Apocalipsis 9:3 - Bible in Tzeltal de Oxchuc y Tenejapa

³ Ta bay te ch'aile, loc' tel c'ulubetic tey a te wilic bael ta spamal te balumilale. Ac'bot yipic ta ti'aw jich bit'il ya xti'awanic ta balumilal te tsequetique.

Nuevo Testamento Tzeltal de Amatenango

³ Teꞌ ba chꞌaile, lokꞌ tal kꞌulubetik, sok wilik bael ta balmilale. Y akꞌtalanbot spoderik ta tiꞌaw, jachik tutꞌil te ay yuꞌun te tseketike.

Bible in Tzeltal Bachajón

³ Loc' c'ulubetic ta ch'ahil, c'ohtic ta q'uinal, a'bot yipic hich te bin ut'il yipic te tsec ayic ta q'uinal.

Apocalipsis 9:3 ပူးပေါင်းရင်းမြစ်များ

1 Reyes 12:11

Teme la yac'beyex buen al ijc'atsil c'oeme, te jo'on mero c'axem to xan jich yalal ya cac'beyex. Teme la smajex ta nujc'ule, te jo'one ya jmajex ta najt'il ts'otbil nujc'ul te ay staq'uinal sni'il”, uta me —xiic te ch'iel winiquetique.

2 Crónicas 10:11

Teme al la yac'beyex awijc'atsic, c'axem to xan al ya cac'beyex a te jo'one. Teme nujc'ul la smajex a, te jo'one chicote ya jmajex jtuquel a te yich'oj taq'uin ta sni'ile”, uta me —xiic.

2 Crónicas 10:14

Ja' la yal loq'uel te sc'op te queremetic pajal ya'wilal soc, jich la yal: —Teme al ijc'atsil ac'botic yu'un te jtate, c'axem to xan me yalal ya cac'beyex jtuquel a. Teme nujc'ul majotex yu'un a te jtate; ja'uc me to, chicote ya cac'beyex jtuquel a te ay taq'uin ta sni'ile —la yut.

Isaías 33:4

Te scontrotaque tsobolic, ijc'uben q'uinal yu'unic, jich bit'il ya xtal c'ulubetic, ya xwilic bael ta stojolic soc ya spojbeyic sc'ulejalic.

Ezequiel 2:6

Ja'at winic, ma me xtal xiwel ta awo'tan ta stojolic, soc ma me x'axi' te bila ya yalic ta atojole, manchuc me jich ta awo'tan te bit'il sjoyintayejat bayal ch'ixe, manchuc me ayat ta yolil tsequetic ya awaiy. Ma me xiwat yu'un teme ay bila ya yalbate, soc ma me xnijc' awo'tan yu'un teme ya xyanaj sitique, manchuc me mero tulan ya yac' sbaic ta jtojol.

Joel 1:4

Spisil lajinot ta c'ulubetic; te bay c'alal jil yu'une, tal te yantique, la slajinic ta jc'axel.

Joel 2:25

Ya yal te Cajwaltic: —Jo'on me ya jeltaybeyex te ja'wiletic te ch'ay awu'unic te ja'exe, te ch'ay ta swenta c'ulubetic, te jlajinwanej-soldadoetic c'oem cu'un la jticunbeyex ta atojolique.

Nahúm 3:15

Tey ya xlajat ta c'ajq'uel a; jc'axel me ya smilat soc te puñale, jich c'oem bit'il tsobol c'ulub. Esmajan jichuc c'ulubetic. Esmajan jich bit'il te yaxal c'ulubetique.

Nahúm 3:17

Te gobernadoretic awu'une jich c'oem bit'il c'ulubetic; te mach'atic ay ta swentaic sleel te mach'a ya yac' sbaic ta soldadoil jich c'oemic te bit'il tocal ta ilel melel bayalic. C'alal ya sicub te q'uinale, ya yac' sbaic ta pajc'; c'alal ya xloc' tel te c'aale, ya xbajt'ique; ma'yuc mach'a ya sna' te banti ay.

San Lucas 10:19

Jo'on la cac'beyex tulan awat'elic ta xpech'el ta teq'uel te chanetique soc te tsequetique, soc cac'ojbeyex te ya xju' awu'unic stsalel spisil yu'el te cajcontrotique. Jich ma'yuc bila ya yuts'inex xan xujt'uc.

Deuteronomio 8:15

Te Cajwaltic la yic'otic ta beel ta muc'ul jochol taquin q'uinal te xiweltic sba, te banti ay bayal jti'awal chanetic soc tsequetic, soc te banti ma'yuc ja', pero te Cajwaltic la sloq'ues ja' ta buen tulanil ton. Jich la yac'beyex awuch'ic ja' tey a.

Apocalipsis 9:5

Ja'uc me to, ma ba ac'botic te ya smilic ta jc'axel te ants-winiquetique. Ja' nax ac'bot ta swentaic te ya yac'bey c'axuc swocolic jo'eb u. Te xc'uxul te sti'awique, ja' pajal soc te xc'uxul sti'aw te tseque.

Apocalipsis 9:7

Te c'ulubetique jich yilelic te bit'il caballoetic te chapalic yu'un guerrae. Ta sjolic ay bila jich yilel te bit'il corona te pasbil ta oroe. Te sit yelawique pajal yilel soc sit yelaw ants-winic.

Jueces 7:12

Te madianetic, te amalequetic soc te yantic winiquetic talemic ta stojol sloq'uib c'aal, spucoj sbaic ta stenlej xatal q'uinal jichuc c'ulubetic. Ay bayal camelloetic yu'unic, mero jich yipalic te bit'il sji'al mar.