Apocalipsis 6:2 - Bible in Tzeltal de Oxchuc y Tenejapa

² Jich la quil cojt' saquil caballo. Te mach'a cajal ta spate yich'oj t'imalte' ta sc'ab, soc ac'bot scorona ta sjol. Ju' yu'un tsalaw, ta swenta tsalwanej.

Nuevo Testamento Tzeltal de Amatenango

² La kil, y la jta ta ilel jkojt sakil kawu, y te machꞌa moem aye yichꞌoj ta skꞌab jun tꞌim. Sok aꞌbot jun skorona. Yaꞌiyojix tsalaw y lokꞌ bael yuꞌun ba tsalawanuk xan.

Bible in Tzeltal Bachajón

² Hich la jquil ay jcoht saquil cawu. Te mach'a cajal tey a yich'oj st'ihmalte' soc a'bot scorona, ha jtsalawal te loc' bahel ta ya'iyel tsalaw.

Apocalipsis 6:2 ပူးပေါင်းရင်းမြစ်များ

Salmos 110:2

C'alal to ta Sión ya yac'bat ta ac'ab Cajwaltic te abastón, seña yip te awat'ele. Mandalajan atuquel ta stojol te acontrotaque.

Salmos 76:7

Mero xi'bilat atuquel. ¿Mach'a ya xju' yu'un ya stejc'an sba ta atojol te c'alal ya xtil jajch'el sc'ajc'al te awo'tane?

Salmos 98:1

C'ajintayaic Cajwaltic ta yach'il c'ayoj, yu'un jchajp nax a te yat'el spasoje; la yaiyix tsalaw ta smuc'ul yu'el soc te xch'ul-c'abe.

Isaías 25:8

Te Cajwaltic ya sjin ta sbajt'el q'uinal te lajele. Ya me scusbey loq'uel ya'lel sitic ta spisilic; ya me yac' xch'ay ta jc'axel ta spamal balumilal te bit'il boloben sc'oplal te lum yu'une. Te Cajwaltic ja' yaloj stuquel.

Zacarías 1:8

Ay jun ajc'ubal, ay bila la quil yilel: Ay mach'a la quil cajal ta tsajal caballo, cotol ta sjuclej ta yolil ch'in te'etic te mirto sbiile. Ta sjejch'elul bael ay jtsojp caballoetic, ay tsajic, soc ay ijc'al-tsaj, soc ay saquic.

San Mateo 28:18

Te Jesús noptsaj tel tey a ta banti ayique. Jich la yal: —Spisil ac'botonix tulan cat'el ta swentainel ch'ulchan soc balumilal.

1 Corintios 15:25

Melel te Cristoe, puersa me ya x'och ta ajwalinel, ja' to teme la xpech' ta teq'uel spisil te yajcontroe.

Apocalipsis 11:15

Te sjuquebal ch'ul abat la yoq'uesin te oq'uese. Ay mach'atic tulan c'opojic ta ch'ulchan la caiy te jich la yalique: “Spisil te muc' ajwaliletic ta balumilal soc te bila ay ta swentaique, ayix ta swenta stuquel te Cajwaltique soc te Cristo yu'une. Ja' me ay ta ajwalinel sbajt'el q'uinal stuquel”, xiic la caiy.

Apocalipsis 11:18

Ilinix yo'tanic te nacionetique. Ja'uc me to, c'otix yorail te awilimbae, soc c'otix yorail te ya awilbey yat'elic te mach'atic lajemique, soc te ya awac'bey stojol sc'abic te abatetic awu'un te yacalic ta yaiyel j'alwaneje, soc te jayeb te mach'atic ch'ul lum yu'un te Diose, soc spisil mach'atic yich'oj ta muc' te abiile, chican teme muc' biq'uite, soc c'otix yorail te ya awac' ta lajel te mach'atic ya sboltesic te balumilale”, xiic ta yalel.

Apocalipsis 14:14

Ay yan la quil: Ja' te saquil tocale, soc ay mach'a nacal ta sba te ja' pajal soc te Nich'anile. Ay scorona ta sjol te pasbil ta oro, soc ay ta sc'ab te os te ay yee.

Apocalipsis 15:2

Soc ay bi yan la quil te pamal jich bit'il mar te xlemet nax jich bit'il espejo te ay sc'aal yac ta tilel ta spamlejale. La quil tec'ajtic ta bay mar yilel spisil mach'atic te ju' yu'unic te ma ba la yich'ic ta muc' te muc'ul chambalam te xi'bantic sbae soc te sloc'ombae soc snumeroil te sbiile. Yich'ojic ta sc'abic yarpaic te ac'botic yu'un te Diose.

Apocalipsis 17:14

Ya me spasic guerra soc te Alalchije, ja'uc me to, ya stsalotic yu'un. Melel ja' Ajwalil yu'un te ajwaliletique, soc ja' Muc' Ajwalil yu'un te muc' ajwaliletique. Te mach'atic sjoinej sbaic soque, tsabilic soc ic'bilic yu'un te Diose, soc jun yo'tanic ta stojol —la yuton.

Apocalipsis 19:14

Ts'aclinot yu'un tsobol soldadoetic te ayic ta ch'ulchan. Slapojic lequil lino-pac' te buen saque, soc cajalic ta saquil caballoetic.

Apocalipsis 3:21

Te mach'atic ya xju' yu'unic tsalawe, ya me sjoinon ta naclej ta banti te muc'ul nactijibal cu'une, jich nix te bit'il caiyoj tsalaw te jo'one soc te joinejix ta naclej ta bay smuc'ul nactijib te Jtate.

Apocalipsis 9:7

Te c'ulubetique jich yilelic te bit'il caballoetic te chapalic yu'un guerrae. Ta sjolic ay bila jich yilel te bit'il corona te pasbil ta oroe. Te sit yelawique pajal yilel soc sit yelaw ants-winic.