Cantares 1:3 - Bible in Tzeltal de Oxchuc y Tenejapa

³ Buen t'ujbil sbujts' te perfumeetic awu'une; malem perfume c'oem te abiile. Ja' yu'un ya smulanat te antsetique.

Bible in Tzeltal Bachajón

³ Mero sumet yic' te perfumehetic awu'un, te abihile hich c'ohem te bin ut'il malem perfume. Ha yu'un te c'uxat ta yo'tanic te ach'ixetique.

Cantares 1:3 ပူးပေါင်းရင်းမြစ်များ

Salmos 133:2

Pajal c'oem soc buen t'ujbil perfume te ya x'oquin ta sjol sacerdoteetic, ya xco tel ta oc ta yisimic c'alal ta snuc' sc'u'ic.

Salmos 45:14

Mero buen xlemet nax xch'alil sc'u' slapoj, ya yiq'uic bael ta stojol te muc' ajwalile, joytaybil bael yu'un ach'ixetic, ja' te jun yo'tanic soque.

Éxodo 33:12

Te Moisés jich la yalbey te Cajwaltique: —Ya calbat ta atojol, ja'at nix la awalbon te jo'on jtsobwanejon yu'un te lume; ja'uc me to, ma ba ya awalbon caiy te mach'a ya awac' sjoinon baele. Soc awalojbon te jun awo'tan ta jtojol: “Ya jna'bat aba ta lec soc lec c'oemat ta jsit”, te xaate.

Éxodo 33:19

Te Cajwaltic la sjac': —Ya jpas te ya jc'asesbat ta asit spisil te cutsilale, soc ya cal jilel ta atojol te jbiile. Chican co'tan jtuquel te mach'a ya jc'uxtaye, soc chican co'tan te mach'a ya jna'bey yo'bolil sbae.

Proverbios 27:9

Te bila ya xbujts'naj co'tantic jtebuc yu'un, ja' te t'ujbil perfume; te bila ya xbujts'naj co'tantic yu'un ta mero melel, ja' te tojtesel yu'un te jpat-jxujc'tique.

Eclesiastés 7:1

Ja' bayal yutsil te mach'a buen lec sc'oplale; ja' peq'uel sc'oplal te lequil perfume. Ja' bayal yutsil te bi c'aalil ya xlajotique; ma ja'uc bayal yutsil te bi c'aalil ayinotique.

Cantares 3:6

¿Bila a te yac ta talel ya quiltic ta jochol taquin q'uinale, yac ta talel ta yolil ch'ail, ta yolil xch'ailel mirra soc xch'ailel pom, soc spisil ta jchajp te perfumeetique?

Cantares 4:10

C'ax bujts'an ta aiyel te bujts'iyel awu'un, ja'at te jch'ielat toe, te quinamate. Te bujts'iyel awu'une c'axem jich sbujts' a te bit'il vino; te perfume awu'une, c'axem jich sbujts' a te bit'il yantic bitic bujts'an yiq'ue.

Cantares 5:13

Te jujun mejch' yelaw, jujun muc'ul nichimaltic c'oem te buen bujts'an yic' snichimale. Te ye, pajal soc rosa-nichim, te banti ya xt'ulaj mirra.

Cantares 5:5

Jich jajch'on ta sjamel te na yu'un te mach'a bayal jmulaneje. Ta jc'ab soc yalatac jc'ab xt'ulajan coel mirra ta sba sjamjibal ti'nail. C'alal la caiy c'opoj, ya xlajonix la caiy yu'un. La jambey na te mach'a bayal ya jmulane, pero ma ba tey ayix a. La jle, pero ma'yuc banti chican, la cawtay, pero ma ba la sjac'bon.

Cantares 6:8

Oxwinic (60) te antsil-ajwaliletic, chanwinic (80) te yantic antsetique, soc mero bayalic te ach'ixetique,

Isaías 61:3

te mach'atic ay swocolic ta Sión tal cac'bey scorona swenta sjelol te c'ajc'al tane, tal cac'bey yutsil q'uinal yaiyic te mach'atic smeloj yo'tanique, tal jc'atp'unbey ta yutsilal c'ayoj te woclajel ya yaiy ta yo'tanique. Ya me x'ac'bot sbiilic: “C'antulan swenta toj-o'tanil”, te ja' nix sts'unoj te Cajwaltic swenta yu'un ya yac' ta ilel a te yutsilale.

San Mateo 25:1

Soc la yal xan te Jesuse: —Te bit'il ay ta ajwalinel te Dios te ay ta ch'ulchane, ja' pajal soc te ay lajuntul tec'tojom ach'ixetic te la yich'ic bael sc'ajq'uic te ba staic tel te winic ya xnujbine.

San Juan 12:3

Te María la yich' tel jteb ma oliluc litro perfume te nardo sbiil te toyem stojole. Tal smalbey ta yacan te Jesuse soc la staquintesbey ta stsotsil sjol. Been yic' ta swolol na te perfume.

2 Corintios 11:2

Bayal sc'oplal ta co'tan te manchuc ya xyanaj awo'tanic, jich te bit'il ay yo'tan ta atojolic uuc te Diose. Melel la cac' smacatix c'oem te jtul amamlale. Jich bayal sc'oplal ta co'tan te ma'yuc amul te ya cac'at ta sc'ab te Cristoe.

Filipenses 4:18

Te bila la aticunic tele la quich'ix ta spisil. C'ax bayalix a. Ma'yuquix falta ya caiy a te bit'il la quich'ix te la aticunbonic tel soc te Epafroditoe. Te majt'anil la aticunbonic tele, xuq'uet nax sbujts' ta stojol Dios, jich bit'il milbil majt'anil te bin nax yo'tan yu'un te Diose.

Apocalipsis 14:4

Ja'ic te mach'atic ma ba la sboltes sbaic soc te antsetique, melel ju' yu'unic te ma ba nujbinique. Ja'ic nax stuquelic te ya stsac'linic te Alalchije, chican te banti ya xbajt'e, soc ja'ic te coltaybilic loq'uel ta yolil te ants-winiquetique, swenta yu'un ja'ic sba sit c'oem ta stojol te Diose soc te Alalchije.