Apocalipsis 8:7 - Bible in Tzeltal de Oxchuc y Tenejapa

⁷ Te sbabial ch'ul abate la yoq'uesin te oq'uese. Chicnaj bat soc c'ajc' capal soc ch'ich' te la yich' malel coel ta bay te lum q'uinale. Laj ta c'ajq'uel jxejt' ta yox-xejt'el te te'etic ta lum q'uinale, soc laj ta c'ajq'uel spisil uuc te yax aquiltique.

Nuevo Testamento Tzeltal de Amatenango

⁷ Te primero ángel la yokꞌesin te skornetae, y chꞌojtalanot koel ta sba balmilal bat y kꞌajkꞌ kapal sok chꞌich. La xchikꞌ xejtꞌ ta yoxxejtꞌelal te teꞌtikile y spisil te yaxal wamaletike.

Bible in Tzeltal Bachajón

⁷ Te sbabayal ch'ul a'bat la yoq'uesin te scorneta; xbuquet cohel ta lum q'uinal bat soc c'ahc' capal soc ch'ich'. Laj ta c'ahq'uel jun ta yoxeht'el te q'uinal, te'etic soc laj spisil te yaxal ha'maletic.

Apocalipsis 8:7 ပူးပေါင်းရင်းမြစ်များ

Salmos 105:32

Ma la sticun ja'al, ja' la sticun bat, soc tsantsewal te ya xlem ta banti sq'uinalic;

Éxodo 9:33

C'alal loc' bael Moisés ta lum, te loc' bael ta stojol te faraón, la stoy sc'ab ta sc'oponel te Cajwaltique. Jich ora nax a com te bat soc te ja'ale. Jich ch'ay c'axel te chawuque.

Isaías 28:2

Te Cajwaltic sq'uejoj jtul winic te bayal yipe, jich me yip te bit'il ya xtal te bate, jich bit'il tulanil ic' te jinwaneje, jich bit'il stulanil yip te xchawuquil ja'ale, jich bit'il snojel ja' te ya xmal loq'uel ta sba lumq'uinal te xiweltic nax sbae. Ta sc'ab ya me xch'oj coel ta lum,

Isaías 30:30

Te Cajwaltic ya me yac' ta aiyel stojol sc'op te bayal yipe; ya me yac' ta ilel yu'el te ya x'at'ej soc yilimba te xiweltic sbae, soc c'ajc' te xpulpun nax ta tilel te ya xlajinwane, soc chawuc, ja'al soc bat.

Isaías 32:19

Manchuc me ya xlaj ta bat te ja'male, soc ya xjin te lume,

Joel 2:30

Ya me cac' chicnajuc jchajp at'eliletic ta ch'ulchan soc ta lumq'uinal te muc' sc'oplale: Ch'ich', c'ajc' soc pimil ch'ail ta lumq'uinal.

Santiago 1:11

Yu'un te c'alal ya xloc' tel te c'aale soc teme tulan q'uixnaj te q'uinale, ya xtaquej te wamale, soc ya xlubaj coel te sniche. Tey ya xch'ay a te yutsilale. Ja' nanix jich te jc'uleje, jich ya xch'ay bael ta q'uinal soc te bila ya spas ganar ae.

Josué 10:11

C'alal yacalic ta coel bael ta stojol Bet-horón te amorreoetic te ayic ta anel yu'un te israeletique, te Cajwaltic la yac' tel c'alal ta ch'ulchan muc'ul batetic, jich bit'il ton jul ta sjolic. Ja' c'axem to xan bayal lajic yu'un a te bit'il la smilic ta puñal te israeletique.

1 Pedro 1:24

Melel jich ts'ibubil jilel ta Sjun te Diose: “Spisil ants-winiquetic jich c'oemic te bit'il wamale; soc spisil te yutsilalique, jich c'oem te bit'il snich te wamale. Te wamale ya xtaquej, jich ya xlubaj te sniche.

Apocalipsis 12:4

Ta sne la smes coel jteb ma oliluc te eq'uetic ta ch'ulchane, soc la xch'oj coel ta balumilal. Te muc'ul chane la stejc'an sba ta stojol te ants te ya x'ayinix te yale, swenta yu'un ya me sbic'bey ta ora te c'alal ya x'ayine.

Apocalipsis 16:2

Te sbabial ch'ul abate ba smal ta lumq'uinal te copa yich'oje. Chicnaj c'a'el-chamel te bayal stuile, c'ot ta swentaic te ants-winiquetic te yich'ojbeyic smarca te muc'ul chambalam te xi'bantic sbae soc te la slajin sbaic ta stojol te sloc'ombae.

Apocalipsis 16:21

Soc ch'ay coel ta ch'ulchan niwac bat te ay cha'winic (40) kilo yalal te juju-jp'ije. Te ants-winiquetique la stoybac'optayic Dios yu'un te muc'ul bate, te melel c'ax tulan te castigoe.

Apocalipsis 6:8

Jich la quil cojt' c'anal caballo. Te mach'a cajal ta spate, Lajel xi' te sbiile, soc ts'acal ta spat te Stsobjibal-animaetique. Ac'bot ta swenta jxejt' ta xchanxejt'el te balumilal te ya smil ta puñal, ta wi'nal, ta chamel soc ta ti'el ta jti'awal chambalametic ta balumilal.

Apocalipsis 7:1

Ta patil la quil chantul ch'ul abatetic. Tey tec'ajtic juju-jtul ta bay xchanjejch'elul te balumilale. Scomojic te chanchajp ic' te ya xbeenic ta balumilale, swenta yu'un xujt' ma xbeen ic' ta sba te lum q'uinale soc ta sba te mare, te jich ma stij sba pejt'uc a te te'etique.

Apocalipsis 9:15

Jich colic bael ta chuquel te chantul ch'ul abatetique, swenta yu'un ya xba smilic jteb ma oliluc te ants-winiquetique. Melel ja' swentail te chapalique, ja' to teme ya sta te bi ora soc bi c'aalil soc bi uil soc bi ja'wil te ya xc'ot ta pasele.

Apocalipsis 9:18

Jteb ma oliluc te ants-winiquetic te lajic yu'un te oxchajp miljibale, ja' bi ja' te c'ajq'ue soc ch'ail soc azufre te loc' ta yeic te caballoetique.

Apocalipsis 9:4

Albotic mandal te ma ba ya yuts'inic te aquiltic te ay ta balumilale soc spisil te bitic ya xch'iic ta balumilale soc spisil te te'etique. Ja' nax me ya yuts'inic te jich yipal ants-winiquetic te ma ba yich'oj selloic ta stibaic yu'un te Diose.