Apocalipsis 4:9 - Bible in Tzeltal de Oxchuc y Tenejapa

⁹ Te bitic cuxajtique, spisil ora ya yalbeyic yutsilal, ya yich'ic ta muc', soc ya yalbeyic wocol te mach'a nacal ta muc'ul nactijibale, ja' te mach'a stalel cuxul sbajt'el q'uinale.

Nuevo Testamento Tzeltal de Amatenango

⁹ Te tut kuxajtik ya yalbeyik slekil te Machꞌa nakal ta mukꞌul naktajibal te stalel kuxul sbajtel kꞌinale, sok ya yakꞌik ta jkuenta, y ya yalbeyik kola yal.

Bible in Tzeltal Bachajón

⁹ Te jujun buelta te ya yalbeyic yutsil sc'oblal, te ya yich'ic ta muc' soc te ya yalbeyic wocol te Mach'a hucul ta smuc'ul-huctajib soc te stalel cuxul sbahtel q'uinal,

Apocalipsis 4:9 ပူးပေါင်းရင်းမြစ်များ

Salmos 47:8

Te Diose ja' Muc' Ajwalil yu'un spisil nacionetic; te Diose nacal ta ch'ul smuc'ul nactijib.

Salmos 48:14

te jich ay te Dios cu'untique; ja' jtojteswanej cu'untic sbajt'el q'uinal stuquel.

Éxodo 15:18

Te Cajwal sbajt'el q'uinal muc' ajwalil stuquel”, xiic ta c'ayoj.

Isaías 6:1

Ta ya'wilal te bit'il laj te muc' ajwalil Uzías, chicnaj ta jsit te Cajwaltic, nacal ta smuc'ul snactijib te mero najt' stoylejale. Te sti'il snajt'il sc'u'e nojel yu'un te temploe.

Daniel 12:7

Te winic sc'u'inej lino-pac', la stoy moel sc'ab ta stojol ch'ulchan, ay bila jc'axel la yal ta jamal ta stojol te cuxul Diose, jich la yal: —C'alal to ta oxeb soc olil, ja' te c'alal ya sta yorail ya xquejch'aj ta lajinbeyel yip te lum yu'un Dios, ja' to me ya sta yorail slajibal spisil te bitic jchajp xanix sc'oplal ae —xi'.

Daniel 4:34

La yal xan te Nabucodonosore: “C'alal ts'acaj te castigo ta jtojole, jo'on te Nabucodonosor la quil moel te ch'ulchane. Te c'alal la quil moele, la caiy te lecubon te bit'il boloben te jole. Jich la calbey yutsil sc'oplal te Dios mero toyole, jich la calbey ta xch'ul-tojol te Mach'a cuxul ta swenta sbajt'el q'uinale: ‘Sbajt'el q'uinal ay yip te yu'ele; sbajt'el q'uinal ay ta ajwalinel yu'un spisil ta cajalcaj mach'atic ya xc'axic ta q'uinal.

Deuteronomio 32:40

Ya jtoy moel jc'ab ta ch'ulchan, jc'axel ya cal: Jtalel ayon sbajt'el q'uinal.

Hebreos 7:25

Jich ya xju' ya scoltay sbajt'el q'uinal te mach'atic ya xnoptsajic ta stojol Dios ta swentae, melel ya xju' ya xc'opoj yu'unic spisil ora stuquel te bit'il cuxul ay sbajt'el q'uinal.

Hebreos 7:8

Stalel ya xlajic te sacerdoteetic yu'un Leví te ja' ay ta swentaic yich'el jun ta slajunebal sbiluc te slumalique. Ya yal ta Sjun Dios te cuxul to ta q'uinal stuquel te Melquisedeque.

Apocalipsis 1:18

Jtalel cuxulon. Lajon, ja'uc me to, cuxulonix sbajt'el q'uinal. Jichuc. Quich'oj te sllaveil te lajele soc uuc te stsojbjibal animaetique.

Apocalipsis 10:6

Jich la yac' ta testigo te Mach'a stalel cuxul sbajt'el q'uinal te la spas te ch'ulchane soc spisil te bitic tey ae, te balumilale soc spisil te bitic tey ae, te mare soc spisil te bitic ay tey ae, jich la yal: “Ma ba jalix c'aal.

Apocalipsis 15:7

Soc ay cojt' ta xchancojt'ol te bitic cuxajtique la yac'bey ta sc'abic te juctul ch'ul abatetic te juqueb copaetic te pasbil ta oro te nojelic ta yilimba Dios te stalel cuxul sbajt'el q'uinale.

Apocalipsis 21:5

Soc jich la yal te mach'a nacal ta muc'ul nactijibale: “Ila me awilic, ya jpasix ta yach'il spisil te bitic aye”, xi' la caiy. Soc jich la yalbon: —Ts'ibuya ta jun te bila la cale. Ja' in to, ja' te smelelil c'op te ya xju' ya xch'uun awo'tane —la yuton.

Apocalipsis 4:2

Ta ora nax la swentainon ta yu'el te Espiritue. Jich la quil te ay jun muc'ul nactijibal te ay ta yolil te ch'ulchane, soc la quil te ay mach'a nacal tey a.

Apocalipsis 4:8

Ta xchanebal te bitic cuxajtique ay waqueb xiq'uic te juju-jcojt'e. Nojel ta sitic te yutil xiq'uique soc te spat xiq'uique. C'aal ajc'ubal ma xquejch'ajic ta yalel: “Ch'ul Dios, ch'ul Dios, ch'ul Dios. Ja' te Cajwaltic Dios te Spisil ya xju' yu'une, ja' te mach'a ay ta namey tele, soc te mach'a stalel aye, soc te mach'a jtalelixe”, xiic.

Apocalipsis 5:1

Soc la quil te ay balbil jun te stsacoj ta swa'el sc'ab te mach'a nacal ta muc'ul nactijibale. Ay bila ts'ibubil ta yutil soc ta spat te balbil june, soc yich'oj juqueb sello.

Apocalipsis 6:16

Soc jich caj yalbeyic te witstiquile soc te ch'entiquile: “La' net'awotic, macawotic ta sit te Mach'a nacal ta smuc'ul nactijibe. Ma me staotic te yilimba te Alalchije.

Apocalipsis 7:15

Ja' swentail te tec'ajtic ta stojol smuc'ul snactijib te Diose. C'aal ajc'ubal ayic ta abatinel yu'un ta bay te templo yu'une. Te mach'a nacal ta muc'ul nactijibal, ya me scanantay soc ya me sjoin spisil ora.