Apocalipsis 5:9 - Bible in Tzeltal de Oxchuc y Tenejapa

⁹ La sc'ajintayic jcum yach'il c'ayoj: “Ay ta awenta atuquel te ya xju' awu'un stsaquel te balbil june soc sjamel te selloetique. Yu'un la awich' milel, soc ta swenta ach'ich'el la amanbeyix yu'unin Dios tsobol ta jchajp sts'umbal ants-winiquetic te yanyantic sc'opique soc te yanyantic slumalique soc te yanyantic nacionetic ta balumilale.

Nuevo Testamento Tzeltal de Amatenango

⁹ Y la skꞌayojinik te achꞌ kꞌayoj to: “Jaꞌat atukel te ya xjuꞌ awuꞌun yichꞌel te balbil june y ta xchꞌiꞌel te seyoetik yichꞌoje. Yuꞌun la awichꞌ milel, y la amal achꞌichꞌel yuꞌun la aman ta stojol Dios genteetik ta spisil ta jkaj stsꞌumbal, te skajal skaj skꞌop sok jtejklum sok nasion.

Bible in Tzeltal Bachajón

⁹ Soc la sc'ayojtayic yach'il c'ayoj te hich ya yal: Ha mero awu'un te yac atsac te balbil hun soc te yac ajam te sellohetic yu'une, como ha'at la awich' milel, soc ta scuenta ach'ich'el la amambe scolel te ants-winiquetic te ha yu'un Dios ya xc'ohtic, ta spisil ta chahp ts'umbaliletic, c'opiletic, pueblohetic soc nacionetic.

Apocalipsis 5:9 ပူးပေါင်းရင်းမြစ်များ

Salmos 144:9

Cajwal, ya jc'ajintaybat awaiy yach'il c'ayoj; ya jc'ajintaybat awaiy c'ayoj soc muc'ul arpa.

Salmos 149:1

¡Bin nax yutsil te Cajwaltique! C'ajintayaic ta yach'il c'ayoj te Cajwaltique; albeyaic yutsilal ta bay stsoboj sbaic te mach'atic jun yo'tanique.

Salmos 33:3

c'ajintaya yach'il c'ayoj, tijaic lequil músicaetic ta yalbeyel wocol.

Salmos 40:3

La yac'bon ta co'tan yach'il c'ayoj, sc'ayojil yutsilal te Dios cu'untique. Te mach'a la yilic te bila c'ot ta pasele, ay tsobol xiw yo'tanic yu'un, ja' la yipin yo'tanic te Cajwaltique.

Salmos 96:1

C'ajintayaic Cajwaltic ta yach'il c'ayoj; c'ajintayaic Cajwaltic, apisilic te nainemex ta balumilale;

Salmos 98:1

C'ajintayaic Cajwaltic ta yach'il c'ayoj, yu'un jchajp nax a te yat'el spasoje; la yaiyix tsalaw ta smuc'ul yu'el soc te xch'ul-c'abe.

Isaías 42:10

C'ajintayaic te Cajwaltic ta yach'il c'ayoj; c'alal ta bay c'ubul ayex ta balumilal, albeyaic yutsil ja'ex te ya xbeenex ta barco ta mar, soc te chambalametic nainemic tey a, te lumetic ta ti'ti'mar soc te yajwalique.

Daniel 3:4

Te mach'a ay ta swenta yalel te bi ora ya xjajch' te q'uine, jich la yal ta tulan: —Winiquetic te talemex ta juju-jpam lumetic, ta spisil ta jpam nacionetic soc ta spisil ta jchajp c'opiletic, aiybon awaiyic jc'op:

Daniel 4:1

Te muc' ajwalil Nabucodonosor la sts'ibubey jun ta stojolic te ants-winiquetic ta spisil nacionetic soc ta spisil c'opiletic ta q'uinal, jich la yalbey: “Ac'a lamajuc q'uinal awaiyic soc ac'a toyuc xan yutsil awo'tanic.

Daniel 5:19

Ta swenta te yip ac'bot yu'un te Diose, ich'ot ta muc' yu'un spisil ants-winiquetic ta spisil lumetic soc nacionetic soc c'opiletic. Ya xtal nijq'uel yu'un xiwel ta yo'tanic ta stojol. Ya xju' ya smil te mach'a ya sc'an ya smile, soc ma ba ya smil te mach'a ma ba ya sc'an ya smile. Ay yantic la yac' toyuc sc'oplal soc ay yantic la yac' pejc'ajuc sc'oplalic.

Daniel 6:25

Jich te muc' ajwalil Darío la sts'ibubey jun ta stojolic te ants-winiquetic ta spisil nacionetic soc ta spisil c'opiletic ta q'uinal, jich la yalbey: “Ac'a lamajuc q'uinal awaiyic soc ac'a toyuc xan yutsil awo'tanic.

San Mateo 20:28

Jich bit'il te Nich'anile ma ja'uc talem yu'un te ay mach'a ya yabatine. Ja' talem yu'un te ya yac' sba ta abatinel, soc te ya yac' sba ta lajel swenta stojol scolel tsobol ta jtul —xi' te Jesuse.

San Mateo 26:28

Ja' jch'ich'el in to, ta swenta te yach'il trato te ya yich' malel swenta perdón yu'un smulic te tsobol ta jtule.

Hechos 20:28

Jich yu'un tsajtaya me abaic ja'ex, soc canantayaic ta stsojbol te chijetic ta banti yac'ojbeyex awat'elic ta scanantayel te Ch'ul Espiritue. Canantayaic te jch'uunjeletic yu'un te Cajwaltic te manbil ta xch'ich'el yu'une.

1 Corintios 6:20

melel toyem atojolic la smanex te Diose. Jich yu'un ich'a ta muc' Dios soc te abaq'uetalique [soc uuc te ach'ulelique, melel yu'un Dios ta xchebalic.]

1 Corintios 7:23

Melel toyem atojolic manbilex. Jich yu'un ma me xawac' abaic ta mosoil yu'un ants-winiquetic ta balumilal.

Efesios 1:7

La smanbotiquix jcoleltic ta swenta te xch'ich'ele. Jich la spasbotiquix perdón yu'un jmultic ta scaj te bayal yutsil yo'tan cu'untique.

Efesios 5:19

Ja' lec tsoba abaic ta yalel salmoetic, soc c'ayojetic ta swenta yich'el ta muc' te Diose, soc c'ayojetic ta swenta Espíritu. C'ajintayaic soc albeyaic yutsilal soc spisil awo'tanic te Cajwaltique.

Colosenses 1:14

Ja' ta swenta xch'ich'el te la sman jcoleltique, jich la spasbotic perdón yu'un te jmultique.

Colosenses 1:23

Jich me ya xc'oex teme jc'axel ya xjunaj awo'tanic ta melele, soc teme ja' ipajemex ta lec a te xch'uunjel awo'tanique, soc teme ma xawijq'uitay ta awo'tanic smaliyel te bila ya yal te lec yach'il c'op awaiyojiquix stojole. Ja' te sc'oplal colel te yaquix ta cholel ta bayuc ta sjoylejal balumilal, te quich'oj abatinel ta xcholel uuc jo'on te Pabloone.

Tito 2:14

Ja' la yac' sba ta lajel ta jwentatic stuquel. Jich la scoltayotic loq'uel ta bay te bila amen jpasojtique, soc jich la yutstesbotic co'tantic swenta yu'un lumotic yu'un ya xc'ot te toyol co'tantic ta spasel spisil te bila lec ta pasele.

Hebreos 11:14

Spisil te mach'a jich la yalique, tey la yaq'uic ta ilel ta jamal a te yacalic to ta sleel te mero slumalique.

2 Pedro 2:1

Ja'uc me to, namey q'uinal ay lotil j'alwanejetic ta yolil te lum Israele. Ja' nanix jich ya me xchicnaj lotil maestroetic ta awolilic uuc. Muquen me ya yaq'uic ta nopel yan c'op te ya xjinawane. Ma ja'uc ya yaq'uic ta ich'el ta muc' te Cajwaltic te la stojbey scolelique. Jich me ora ya yich'ic jinel stuquelic.

1 Juan 1:7

Yan teme ayotic ta bay te saquil q'uinale, jich bit'il ja' saquil q'uinal stuquel te Diose, jich jun nax ayotic ta jpisiltic abi, soc jich ya spocbotic spisil jmultic ta xch'ich'el te Jesucristoe, ja' te Snich'an te Diose.

1 Juan 2:2

Te Jesucristo la yac' sba ta milbil smajt'an Dios swenta yu'un la spasbotic perdón yu'un te jmultique. Ja'uc me to, ma jtuquelticuc nax, soc spisil uuc te ants-winiquetique.

Apocalipsis 10:11

Jich la yalbon xan: —Puersa me ya awaiy xan j'alwanej yan buelta te bit'il ay sc'oplal yu'un Dios bayal ta pam lumetic soc bayal ta jchajp nacionetic, te yanyantic sc'opique soc te yanyantic muc' ajwaliletic yu'unique —la yuton.

Apocalipsis 11:9

Te lumetic te yanyantic sts'umbalique soc te yanyantic sc'opique soc te yanyantic nacionetique, olil xchaneb c'aal ya me yilbeyic sbaq'uetalic te tixilic ta comonsitil. Ma xyac'beyic te ya yich' muquel te sbaq'uetalique.

Apocalipsis 13:7

Soc ac'bot permiso te ya spas guerra soc te mach'atic ch'ul lum yu'un te Diose, ja' to teme la stsale. Soc ac'bot yich' yat'el ta stojol spisil ta jchajp sts'umbal te ants-winiquetique soc spisil ta jchajp lum te yanyantic sc'opique soc te yanyantic nacionetique.

Apocalipsis 13:8

Spisil te mach'atic nainemic ta balumilale la slajin sbaic ta stojol te muc'ul chambalame, ja' te mach'atic ma nacaluc sbiilic ta lista swenta cuxinel te yich'oj te Alalchij te laje, te la yich' ts'ibuyel c'alal to te bi ora pastaj te ch'ulchan balumilale.

Apocalipsis 14:6

Soc la quil yan ch'ul abat yac ta wilel ta sjamalul te ch'ulchane, yich'oj te lec yach'il c'op swenta scolelic te mach'atic ainemic ta balumilal te ya yalbey yaiyique. Ja' spisil ta jchajp te nacionetic te yanyantic sts'umbalique soc te yanyantic sc'opique soc te yanyan lum ayique.

Apocalipsis 15:3

Soc yacalic ta sc'ajintayel sc'ayoj Moisés te abat yu'un te Diose soc sc'ayoj te Alalchij te jich yacalic ta yalele: “Cajwaltic Dios te spisil ya xju' awu'un, c'ax muc' spisil te awat'ele soc jelawen yutsil spisil te bila ya apase. Ja'at Muc' Ajwalilat yu'un spisil ta jchajp te nacionetique. Toj awo'tan atuquel soc smelelil stuquel te be awu'une.

Apocalipsis 17:15

Te ch'ul abate la yalbon xan: —Te maretic la awil ta bay nacal te jmulawil antse, ja' seña bayal ta jchajp lum soc bayal ta jtul ants-winiquetic te yanyantic sc'opic soc te chajbalchajp nación ayique.

Apocalipsis 4:11

“Cajwal, ja' awu'un te ich'el ta muq'ue, ya sc'an alel awutsilal soc awu'el. Yu'un ja'at la achicnantes spisil te bitic aye, soc ja' sc'anjel awo'tan te bitic ayic ta q'uinale soc te bitic la yich' chicnantesel awu'une”, xiic.

Apocalipsis 5:12

Tulan yacalic ta aw te jich la yalique: “Te Alalchij te la yich' milele, ay ta swenta yich'el yu'el, soc sc'ulejal, soc sp'ijil, soc yip. Ay ta ich'el ta muc' soc te yutsilale”, xiic ta aw.

Apocalipsis 5:6

Jich la quil ta bay te muc'ul nactijibale soc ta banti ay te chancojt' bitic cuxajtic te ay ta yolilal te mamaletique. Tey cotol a te jcojt' Alalchij. Yich'oj milel yilel, te ay juqueb xulub soc juqueb sit, ja'ic te juqueb Espirituetic yu'un Dios te la yich'iquix ticunel bael ta spamal te balumilale.