Apocalipsis 4:8 - Bible in Tzeltal de Oxchuc y Tenejapa

⁸ Ta xchanebal te bitic cuxajtique ay waqueb xiq'uic te juju-jcojt'e. Nojel ta sitic te yutil xiq'uique soc te spat xiq'uique. C'aal ajc'ubal ma xquejch'ajic ta yalel: “Ch'ul Dios, ch'ul Dios, ch'ul Dios. Ja' te Cajwaltic Dios te Spisil ya xju' yu'une, ja' te mach'a ay ta namey tele, soc te mach'a stalel aye, soc te mach'a jtalelixe”, xiic.

Nuevo Testamento Tzeltal de Amatenango

⁸ Ta jujun to xchanebal te tut kuxule aylan wakeb xikꞌ, y ta yutil y ta spat te xikꞌe aylan sit. Ni ta kꞌajkꞌaltik ni ta ajkꞌubal ma xkomik ta yalel: “Chꞌul Dios, Chꞌul Dios, Chꞌul Dios, Dios te spisil ya xjuꞌ yuꞌune, te stalel ay ta namey, sok te ora to, sok ta sbajtel kꞌinal”, xchiik.

Bible in Tzeltal Bachajón

⁸ Ta schanebal te bintic cuxajtic ay wacwaqueb xic' ta jujun, soc ay sitic ta scohtol soc ta yutil. C'ahc'al ahc'abal ma xquehchajic ta yalel: Ch'ul Dios, Ch'ul Dios, Ch'ul Dios te Cajwaltic Dios te spisil ya xhu' yu'un, te ay ta namey, ta ora ini, soc te ya xtale, xchihic.

Apocalipsis 4:8 ပူးပေါင်းရင်းမြစ်များ

Génesis 17:1

Te c'alal balunlajuneb yo'winic (99) ya'wilal a te Abram, te Cajwaltic la yac' sba ta ilel ta stojol, jich la yalbey: —Jo'on Dioson te Spisil ya xju' cu'une, toj me xawac' aba ta jtojol, ma me xapas te bila ma lecuque.

Salmos 91:1

Te mach'a ay ta canantayel yu'un Dios te mero Toyole, te ay ta yaxinal te Mach'a Spisil ya xju' yu'une,

Éxodo 15:11

Ja'at Cajwal, ma'yuc yan diosetic ya spajat. Ma'yuc yan mach'a ya spajbat awutsilal soc amuc'ul te ja'ate. ¡Jchajp nax bitic ya apas soc xiweltic sba! ¡Awu'un c'ajintayel!

Éxodo 3:14

La sjac' te Diose: —Albeya: “JO'ON TE JTALEL AYONE”, xi' te sbiile, uta me. Soc albeya te alumale: “TE STALEL AY, xi' te sbiile, ja' la sticunon tel ta atojolic”, uta me —xi'.

Isaías 13:6

Awunanic me ta apisilic yu'un xc'uxul te woclajel, melel nopolix sc'aalelal yu'un te Cajwaltique, xlumlej nax me ya xjul te Mach'a spisil ya xju' yu'une.

Isaías 62:1

Ta scaj xc'uxul co'tan awu'un, Sión, ma ba ya xch'abon ta c'op; ta scaj xc'uxul co'tan awu'un, Jerusalén, ma ba ya jcux co'tan ja' to me c'alal ya xojobaj awu'un te tsalawe, jich bit'il ya sacub tel te q'uinale, soc yac ta tilel jichuc tuchbil c'ajc' te acolele.

Ezequiel 1:18

La quil te ruedaetic, ta xchanebal bayal xlemlajan sc'aal soc jich c'oem te bit'il sitiletic ta sjoyobal sti'il te jujune.

Ezequiel 1:5

Ta mero yolil ay bila ay tey a, pajal soc chaneb bila cuxajtic, jich yilel te bit'il winique.

Ezequiel 1:6

Ta jujun ay chaneb yelawic soc chaneb xiq'uic.

Ezequiel 10:12

Ay sitiletic ta scojt'ol, ta spatic, ta sc'abic, soc ta xiq'uic, mero xlemlajanic ta spisilic ta bayuc. Ja' nix jich ta xchanebal te ruedaetique.

Joel 1:15

¡Ay! Ya xnoptsajix sc'aalelal te Cajwaltique. Mero xiweltic sba te c'aal in to; ya me yich'botic tel lajel, ja' lajel yu'un te Mach'a Spisil ya xju' yu'une.

Hechos 20:31

Wic'a me asitic jiche. Na'ulaya me spisil ora te oxeb ja'wil te c'aal ajc'ubal ma la jcom jba ta jtac'uybelex juju-jtulexe. Bayal oc'on yu'un te yacuc c'otuc ta awo'tanique.

2 Corintios 6:18

Jo'on me Atatonic ya xc'oon, te ja'exe cal-jnich'nab ya xc'oex, xi' te Cajwaltic te Spisil ya xju' yu'une”, te xie.

1 Tesalonicenses 2:9

Quermanotac, na'aic me te bit'il lubon ta sleel te bila tuun cu'une. At'ejon ta c'aal ajc'ubal, yu'un ma la jc'an te la cac'beyex awocolic te c'alal yacon ta xcholel ta atojolic te lec yach'il c'op yu'un te Diose.

1 Timoteo 4:16

Tsajtaya me awo'tan, soc tsajtaya me te bila ya awac' ta nopele. O'tanina me spasel spisil ora. Teme jich ya apase, ya me acoltay aba a te ja'ate, soc ya me acoltay uuc te mach'atic ya yaiybat stojol te ac'ope.

2 Timoteo 4:2

Ja' ya calbat te ya me awat'elin xcholel te sc'op Diose; chican teme yorail a te ya achole, o teme ma yorailuque. Aiya me tojobteswanej, soc comaw; soc lamaluc me awo'tan ta tac'uywanej soc yaq'uel ta nopel te bila ay ta ch'uunele.

Hebreos 13:8

Te Jesucristoe stalel ay, ma xyanaj stuquel. Te bit'il ay te wojeye, ja' nanix jich ta ora to, soc ta sbajt'el q'uinal.

Apocalipsis 1:4

Jo'on Juanon te ya jpatbeyex awo'tanic ja'ex te jucchajp jch'uunjelex te ayex ta sq'uinal Asia. Ac'a yac'beyex bayal yutsil yo'tan, soc lamaluc me q'uinal ya awaiyic yu'un te mach'a stalel aye, te ay ta namey tele, soc te mach'a talelixe, soc uuc te juqueb espirituetic te ayic ta yelaw te muc'ul nactijibale,

Apocalipsis 1:8

“Jo'on Alfaon, jo'on Omegaon; ayon ta xjajch'ibal soc ta slajibal”, xi' te Cajwaltic te Spisil ya xju' yu'une. Ja' te mach'a stalel aye, soc te ay ta namey tele, soc te mach'a jtalelixe.

Apocalipsis 11:17

Jich la yalic: “Ya me caltic wocol ta atojol, Cajwal, Diosat te Spisil ya xju' awu'une. Atalel ayat ta namey, ta ora to soc te nopol ya xtalatixe. Melel la awaq'uix ta ilel te smuc'ul awu'ele. Jich ayatix ta ajwalinel atuquel.

Apocalipsis 14:11

Te xch'ailel te swocolique, xtomomet nax ya xmo sbajt'el q'uinal. C'aal ajc'ubal ma'yuc banti ya yich'ic lewa yu'un castigo spisil mach'atic te ya slajin sbaic ta stojol te muc'ul chambalam te xi'bantic sba soc ta stojol te sloc'ombae soc te yich'ojbeyic smarca ta stibaique o ta sc'abique”, xi' ta aw la caiy.

Apocalipsis 14:3

Yacalic ta sc'ajintayel ach' c'ayoj ta stojol te muc'ul nactijibale soc ta stojol te chancojt' bitic cuxajtique soc ta stojol te mamaletique. Jtul ma'yuc mach'a ya xju' yu'un snopel te c'ayoje, ja' nax te waxaclajunwinic ta jbajc' (144,000) ta jtul te coltaybilic loq'uel ta yolil te ants-winiquetique.

Apocalipsis 15:3

Soc yacalic ta sc'ajintayel sc'ayoj Moisés te abat yu'un te Diose soc sc'ayoj te Alalchij te jich yacalic ta yalele: “Cajwaltic Dios te spisil ya xju' awu'un, c'ax muc' spisil te awat'ele soc jelawen yutsil spisil te bila ya apase. Ja'at Muc' Ajwalilat yu'un spisil ta jchajp te nacionetique. Toj awo'tan atuquel soc smelelil stuquel te be awu'une.

Apocalipsis 15:7

Soc ay cojt' ta xchancojt'ol te bitic cuxajtique la yac'bey ta sc'abic te juctul ch'ul abatetic te juqueb copaetic te pasbil ta oro te nojelic ta yilimba Dios te stalel cuxul sbajt'el q'uinale.

Apocalipsis 16:14

Ja' te espíritu yu'un te pucujetic te ya yaq'uic ta ilel jchajp at'eliletic soc ya stsobic spisil te muc' ajwaliletic te ayic ta balumilale. Yu'un ya me xtalic ta guerra te c'alal ya sta sc'aalelal te jun c'aal te mero muc' sc'oplal yu'un Dios te Spisil ya xju' yu'une.

Apocalipsis 16:7

Soc la caiy stojol te ay mach'a c'opoj tey a ta bay xchic'jibal milbil smajt'an te Diose, te jich la yale: “Melel nix a Cajwal, te Diosat te Spisil ya xju' awu'une, toj awo'tan la awaq'uix castigo ta swenta te bila smelelile”, xi' ta yalel.

Apocalipsis 19:15

Ta ye yac ta loq'uel puñal te ay ye te ya yejch'entes a te nacionetique, soc tulan me ya xmandalaj soc sbastón-taq'uin ta stojolic. Ya me stec' ta pits'el loq'uel te ya'lel ts'usube, te ja' seña te mero tulan yilimba te Dios te Spisil ya xju' yu'une.

Apocalipsis 19:4

Te chaneb xcha'winic (24) ta jtul mamaletic soc te chancojt' bitic cuxajtique la slajin sbaic ta stojol Dios te nacal ta smuc'ul nactijibe. Jich la yalic: “Jichuc ac'a c'otuc ta pasel. ¡Ay yutsilal!”, xiic.

Apocalipsis 21:22

Ma'yuc templo la quil tey a ta bay te muc'ul lume. Melel te Cajwaltic Dios te Spisil ya xju' yu'une soc te Alalchije, ja' templo yu'un te lume.

Apocalipsis 3:7

Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Filadelfia: Jich me la yal te ch'ul Dios te ma'yuc lot ta yo'tane, ja' te Mach'a yich'oj te llave yu'un te muc' ajwalil Davide, ja' te Mach'a ya sjam te ma'yuc jtuluc ya xju' yu'un smaquele. Te bila ya smaque, ma'yuc jtuluc mach'a ya xju' yu'un sjamel.

Apocalipsis 4:4

Ta sjoylejal te muc'ul nactijibale, la quil chaneb xcha'winic (24) nactijibaletic te tey nacalic a te chaneb xcha'winic (24) ta jtul mamaletic. Sac te sc'u'-spac' slapojique soc ay scorona ta sjolic te pasbil ta oro.

Apocalipsis 4:6

Soc ay bila pamal tey a ta bay stojol te muc'ul nactijibale, pajal yilel soc mar te xlemet nax jich bit'il te espejoe. Ta yolilal ta bay xchantselel xchiquin te muc'ul nactijibale, ay chancojt' te bitic cuxajtic la quil tey a te ay sitic ta scojt'ol ta yelawic soc ta spatic.

Apocalipsis 4:9

Te bitic cuxajtique, spisil ora ya yalbeyic yutsilal, ya yich'ic ta muc', soc ya yalbeyic wocol te mach'a nacal ta muc'ul nactijibale, ja' te mach'a stalel cuxul sbajt'el q'uinale.

Apocalipsis 5:6

Jich la quil ta bay te muc'ul nactijibale soc ta banti ay te chancojt' bitic cuxajtic te ay ta yolilal te mamaletique. Tey cotol a te jcojt' Alalchij. Yich'oj milel yilel, te ay juqueb xulub soc juqueb sit, ja'ic te juqueb Espirituetic yu'un Dios te la yich'iquix ticunel bael ta spamal te balumilale.

Apocalipsis 6:1

La quil te Alalchij te c'alal la sjam jun ta sjuquebal te selloetique. Soc la caiy stojol te c'opoj jcojt' te bitic cuxajtique. Jich c'opoj la caiy te bit'il sc'op chawuque: “La' me, ila awil”, xi' la caiy.

Apocalipsis 6:6

La caiy stojol te ay mach'a c'opoj ta yolilal te chancojt' te bitic cuxajtique, te jich la yale: “Cheb libra trigo ta jun denario stojol, soc waqueb libra cebada ta jun denario. Yan te aceite soc te vino ma me xawac' ch'ayuc stuquel”, xi'.

Apocalipsis 7:11

Spisil te ch'ul abatetique, tec'ajtic ta bay sjoylejal te muc'ul nactijibale soc te chaneb xcha'winic (24) ta jtul mamaletique soc te chancojt' te bitic cuxajtique, la spajc'an sbaic ta lum ta stojol te muc'ul nactijibale. Jich la yich'ic ta muc' te Diose.

Apocalipsis 7:15

Ja' swentail te tec'ajtic ta stojol smuc'ul snactijib te Diose. C'aal ajc'ubal ayic ta abatinel yu'un ta bay te templo yu'une. Te mach'a nacal ta muc'ul nactijibal, ya me scanantay soc ya me sjoin spisil ora.