Apocalipsis 6:4 - Bible in Tzeltal de Oxchuc y Tenejapa

⁴ Loc' tel yan tsajal caballo. Te mach'a cajal ta spate ac'bot yat'el ta xch'ayel te lamal q'uinal ta balumilale, swenta yu'un jich me talel c'axel ya smil sbaic. Soc ac'bot smuc'ul puñal.

Nuevo Testamento Tzeltal de Amatenango

⁴ Y lok tal yan xan kawu. Te skolorile tsaj, y te machꞌa moem aye la yichꞌ spoder yuꞌun ba spoj tal te bujtsꞌan kꞌinal ta balmilale y yuꞌun jich ya spas te genteetik te talel bael ya smil sbaike. Sok aꞌbot jun mukꞌul puñal.

Bible in Tzeltal Bachajón

⁴ Hich loc' tal jcoht tsajal cawu. Te mach'a cajal tey a a'bot yip ta sjinel te lamal q'uinal ta bahlumilal soc te talel c'axel ya smil sbahic te ants-winiquetic. Soc a'bot yich' muc'ul espada.

Apocalipsis 6:4 ပူးပေါင်းရင်းမြစ်များ

Salmos 17:13

Cajwal, jajch'an, nujp'usitaya aba soc. Ac'beya squejan sbaic ta atojol. Te mach'a amen ta jtojole ja' me ya acoltayon a te apuñale.

Daniel 5:19

Ta swenta te yip ac'bot yu'un te Diose, ich'ot ta muc' yu'un spisil ants-winiquetic ta spisil lumetic soc nacionetic soc c'opiletic. Ya xtal nijq'uel yu'un xiwel ta yo'tanic ta stojol. Ya xju' ya smil te mach'a ya sc'an ya smile, soc ma ba ya smil te mach'a ma ba ya sc'an ya smile. Ay yantic la yac' toyuc sc'oplal soc ay yantic la yac' pejc'ajuc sc'oplalic.

Zacarías 1:8

Ay jun ajc'ubal, ay bila la quil yilel: Ay mach'a la quil cajal ta tsajal caballo, cotol ta sjuclej ta yolil ch'in te'etic te mirto sbiile. Ta sjejch'elul bael ay jtsojp caballoetic, ay tsajic, soc ay ijc'al-tsaj, soc ay saquic.

Zacarías 6:2

Te sbabial carreta nitbil yu'un tsajal caballoetic. Te xchebale, nitbil ta ijc'al caballoetic.

San Mateo 10:34

“Ma me xacuyic te tal cac' lamajuc q'uinal ta balumilal. Tal cac'bey scontroin sbaic.

San Mateo 24:6

Soc ya me awaiyic stojol te ay guerra lum to soc te ay guerra ta c'ubule, ja'uc me to, ma me xnijc' awo'tanic yu'un. Melel puersa me jich ya xc'ot ta pasel, ja'uc me to, ma to ja'uc te slajibal c'aale.

San Juan 19:11

Jesús la yalbey: —Ma'yuc awat'el ta jtojol te manchuc yac'ojbat te Diose. Jich yu'un te mach'a la yac'on ta ac'abe, ja' c'ax to xan ay smul stuquel —xi'.

Apocalipsis 12:3

Soc chicnaj yan seña ta yolil ch'ulchan, ja' te muc'ul tsajal chan te xi'bantic sbae. Ay juqueb te sjole soc lajunch'ix xulub, soc ay scorona juju-jp'ij te sjole.

Apocalipsis 13:10

Te mach'a jich sc'oplal ya yich' chuquel, ya me yich' chuquel. Soc te mach'a jich sc'oplal ya yich' milel ta puñal, ya me yich' milel ta puñal. Ja' in to ja' smuc'ul co'tantic te ya sts'ijc' cu'untic ta swenta xch'uunjel co'tantic soc te mach'atic ch'ul lum yu'un te Diose.

Apocalipsis 17:3

Te Espíritu la swentainon ta yu'el. Jich ic'bilon bael la caiy c'alal ta jochol taquin q'uinal yu'un te ch'ul abate. Tey la quil jtul ants a te cajal ta spat tsajal chambalam te xi'bantic sbae, scojt'ol ts'ibubil biililetic swenta stoybac'optayel te Diose. Ay jucp'ij sjol soc lajunch'ix xulub.

Apocalipsis 17:6

La quil te antse yacuben yu'un xch'ich'el te mach'atic ch'ul lum yu'un te Diose soc te xch'ich'el te mach'atic la yich'ic milel yu'un te la yalic ta jamal te xch'uunejic te Jesuse. Te c'alal la quile, cham nax la caiy yu'un.