Apocalipsis 9:2 - Bible in Tzeltal de Oxchuc y Tenejapa

² Jich la sjambey sti' te xaabe. Tey mo loq'uel tel ch'ail te jich yilel te bit'il xch'ailel te muc'ul hornoe. Te xch'ailele ijc'ub yu'un te c'aale, soc ijc'maxantic nax a bajt' te q'uinale.

Nuevo Testamento Tzeltal de Amatenango

² La sjeꞌ te chꞌen te lom toyole, y moj tal xchꞌailel te chꞌene, jachik tutꞌil jun mukꞌul jorna. Y te xchꞌailel te chꞌene la yijkꞌutes te kꞌajkꞌale y te ikꞌe.

Bible in Tzeltal Bachajón

² La sjam te xahab, xtomet loq'uel bayel ch'ahil tey a hich te bin ut'il sch'ahilel muc'ul horno. Ihc'ub te c'ahc'al soc ic' yu'un te ch'ahil yac ta loq'uel tal ta xahab.

Apocalipsis 9:2 ပူးပေါင်းရင်းမြစ်များ

Génesis 15:17

Malix c'aal, ijc'ubix q'uinal a, la yil chicnaj yawil c'ajc' te ay xch'ailel, soc ay yan yac ta tilel tey a, c'axic ta yolil te chambalametic te jatbilic ta bojele.

Génesis 19:28

La yil te lum Sodoma soc te lum Gomorra soc te stenlej xatal q'uinale. Xtomomet nax xch'ailel la yil jich bit'il xch'ailel yawil c'ajc'.

Éxodo 19:18

Spisil ta swolol te wits Sinaí loc' ch'ail tey a, melel te Cajwaltic jich a coj tel te bit'il c'ajc'. Te ch'aile xtomet nax yac ta moel jichuc xch'ailel horno. Ta sjoyobal te witse tulan a jajch' ta nijq'uel.

Isaías 14:31

Mela awo'tanic, lumetic yu'un filisteoetic, awunanic yu'un xc'uxul, nijc'anic me yu'un te xiwele. Melel ta norte ya me xtal bayal soldadoetic jichuc xch'ailel c'ajc', ma me ayuc jtuluc ya xloc' tey a te bay xcholoj sbaique.

Daniel 3:6

Spisil te mach'atic ma ba ya sc'an ya squejan sbaic ta xch'uunel te loc'ombae, ora me ya yich'ic ch'ojel ochel ta horno yu'un c'ajc' te yaquix ta tilele —xi'.

Joel 2:10

Te lumq'uinal ya stij sba ta stojolic, te ch'ulchan ya syuc' sba yu'unic, te c'aal te u ya xch'ay xojobil, te eq'uetic ya x'ijc'ub yu'unic.

Joel 2:2

Sc'aalelal te ijc' q'uinale, sc'aalelal te tocaletic soc xiweltic sba axinal. Jchajp soldadoetic c'oem, mero bayal, soc mero bayal yipic, la spuc sbaic ta ba witsetic, jich bit'il saquil q'uinal ya xchicnaj te c'alal ya sacube. Ma'yuc jich chicnajem ta ilel soc ma'yuc bi ora ya xchicnajix, ma'yuquix pajal soc ya xchicnaj.

Joel 2:30

Ya me cac' chicnajuc jchajp at'eliletic ta ch'ulchan soc ta lumq'uinal te muc' sc'oplale: Ch'ich', c'ajc' soc pimil ch'ail ta lumq'uinal.

Hechos 2:19

Ta stoyolil ch'ulchan ya me cac' ta ilel jchajp at'eliletic, soc ta balumilal ya me cac' ta ilel señailetic, ay me ch'ich' soc c'ajc' soc bayal te ch'aile.

Apocalipsis 14:11

Te xch'ailel te swocolique, xtomomet nax ya xmo sbajt'el q'uinal. C'aal ajc'ubal ma'yuc banti ya yich'ic lewa yu'un castigo spisil mach'atic te ya slajin sbaic ta stojol te muc'ul chambalam te xi'bantic sba soc ta stojol te sloc'ombae soc te yich'ojbeyic smarca ta stibaique o ta sc'abique”, xi' ta aw la caiy.

Apocalipsis 16:10

Te yo'ebal ch'ul abate ba smal te copa ta bay smuc'ul nactijib te muc'ul chambalam te xi'bantic sbae. Och ta ijc' q'uinal spamal te smaquen-q'uinale. Spisil la sti' yaq'uic yu'un xc'uxul te swocolique.

Apocalipsis 8:12

Te xchanebal ch'ul abate la yoq'uesin te oq'uese. Bolob jxejt' ta yox-xejt'el te c'aale soc jxejt' ta yox-xejt'el uuc te ue soc jteb ma oliluc uuc te eq'uetique. Jich ijc'ub jxejt' ta yox-xejt'el te q'uinale. Jich ay chanebuc ora tup'en xojobil c'aal ta c'aaleltic soc jich nix te u ta ajc'ubal.

Apocalipsis 9:1

Te yo'ebal ch'ul abate la yoq'uesin te oq'uese. La quil te ay ec' ch'ay coel tel ta ch'ulchan te c'ot ta sba te balumilale. Te eq'ue ac'bot ta sc'ab te sllaveil sti'il te xaabe.

Apocalipsis 9:11

Soc ay jtul ajwalil yu'unic te ja' swentainej te xaabe. Abadón sbiil ta hebreo-c'op soc Apolión sbiil ta griego-c'op.

Apocalipsis 9:17

Jich yilel te caballoetic soc te soldadoetic te cajajtic a te ac'boton quile. Te soldadoetique ay smajq'uilic te tsaj yilel jich bit'il c'ajc', soc yax jich bit'il zafiro, soc c'an jich bit'il azufre. Yan te caballoetique jich sjolic te bit'il león-chojetique. Ta yeic yac ta loq'uel c'ajc' soc ch'ail soc azufre.