Apocalipsis 7:4 - Bible in Tzeltal de Oxchuc y Tenejapa

⁴ Soc la caiy stojol te jayeb yajtalul ta spisilic te la yich' selloilique. Ay waxaclajunwinic ta jbajc' (144,000) te la yich' selloilic ta spisil ta jchajp te israeletique.

Nuevo Testamento Tzeltal de Amatenango

⁴ Y la kaꞌiy te jaytul te machꞌatik jich a akꞌtalanbot smarkaike: siento kuarenta y kuatro mil ta jtul ta spisil te jaytijk israeletike.

Bible in Tzeltal Bachajón

⁴ La jca'iy jaytuhlic te ac'ticlambot yich'ic sello: ha waxaclajunpic (144,000) ta tuhl yu'un spisil ta chahp te yal-snich'nab Israel.

Apocalipsis 7:4 ပူးပေါင်းရင်းမြစ်များ

Génesis 15:5

Soc ic'ot loq'uel ta jamalal la yaiy yu'un te Diose: —Ila awil te ch'ulchane, ajtaya jayeb te eq'uetique, teme ya xju' awu'un yajtayele. Jich me yipal ats'umbal ya xc'ot —xi' sc'oplal.

Éxodo 28:21

Lajchayeb me ta jp'ij te tonetic, melel lajchayeb ta jchajp sbiil te israeletique. Te juju-jp'ij ton ya me yich' najc'anel sbiil tey a te jchajp israele. Jich me ya yich' pasel te bit'il sello te ya yich' ch'ojtilayel ta bojel, te ya x'och sbiilic tey a te lajchaychajp israeletique.

Ezequiel 47:13

La yal te Cajwaltic: —Jo'on Ajwalilon te jich ya cale: Ja' sti'il te lumq'uinal ya yich'ic ac'beyel yu'uninic te lajchaychajp sts'umbal Israel. (Te José cha'sejp me ya xc'ot ta swenta stuquel.)

Ezequiel 48:19

Te mach'atic yacalic ta at'el ta lum, mach'auc sts'umbal Israel te ay ta swenta, ya me x'at'ejic tey ta q'uinale.

Zacarías 9:1

Ja' in to, ja' te sc'op Cajwaltic la yal ta swenta scontroinel te Hadrac soc te lum Damasco. —Te lumetic ta Siria jo'on cu'un te Ajwalilon, jich nix te bit'il te jayeb ta jchajp te sts'umbal Israel.

San Mateo 19:28

Te Jesús jich la yalbey yaiyic: —Jamal ya calbeyex, te bi ora ya yich' pasel ta yach'il spisil te bitic aye, te c'alal ya snajc'an sba ta bay yutsil smuc'ul nactijib te Nich'anile, ja'ex uuc te ajoinejique ya me x'ac'botex anactijibinic lajchayeb muc'ul nactijibaletic, yu'un ya me awaiyic chajbanwanej ta stojol te lajchaychajp israeletique.

San Lucas 14:22

Patil tal yal te abate: “Cajwal, la jpasix te bit'il la awalbon mandale, ja'uc me to, ay to jochol te nactijibale”, xi'.

San Lucas 22:30

Jich me ya xwe'ex soc ya x'uch'ajex ta jmesa te c'alal ayonix ta ajwalinel te jo'one. Ya me xnajc'ajex ta bay muc'ul nactijibaletic ta chajbanwanej ta stojol te lajchaychajp israeletique.

Hechos 26:7

Ta jpisiltic te lajchaychajp sts'umbalotic Israel yacotic ta smaliyel te bi ora ya xc'ot ta pasel te bila yaloj te Diose. Ja' swentail te c'aal ajc'ubal ya jlajin jbatic ta stojol te Diose. Muc' ajwalil Agripa, ma'yuc yan swentail te sleojbonic jmul te judioetic ta Jerusalén, ja' nax te bit'il ay smuc'ul co'tan ta smaliyel te bila yaloj te Diose.

Romanos 9:27

Jich uuc te Isaiase, la yalbey sc'oplal te israeletique: “Manchuc teme jich yipal sts'umbal Israel te bit'il sji'al te mare, ja'uc me to, scomenal xanix te ya xcolique.

Santiago 1:1

Jo'on Santiagoon, yabaton te Diose soc uuc te Cajwaltic Jesucristoe. Ya jpatbeyex awo'tanic ja'ex te lajchaychajbex te sts'umbalex Israel te pujq'uemex ta spamal balumilale.

Apocalipsis 14:1

Patil ay yan la quil. Ja' te Alalchij teq'uel ta bay sba te wits Sione. Sjoinej tey a te waxaclajunwinic ta jbajc' (144,000) ta jtul te ts'ibubil ta stibaic sbiil te Alalchije soc sbiil te State.

Apocalipsis 14:3

Yacalic ta sc'ajintayel ach' c'ayoj ta stojol te muc'ul nactijibale soc ta stojol te chancojt' bitic cuxajtique soc ta stojol te mamaletique. Jtul ma'yuc mach'a ya xju' yu'un snopel te c'ayoje, ja' nax te waxaclajunwinic ta jbajc' (144,000) ta jtul te coltaybilic loq'uel ta yolil te ants-winiquetique.

Apocalipsis 7:5

Ay lajuneb xcha'winic ta bajc' (12,000) ta jtul te sts'umbal Judá te la yich' selloilique, soc ay lajuneb xcha'winic ta jbajc' (12,000) ta jtul te sts'umbal Rubén, soc ay lajuneb xcha'winic ta jbajc' (12,000) ta jtul te sts'umbal Gad,

Apocalipsis 9:16

Soc la caiy stojol te jaytul soldado ay yu'unic te cajajtic ta caballoe. Ay lajunwinic millón (200,000,000) ta jtul ta spisilic te soldadoetique.