Apocalipsis 7:3 - Bible in Tzeltal de Oxchuc y Tenejapa

³ Jich la yal: “Ma to me x'alajinic te lum q'uinale soc te mare soc ni pejt'uc te te'etique. Ja' to teme la cac'beytic sello ta stibaic te abatetic yu'un te Dios cu'untique”, xiic.

Nuevo Testamento Tzeltal de Amatenango

³ Jich a yal: “Ma to awixlanik te balmilale ni te mare ni te teꞌetike, jaꞌ to teme la kaꞌbetik smarkaik ta stiꞌsbaik te machꞌatik jꞌaꞌteletik yuꞌun te Dios kuꞌuntike”, xchi.

Bible in Tzeltal Bachajón

³ hich la yal: Ma to me xajinic te q'uinal, te mar o te te'etic ha to teme la jcac'ticlambecotic sello ta sti'bahic te a'batetic yu'un te Dios cu'untique, xchi.

Apocalipsis 7:3 ပူးပေါင်းရင်းမြစ်များ

Éxodo 12:13

“Te banti ayex soc te anaic, ja' me ya yac' ta na'el te ch'ich'e. Jich yu'un te c'alal ya xc'ax quejch'entes ta lajel te egipcioetic, ma me ayuc ya xlajex jtuluc te ja'exe. Ja' me ya quil te ch'ich'e, c'axel nax me ya xc'axon tey a.

Éxodo 12:23

Yu'un te c'alal ya xc'ax te Cajwaltic ta yejch'entesel ta lajel te egipcioetic, ja' me ya yil te ch'ich' bonbil a te smarcoil sti'il te nae. Jich me c'axel nax ya xc'ax ta bay te nae. Jich yu'un te Cajwaltic ma xyac' x'och ta anaic te lajele.

Isaías 27:8

Dios la yac'bey castigo te lum yu'une, la sticun bael ta yan lum. Xiweltic nax sba ta jujch'iyel bael ta loq'uesel, jich bit'il ya xjujch'iwan tel tulan ic' ta sloq'uib c'aal.

Isaías 54:17

ja'uc me to, ma'yuc mach'a spasoj te at'ejibaletic te ya xju' ya sjinate. Ya me awac' xmajc' jilel ye te mach'a ya sleat ta c'ope. Ja' ya cac'bey te ya yaiy tsalaw te mach'atic ya yac' sbaic ta abatinel cu'une —xi'. Jich la yal te Cajwaltique.

Isaías 6:13

Teme ay jtul ya xjil ta lajlajuneb te lume, ja' ni me jich ya yich'ic jinel. Jich bit'il ya yich' ts'etel jijte', ja' nax ya xjil te xchumante'al —xi'. (Ja'uc me to, ta xchumante'al, ya me xloc' tel xch'ul spul.)

Isaías 65:8

Te Cajwaltic ya yal: —C'alal ay bayal ya'lel te ts'usube, te ants-winiquetic ma ba ya xch'ayic ni jtebuc, melel ya me xju' sloq'uesic bayal vino. Jich nix me ya jpas te jo'one, ta swenta xc'uxul co'tan ta stojol te abatetic cu'une, ma ba ya jin spamal te nacione.

Ezequiel 9:4

jich la yalbey: —Beentaya te Jerusalén, ac'beya seña ta sti'ba te mach'atic ya smel yo'tanic yu'un, te bitic ilaybil sba te yac ta c'oel ta pasel yu'un te slumalique —xi'.

Daniel 3:17

Melel te jo'otique, ay Dios cu'untic te ch'uunbil cu'untique. Te Dios cu'untic ja' me ya scoltayotic ta c'ajc' ta horno, soc ta spisil te bitic amen ya ac'an ya apas ta jtojoltique. Ya me scoltayotic stuquel.

Daniel 3:26

Te c'alal jich yac ta yalel a te Nabucodonosor, noptsaj bael ta sti'il te horno, jajch' ta aw, jich la yal: —¡Sadrac, Mesac, Abed-nego, abatetic yu'un Dios ta mero Toyol, la', loc'anic tel, la'ic li' ta banti ayoni! —xi'. Ta yoxebalic loq'uic tel ta yolil te c'ajc' yac ta tilele.

Daniel 6:16

Ja' yu'un te muc' ajwalil la sticun ta iq'uel te Daniel, swenta yu'un ya xch'ojic ochel ta xch'en te león-chojetique. Pero te c'alal ma to ba ch'ojbil coel a te Daniel, jich albot yu'un te muc' ajwalile: —Te Dios awu'une, ja' te mero jun awo'tan awac'oj aba ta abatinel yu'un, ac'a scoltayat —xi'.

Sofonías 2:3

Leaic Cajwaltic ta apisilic te ja'ex te peq'uelex ta balumilal, mach'aex ach'uunejbeyic te smandale. Toj xawac' abaic soc pejc'ana abaic, te ayuc bit'il ya ataic canantayel a te sc'aalelal yilimba te Cajwaltique.

Malaquías 3:18

Jich yu'un te ja'ex ya me ana'ic stojol ta yan buelta, te yan yilel te mach'a leque soc te mach'a amene, soc yan yilel te mach'a ya squejan sba ta xch'uunel Dios soc te mach'a ma squejan sba ta stojole —xi' te Cajwaltique.

San Mateo 24:22

Te manchuc yacuc scombey sc'aalelal te Diose, ma'yuc mach'a ya xcol jtuluc te jichuque. Ja'uc me to, chapalix yu'un te ya yich' comel ta scaj te mach'atic tsabilic yu'une.

San Mateo 24:31

Te c'alal ya x'oc' tulan te oq'uese, ya me sticun bael te ch'ul abatetic yu'une. Ya me xba stsobic tel ta xchanjejch'elul q'uinal ta spamal balumilal te mach'atic tsabilic yu'une.

San Juan 12:26

Teme ay mach'a ya sc'an ya yac' sba ta abat cu'une, ac'a me sts'aclinon bael. Melel te bay ya xc'oon te jo'one, tey me ya xc'ot uuc te cabate. Te mach'a ya yac' sba ta abatinel cu'une, ya me x'ac'bot yich' yutsilal yu'un te Jtate.

San Juan 3:33

Yan teme ay mach'a ya xch'uune, ya yac' ta na'el te bit'il melel te bila ya yal te Diose.

Romanos 6:22

Yan ta ora to, colemex ta libre yu'un te mulile. Ja' ayexix ta abatinel yu'un te Diose. Ja' me sit ya ataic a te bit'il yanyanex ta lecubele, soc ta slajibal, ja' te cuxlejal sbajt'el q'uinale.

Apocalipsis 13:16

Soc la yal te puersa me ya x'ac'bot yich'ic marca ta swa'el sc'abic o teme ta stibaic spisil ants-winiquetic manchuc teme muc' biq'uite, teme jc'uleje o teme ma'yuc bi ay yu'unique, teme ayic ta libre o teme ayic ta mosoile.

Apocalipsis 13:17

Jtul ma'yuc mach'a ya yaiy manbajel soc chonbajel teme ma ba yich'oj te marcae o te sbiil te muc'ul chambalam te xi'bantic sbae, o te snumeroil te sbiile.

Apocalipsis 14:1

Patil ay yan la quil. Ja' te Alalchij teq'uel ta bay sba te wits Sione. Sjoinej tey a te waxaclajunwinic ta jbajc' (144,000) ta jtul te ts'ibubil ta stibaic sbiil te Alalchije soc sbiil te State.

Apocalipsis 14:9

Tsac'linot yu'un yan ch'ul abat te ja' yoxebalix a. Jich la yal ta aw: “Te mach'atic ya slajin sbaic ta stojol te muc'ul chambalam te xi'bantic sbae soc ta stojol te sloc'ombae soc te ya yich'beyic smarca ta stibaique o ta sc'abique,

Apocalipsis 19:2

Yu'un toj awo'tan ya awac' castigo ta swenta te bila smelelile, melel la awac'beyix castigo te mero jmulawil ants te la sboltes ta smulwej spamal te balumilale. Dios la yac'beyix stoj te la smilbey te abatetic yu'une”, xiic.

Apocalipsis 20:4

Soc la quil te ay muc'ul nactijibaletique. Te mach'atic nacalic tey ae, yich'oj yat'elic ta chajbanwanej. Soc la quilbey xch'ulelic te mach'atic la yich'ic coq'uel sjolic ta scaj te la yalic ta jamal ta testigo-c'op te Jesuse, soc ma'yuc banti la slajin sbaic ta stojol te muc'ul chambalam te xi'bantic sbae soc ta stojol te sloc'ombae, soc ma la xch'uunic yich'el smarca ta stibaic o ta sc'abic. La quil cha'cuxic spisilic soc la quil te sjoinejic ta ajwalil jmil (1,000) ja'wil te Cristoe.

Apocalipsis 22:4

Ya me yilbeyic sit Dios ta sitic, soc ta stibaic ts'ibubil te sbiile.

Apocalipsis 6:6

La caiy stojol te ay mach'a c'opoj ta yolilal te chancojt' te bitic cuxajtique, te jich la yale: “Cheb libra trigo ta jun denario stojol, soc waqueb libra cebada ta jun denario. Yan te aceite soc te vino ma me xawac' ch'ayuc stuquel”, xi'.

Apocalipsis 7:1

Ta patil la quil chantul ch'ul abatetic. Tey tec'ajtic juju-jtul ta bay xchanjejch'elul te balumilale. Scomojic te chanchajp ic' te ya xbeenic ta balumilale, swenta yu'un xujt' ma xbeen ic' ta sba te lum q'uinale soc ta sba te mare, te jich ma stij sba pejt'uc a te te'etique.

Apocalipsis 7:2

Soc la quil yan ch'ul abat te moj tel ta bay sloq'uib c'aal. Yich'oj tel ta sc'ab te sello yu'un te cuxul Diose. Ja' in ch'ul abat to tulan awun ta yawtayel te chantul ch'ul abatetic te yich'oj yat'elic ta lajinwanej ta bay lum q'uinal soc ta bay te mare.

Apocalipsis 9:4

Albotic mandal te ma ba ya yuts'inic te aquiltic te ay ta balumilale soc spisil te bitic ya xch'iic ta balumilale soc spisil te te'etique. Ja' nax me ya yuts'inic te jich yipal ants-winiquetic te ma ba yich'oj selloic ta stibaic yu'un te Diose.