Apocalipsis 7:11 - Bible in Tzeltal de Oxchuc y Tenejapa

¹¹ Spisil te ch'ul abatetique, tec'ajtic ta bay sjoylejal te muc'ul nactijibale soc te chaneb xcha'winic (24) ta jtul mamaletique soc te chancojt' te bitic cuxajtique, la spajc'an sbaic ta lum ta stojol te muc'ul nactijibale. Jich la yich'ic ta muc' te Diose.

Nuevo Testamento Tzeltal de Amatenango

¹¹ Y spisil te angeletike te tekꞌajtik ta sjoylejal te ba ay te mukꞌul naktajibale, sok te machꞌatik lom mamalikixe, y sok te chaneb tutik kuxajtike, la skejan sbaik asta la sta lum te stiꞌsbae ta sit Dios te ba ay te mukꞌul naktajibale, asta la sta lum te stiꞌsbae y la yichꞌik ta mukꞌ te Dios.

Bible in Tzeltal Bachajón

¹¹ Spisil te ch'ul a'batetic, te mamaletic soc te chaneb bintic cuxajtic sjoytayejic ta tec'lej te muc'ul huctajibal, la spahcan sbahic ta stojol te muc'ul-huctajibal soc la sch'uhuntayic te Diose,

Apocalipsis 7:11 ပူးပေါင်းရင်းမြစ်များ

Salmos 45:11

Melel te muc' ajwalil ya smulanbat te at'ujbilale; ja' yu'unatix, ja' yu'un, ya me ach'uunbey smandal.

Salmos 97:7

Ma'yuquic ta q'uinal ya yaiyic te mach'atic xch'uunejic te loc'ombaetic, ja' te mach'atic stoyoj sbaic yu'une. Spisil te bitic cuybil ta Dios ya stinan sbaic ta stojol.

San Mateo 4:10

Jesús la yalbey: —Baan, q'ueja aba, Satanás. Melel jich ts'ibubil ta Sjun Dios: “Ja' nax me x'awich' ta muc' te Cajwaltic te Diose, soc ja' nax me ya awac' aba ta abatinel ta stojol stuquel”, te xie —xi'.

San Juan 5:23

swenta yu'un ya me yich'ic ta muc' te Nich'anile, jich nix te bit'il ay ta ich'el ta muc' te Tatile. Te mach'a ma xyich' ta muc' te Nich'anile, ja' ma xyich' ta muc' uuc te Tatil te ticunwan tele.

Hebreos 1:6

Soc te c'alal tal ta balumilal te Sba Snich'ane la yal mandal: “Ac'a ich'otuc ta muc' yu'un spisil te ch'ul abatetic yu'un te Diose”, xi'.

Apocalipsis 11:16

Jich te chaneb xcha'winic (24) ta jtul mamaletic te nacalic ta smuc'ul nactijibic ta stojol te Diose, la spajc'an sbaic ta lum ta yich'el ta muc' te Diose.

Apocalipsis 15:4

¿Cajwal, ay bal mach'a te ma xi'ate? ¿Soc ay bal mach'a te ma xyalbat yutsil ac'oplale? Melel atuquel nax te ch'ul Diosate. Ya me xtalic ta atojol spisil ta jchajp te nacionetique soc ya me slajin sbaic ta atojol. Yu'un chican ta comonsitil te toj spisil te bila la apasixe”, xiic ta c'ayoj la caiy.

Apocalipsis 22:9

Ja'uc me to, la yalbon: —Ma me xapas jich. Melel te jo'one, yabaton uuc te Diose jich te bit'ilat soc spisil te awermanotac te j'alwanejetique soc spisil te mach'a ya yac' ta yo'tanic te bila ts'ibubil li' ta bay in jun to. Ja' me xalajin aba ta stojol te Diose —la yuton.

Apocalipsis 4:10

Te chaneb xcha'winic (24) mamaletique ya squejan sbaic ta stojol te mach'a nacal ta smuc'ul nactijib te stalel cuxul sbajt'el q'uinale. Ya scojt'es scoronaic ta stojol te muc'ul nactijibale soc jich ya yalic:

Apocalipsis 4:4

Ta sjoylejal te muc'ul nactijibale, la quil chaneb xcha'winic (24) nactijibaletic te tey nacalic a te chaneb xcha'winic (24) ta jtul mamaletic. Sac te sc'u'-spac' slapojique soc ay scorona ta sjolic te pasbil ta oro.

Apocalipsis 4:6

Soc ay bila pamal tey a ta bay stojol te muc'ul nactijibale, pajal yilel soc mar te xlemet nax jich bit'il te espejoe. Ta yolilal ta bay xchantselel xchiquin te muc'ul nactijibale, ay chancojt' te bitic cuxajtic la quil tey a te ay sitic ta scojt'ol ta yelawic soc ta spatic.

Apocalipsis 4:8

Ta xchanebal te bitic cuxajtique ay waqueb xiq'uic te juju-jcojt'e. Nojel ta sitic te yutil xiq'uique soc te spat xiq'uique. C'aal ajc'ubal ma xquejch'ajic ta yalel: “Ch'ul Dios, ch'ul Dios, ch'ul Dios. Ja' te Cajwaltic Dios te Spisil ya xju' yu'une, ja' te mach'a ay ta namey tele, soc te mach'a stalel aye, soc te mach'a jtalelixe”, xiic.