Apocalipsis 5:5 - Bible in Tzeltal de Oxchuc y Tenejapa

⁵ La yalbon ts'iin te jtul mamale: —Ma x'oc'atix. Melel ya xju' yu'un sjamel selloetic te León-choj yu'un te sts'umbal Judá te ja' nix sts'umbal te muc' ajwalil Davide. Melel ju'ix yu'un tsalaw. Jich ya xju' yu'un sjamel soc spolel te juqueb selloe —xi'.

Nuevo Testamento Tzeltal de Amatenango

⁵ Pero ay jtul te lom mamalikixe la yalbon: —Ma okꞌan ta mas. Yuꞌun te mukꞌul choj te stsꞌumbal Juda, te jaꞌ mismo stsꞌumbal te rey Davide, juꞌix yuꞌun tsalaw. Y ya xjuꞌ yuꞌun te ya sjam te balbil june, sok ya xjuꞌ ya xchꞌiꞌ te jukeb seyoetike”, xchi.

Bible in Tzeltal Bachajón

⁵ Ay jtuhl te mamaletic la yalbon: Ma x'oc'at, como te Choj yu'un te jchahp yu'un Judá, ha te slohp' David, la ya'iy tsalaw, ya xhu' ya sjam te balbil hun soc te huqueb sellohetic yu'une, xchi.

Apocalipsis 5:5 ပူးပေါင်းရင်းမြစ်များ

1 Reyes 10:20

Ay lajchayeb sloc'omba león-chojetic cotajtic ta swaquebal ta cajalcaj te moibaletic, juju-jcojt' ayic ta juju-jejch'. Ma'yuc yan banti jich pasbil yu'un yantic ajwaliletic a te nactijibale.

2 Crónicas 9:18

Te muc'ul nactijibal ay ta mero sba te swaquebal ta caj moele, soc ay jun scajtijib yacan te muc' ajwalil te pasbil ta oro. Soc ay scajtijib sc'ab ta juju-jejch' te nactijibale, ta jujun sts'eel ay sloc'omba león-chojetic cojt'ajtic tey a.

Job 41:15

Te lomoetic yu'un, majq'uilaletic yilel te cholol yu'une, macajtic soc buen tulanic, pajalic soc tonetic yilel.

Isaías 11:1

Ta xchumante'al Isaí sbiil ya xloc' tel spul; ya xt'om loq'uel tel spul ta bay yisim.

Isaías 11:10

Te bi c'aalil ya xc'ot ta pasele, ya xpulin te slojp' te' Isaí sbiil, te spul ya me xchicnaj jajch'el jichuc bandera, ta swenta señail ta stojol te lumetique. Te nacionetic ya me xba sleic; te awilal te banti aye, ay me yutsilal tey a.

Jeremías 31:16

Ja'uc me to, ya yalbey te Cajwaltique: —Raquel, ma x'oc'at xan; ma xamalix loq'uel ya'lel te asite. Melel te mel-o'tanil awu'une, ya me awich'bey stojol; te awalataque ya sujt' loq'uel tel ta slumal te scontroe. Jo'on Ajwalilon, jich ya cal.

Daniel 7:16

Ja' yu'un noptsajon bael ta sts'eel jtul te mach'atic tey tec'ajtic a, la calbey te yacuc yalbon caiy sc'oplale. La xch'uun te ya yalbon caiye.

Números 24:9

C'alal ya smejts'an sba ta xcuxel yo'tanic, jich yilel te bit'il león-choj: ma'yuc mach'a ya xjelaw ta stijel. Jelawen yutsil te mach'a ya sc'anbat bendición, ya me yich' castigo te mach'a ya sc'anbat castigo —xi' te Balaam.

San Lucas 23:28

Te Jesús la sujt'es sba yil soc la yalbey: —Te ja'ex yantsilel Jerusalén, ma me x'oq'uex cu'un. Oq'uetaya aba atuquelic, soc te awalataquique.

San Lucas 7:13

Te Cajwaltique la yil soc la sna'bey yolij sba te me'ba antse. Jich la yalbey: —Ma x'oc'at —xi'.

San Lucas 8:52

Spisilic yacalic ta oq'uel, soc x'awetic nax ta smelel yo'tanic yu'un te ach'ixe. Te Jesús jich la yalbey: —Ma x'oq'uex. Melel te ach'ixe ma ba lajem. Wayal nax —xi'.

San Juan 20:13

Te ch'ul abatetique la yalic: —Ants, ¿bistuc te yacat ta oq'uele? —xiic. La yal te antse: —¿Bi yu'un la yich'bonic bael sbaq'uetal te Cajwale? Ma jna' te banti la yac'bonic jilele —xi'.

Romanos 1:3

Ja' bi ja' sc'oplal te Cajwaltic Jesucristo te ja' Snich'an Dios stuquel. Ja' sts'umbal te muc' ajwalil David ta swenta sbaq'uetal.

Romanos 15:12

Soc jich la yal ta sjun uuc te Isaiase: “Ya xpulin loq'uel yisim te Isaí, ja' ajwalil ya xc'ot yu'un te jyanlumetique. Ja' me ya smuc'ulin yo'tanic te jyanlumetique”, te xie.

Hebreos 7:14

Melel jna'ojtic stojol jpisiltic te tey chicnaj ta bay sts'umbal Judá te Cajwaltique. In te Moisese ma'yuc banti la yal te ya yich' yat'el ta sacerdoteil te sts'umbal Judae.

Apocalipsis 1:1

Jich ay te bila la yac' ta na'el Dios ta swenta te Jesucristoe, swenta yu'un jich me ya yac'bey sna' te abatetic yu'une, ja' te bila ya xc'ot ta pasel ta ora naxe. Ta swenta te ch'ul abat yu'un te Jesucristoe, la yac'bey sna' stojol te Juan te ay ta abatinel yu'une.

Apocalipsis 22:16

“Jo'on Jesuson te jticunej tel te ch'ul abat cu'une, tal yal ta testigo-c'op ta stojol te jch'uunjeletique. Jo'on smuc'ul yisimon te muc' ajwalil Davide soc sts'umbalon, soc jo'on te muc'ul ec' c'oemon te ya xloc' tel ta sacubel q'uinale”, xi' te Jesuse.

Apocalipsis 3:21

Te mach'atic ya xju' yu'unic tsalawe, ya me sjoinon ta naclej ta banti te muc'ul nactijibal cu'une, jich nix te bit'il caiyoj tsalaw te jo'one soc te joinejix ta naclej ta bay smuc'ul nactijib te Jtate.

Apocalipsis 4:10

Te chaneb xcha'winic (24) mamaletique ya squejan sbaic ta stojol te mach'a nacal ta smuc'ul nactijib te stalel cuxul sbajt'el q'uinale. Ya scojt'es scoronaic ta stojol te muc'ul nactijibale soc jich ya yalic:

Apocalipsis 4:4

Ta sjoylejal te muc'ul nactijibale, la quil chaneb xcha'winic (24) nactijibaletic te tey nacalic a te chaneb xcha'winic (24) ta jtul mamaletic. Sac te sc'u'-spac' slapojique soc ay scorona ta sjolic te pasbil ta oro.

Apocalipsis 5:4

Bayal la coq'uetay jba yu'un, melel ma ba wejt' jtuluc te mach'a ya xju' yu'un sjamel soc sc'oponel te june.

Apocalipsis 6:1

La quil te Alalchij te c'alal la sjam jun ta sjuquebal te selloetique. Soc la caiy stojol te c'opoj jcojt' te bitic cuxajtique. Jich c'opoj la caiy te bit'il sc'op chawuque: “La' me, ila awil”, xi' la caiy.

Apocalipsis 7:13

Ay jtul te mamaletic te la sjojc'obone, te jich la yalbone: —¿Mach'atic a in to te slapojic saquil sc'u'ique soc banti talemic? —xi'.