Apocalipsis 7:10 - Bible in Tzeltal de Oxchuc y Tenejapa

¹⁰ Spisilic tulan yacalic ta aw. Jich yacalic ta yalel: “Te colele ay ta swenta te Dios cu'untic te nacal ta smuc'ul nactijibe soc ta swenta te Alalchije”, xiic.

Nuevo Testamento Tzeltal de Amatenango

¹⁰ Spisilik xꞌawlajan ta tulan kꞌop. Jich la yalik: “¡Ay jkoleltik ta skuenta te Dios kuꞌuntike te nakal ta smukꞌul naktajibe y sok ta skuenta te Chꞌin Karnerae!” xchiik.

Bible in Tzeltal Bachajón

¹⁰ Tulan hich yacalic ta c'op: Ay colel ta scuenta te Dios cu'untic te hucul ta muc'ul-huctajibal, soc ta scuenta te Jcolel Tuminchij, xchihic.

Apocalipsis 7:10 ပူးပေါင်းရင်းမြစ်များ

Apocalipsis 19:1

Patil la caiy stojol te ay tsobol ants-winiquetic te tulan yacalic ta c'op ta bay te ch'ulchane, te jich la yalique: “¡Ay yutsilal! Stuquel nax ay colel ta swenta te Dios cu'untique. Ay bayal yu'el soc jelawen yutsilal.

Salmos 3:8

Te ja'at, Cajwal, ya xcoltaywanat; jich yu'un ac'beya bendición te lum awu'une.

Apocalipsis 12:10

Soc la caiy stojol te ay mach'a tulan yac ta c'op ta ch'ulchan te jich la yale: “Talix yorail te colele. Te Cajwaltic Diose ay yu'el soc ja' ay ta ajwalinel stuquele, soc yac'ojbeyix yat'el te Cristo yu'une. Yu'un la yich'ix ch'ojel loq'uel ta fuera te mach'a la sleulaybey smul te quermanotactic, te c'aal ajc'ubal la sleulaybey smulic ta stojol te Dios cu'untique.

Isaías 45:21

Ac'a c'opojicuc soc ac'a stejc'an sbaic ta yaq'uel pruebaetic, ac'a sjojc'obey sbaic, teme jich yo'tanique: “¿Mach'a la sneeltesbey sc'oplal ta alel ta xjajch'ibal in bitic to? ¿Mach'a la yalbey sc'oplal c'alal ta namey tel?” xiuquic me. ¿Ma bal jo'ucon te Ajwalilone? Ma'yuc yan Dios jich bit'ilon. Ta jtojol ma'yuc yan Dios te ya yaiy tsalaw soc te ya xcoltaywane.

Apocalipsis 22:3

Xujt' ma'yuquix tey a te bila ya x'ac'ot bael ta ch'ayele. Te smuc'ul nactijib te Diose soc te Alalchije ay ta yolil te lume, soc te abatetic yu'une ya me slajin sbaic ta stojol Dios tey a.

Efesios 2:8

Melel ta swenta nax yutsil yo'tan Dios te colemex ta swenta xch'uunjel awo'tanic. Ma ja'uquex te la acoltay aba atuquelique, melel amajt'anic yu'un Dios te colemexe.

San Juan 1:29

Ta yan c'aal te Juan la yil te yac ta noptsajel tel Jesús tey a te banti aye. Jich caj yal yu'un: —Ilawilic in to. Ja' te mero Alalchij yu'un Dios, te ya xch'aybey smul spisil te mach'atic ayic ta balumilale.

Isaías 43:11

Jo'on nax jtuquel te Ajwalilone; ma'yuc yan mach'a ya xju' ya xcoltaywan, jo'on nax jtuquel —xi'.

Apocalipsis 21:5

Soc jich la yal te mach'a nacal ta muc'ul nactijibale: “Ila me awilic, ya jpasix ta yach'il spisil te bitic aye”, xi' la caiy. Soc jich la yalbon: —Ts'ibuya ta jun te bila la cale. Ja' in to, ja' te smelelil c'op te ya xju' ya xch'uun awo'tane —la yuton.

San Lucas 3:6

Spisil ants-winiquetic ya me yilic ta sitic te bit'il ay colel yu'un te Diose’, xi' me ta aw”, xi' te Isaiase.

Jeremías 3:23

Ma'yuc bila la jtatic a te ya xbootic ta ch'in witstiquil, o te ya x'awunotic ta sba witstiquil; ja' nax ta swenta Cajwaltic te Dios cu'untic te ya jtatic jcoleltic, jo'otic te israelotique.

Apocalipsis 5:7

Te Alalchije ba stsac te balbil jun te ay ta swa'el sc'ab te mach'a nacal ta muc'ul nactijibale.

Apocalipsis 4:6

Soc ay bila pamal tey a ta bay stojol te muc'ul nactijibale, pajal yilel soc mar te xlemet nax jich bit'il te espejoe. Ta yolilal ta bay xchantselel xchiquin te muc'ul nactijibale, ay chancojt' te bitic cuxajtic la quil tey a te ay sitic ta scojt'ol ta yelawic soc ta spatic.

San Juan 4:22

Te ja'exe ma x'ana'ic te mach'a ya alajin abaic ta stojole. Yan te jo'otique ya jna'tic te mach'a ya jlajin jbatic ta stojole, melel ta swenta nax judioetic te ya xchicnaj colele.

San Juan 1:36

La yil yac ta c'axel bael te Jesuse. Jich la yal te Juane: —¡Ilawilic in to. Ja' te mero Alalchij yu'un te Diose! —xi'.

Zacarías 9:9

¡Binuc nax me awo'tan, lum Sión! ¡C'ajinanic swenta yutsil q'uinal awaiyic, yajwal Jerusalén! Te muc' Ajwalil awu'un ya me xtal ta atojol, buen toj yo'tan, soc ju'em yu'un tsalaw stuquel. Pero peq'uel yac'oj sba, cajal ta jcojt' burro, ta yal me' burra.

Jonás 2:9

yan te jo'one bin nax co'tan ya calbat yutsil ac'oplal soc ya cac'bat milbil amajt'an. Jich me ya xc'ot ta pasel a te bila caloj ta atojole. Ja'at nax atuquel Cajwal, te ya xju' ya xcoltaywanate —xi' te Jonase.

Oseas 13:4

Ya yal te Cajwaltique: —Jo'on Ajwalilon, Dioson awu'un c'alal ayat to ta Egipto. Ma me ayuc yan mach'a ya acuy ta Dios, jo'on nax me jtuquel; melel jo'on nax me jcoltaywanejon awu'un.

Isaías 45:15

Ja'uc me to, ja' Diosat atuquel te ma chicanucat ta ilele, Diosat te Jcoltaywanejat yu'un Israel.

Salmos 115:1

Ja'at Cajwal, ac'a aba ta ich'el ta muc', ma me ja'uc te jo'otique; ta swenta te xc'uxul awo'tan soc ta swenta te jun awo'tan ta jtojoltic, ac'a aba ta ich'el ta muc'.

Salmos 37:39

Te coltayel ya xjul ta stojolic te mach'atic lec yo'tanic, ja' ya yac' tel te Cajwaltique, ja' me ya sta yipic yu'un ta yorail teme ay bila chujc'ul ae.

Zacarías 4:7

“Ja'at muc'ul wits, ¿Mach'a ya acuy aba a? Ya me xc'atp'ujat ta spamlej ta stojol Zorobabel. Ja' me ya yac' te ton bayal sc'oplal te c'alal yacalic ta aw a te ants-winiquetique: “¡Mero t'ujbil! ¡Mero t'ujbil!” xiic ta aw —xi' te ch'ul abate.