Apocalipsis 8:4 - Bible in Tzeltal de Oxchuc y Tenejapa

⁴ Jich mo bael ta stojol Dios xch'ailel te pom te ac'bot ta sc'ab te ch'ul abate. Te xch'ailel te pome, pajal mo bael soc sc'opic te mach'atic ch'ul lum yu'un Dios te yacalic ta sc'oponel te Diose.

Nuevo Testamento Tzeltal de Amatenango

⁴ Te xchꞌailel pome mo bael ta skꞌab te ángel ta sit te Diose. Pajal mo bael sok skꞌopik te machꞌatik yuꞌunik te Diose.

Bible in Tzeltal Bachajón

⁴ Ta sc'ab te ch'ul a'bat xtomet ta mohel sch'ahilel te pom, pajal yac ta mohel ta stojol Dios soc te bintic ya yalic ta sc'oponel Dios te mach'atic ch'ultesbilique.

Apocalipsis 8:4 ပူးပေါင်းရင်းမြစ်များ

Salmos 141:2

Cajwal, lecuc me ta atojol te jc'ope, smesetuc sbujts' yic' jichuc pom ya xc'ot ta atojol; te jc'ab jtoyoj ta atojol, jichuc c'oem te bit'il milbil amajt'an, ja' te amajt'an swenta smalel c'aale.

Éxodo 30:1

“Pasbon jun scajtijib jmajt'an ta acacia, yu'un ya yich' chiq'uel pom a.

San Lucas 1:10

C'alal yac ta xchiq'uel te pome, spisil lum yacalic ta sc'oponel Dios ta bay yamac'ul te temploe.

Hechos 10:4

Te Cornelio la stojlinbey ta ilel sit te ch'ul abate soc bayal xiw yu'un: —¿Bila a, Cajwal? —xi' te Cornelioe. La yal te ch'ul abate: —Dios la sna'atix te bit'il ya ac'opone soc te bit'il ya aq'ueban ataq'uine.

Apocalipsis 15:8

Noj ta ch'ail te temploe. Ja' xch'ailel xojobil yutsilal soc yu'el te Diose. Jtul ma'yuc mach'a ya xju' yu'un te ya x'och tey a ja' to teme lajix ta pasel a te juqueb castigoetic yich'oj ta sc'abic te juctul ch'ul abatetique.

Apocalipsis 8:3

Tal yan ch'ul abat. C'o stejc'an sba ta bay sts'eel scajtijib majt'anil. Yich'oj ta sc'ab te yawil xchic'jibal pom te pasbil ta oroe. Ac'bot ta sc'ab bayal pom swenta stsac'tesjibal sc'oponel Dios yu'un te mach'atic ch'ul lum yu'un te Diose. La yac' ta sba te scajtijib majt'anil te pasbil ta oro te ay ta stojol te muc'ul nactijibale.