nichimetic.

Cantares 6:3

Ja' yu'unon soc ja' cu'un, te mach'a bayal ya jmulane, ya yac' ta we'el te chijetic yu'un ta yolil rosa-nichimetic.

Isaías 33:9

Te lumq'uinale yac ta lajel ya yaiy soc mel-o'tan, te Líbano yac ta c'anubel ta q'uexlal, te spamlejal q'uinal Sarón, c'atp'ujix ta jochol taquin q'uinal, te Basán soc te wits Carmelo, t'axalic jilel.

Isaías 57:15

Melel te Mach'a toyole, ja' te mach'a stalel cuxule, te Ch'ul Dios, xi' sbiil, jich ya yal: —Jo'on nainemon ta jun toyol awilal te ch'ultesbile; ja'uc me to, joinej te mach'a peq'uel soc te mach'a ay swocol ta mel-o'tane. Ya cac'bey sbujts' yo'tan soc ya xjam q'uinal yaiy.

Oseas 14:5

Jich ya jpasbey ta swenta Israel te bit'il ts'ujule, jich me ya yac' snich c'oem, jich bit'il te lirioetique. Tulan me ts'unul ya xc'ot, jich bit'il tulan te wits Líbano.